Matiu 5:19 - Edo Bible (E Baibol Ẹdo) Version 1996

¹⁹ Rhunmwuda ọnii, ọmwaikọmwa ne ọ rra ọkpa ne ọ kanmwa sẹ vbe uwu avbe Uhi na, ọ na vbe ma emwa ọvbehe re ne iran ru vberriọ, rẹn ọre ọ gha re ne ọ kanmwa sẹ vbe Arriọba ẹrinmwi. Odẹ nogieva, ọmwaikọmwa ne ọ mu avbe uhi na sẹ, ọ na vbe ma emwa ọvbehe re ne iran ru vberriọ, rẹn ghi gha re ne ọkpọlọ ẹsẹse vbe Arriọba ẹrinmwi.

Matiu 5:19 ပူးပေါင်းရင်းမြစ်များ

Psalm 119:128

Rhunmwuda ọnii, mẹ lele igiodẹ ruẹ hia; I keghi vbe sọnnọ odẹ ne ọ ma gba hia.

Psalm 119:6

A deghẹ I rhie ekhọe lele uhi ruẹ hia, ẹghẹ ni a i ghi ra fa mwẹ uan.

Daniẹl 12:3

Iran ne ọkaolotu ni wan ni rrọọ ghi gha fi wainwain zẹ vbe iso. Avbe emwa ni vbe ma emwa re ne iran gha ru emwi ne ọ gbae, gha fi wainwain zẹ vbe avbe orhọnmwẹ ni rre iso.”

Matiu 11:11

Ne I khama uwa, emwa ni he rrie agbọn na hia, Jọn ne Ọsamẹ ọrọre ne ọ kpọlọ sẹ vbe uwu ehia. Sokpan, ọmwa ne ọ vbe kanmwa sẹ vbe Arriọba ẹrinmwi kpọlọ sẹ ọre.

Matiu 19:28

Jesu keghi tama iran wẹẹ, Ne I tama uwa, ẹghẹ ne Ovbi Ọmwa gha na tota ye ẹkete uyi ẹre vbe Agbọn Ọgbọn ne ọ dee, wa ne iweva ni lele mwẹ na, gha vbe tota ye ẹkete, wa ghi vbe gha bu ohiẹn ẹwae iweva ne ọ rre Izrẹl.

Matiu 20:26

Sokpan ọ ghe uwa i sẹtin gha ye vberriọ. Ne ọ rhirhi gha ho ne irẹn gha re ne ọ kpọlọ vbe uwu uwa, wẹ nẹ ọ gha re ọguọmwadia ni dekẹe.

Matiu 28:20

Wa ma iran ẹre ne iran gha yin zẹ vbene I yi ẹre iyi ne uwa. Wa yerre wẹ I gha gu uwa gha rrọọ vbe ẹghẹ hia rhinrin ya sẹ ufomwẹ agbọn.”

Iyẹn ne ọ Maan Ọghe Luk 1:15

Rhunmwuda okpọmwa rẹn khian gha khin vbe odaro Osanobua. A ghẹ giee ye unu kan ayọn, a ma ghi wẹ ayọn ne ọ wo vbe egbe. Orhiọn Ne ọ huanrẹn gha hin yan rẹn wa ke ẹghẹ ne a ya biẹ ọe kpao.

Iyẹn ne ọ Maan Ọghe Luk 11:42

“Ọ suaa, wa ne Farisi! Wa ghae avbe emwi uwọnmwẹ negiẹrẹ hia vbe ihe igbe, rhie obọkpa ne Osanobua, avbe itehie kevbe akpọkọ kevbe avbe ebe ni dekẹe hia, wa keghi yangbe ẹmwata ne a ta, kevbe ne a gha ho ẹmwẹ Osanobua. Ọ te kei ne uwa ru ena vbe ne a i na yangbe ni dekẹe.

Iyẹn ne ọ Maan Ọghe Luk 9:48

Ọ tama iran wẹẹ, “Ọmwa ne ọ miẹn ọvbokhan na yi vbe eni mwẹ, miẹn mwẹ yi. Ọmwa ne ọ miẹn mwẹ yi, miẹn ọmwa ne ọ gie mwẹ yi. Rhunmwuda ne ọ kanmwa sẹ vbe uwu uwa hia, ọrọre ne ọ kpọlọ sẹ ehia.”

Iwinna 1:1

Tiofilọs ne ọ ghan: Vbe ebe ne I ka gbẹn guẹ, I ya unu kan ẹmwẹ emwi ne Jesu gha ru kevbe ne ọ vbe gha ma emwa ẹre ke ẹdẹ ne ọ suẹn iwinna.

Ebe ne Pọl gbẹẹn gie emwa Rom 3:8

A ghi wa tae vbe nian khekherriọ wẹ, “Wa gie ima wa gha ru emwi dan ne emwi ne ọ maa miẹn ehe na gha rre ẹmwata,” emwa eso wa rhia mwẹ eni ruan nẹ vbe ne iran na ba mwẹ ifi ẹzọ wẹ erriọ ọre imẹ kha re. A gha hu ahe gbe iran na, zẹ vbene ọ kere ne iran.

Ebe ne Pọl gbẹẹn gie emwa Rom 6:1

Vbe ima ghẹ ghi kha hẹ yi khekherriọ. Te ima ghẹ ghi gha kakabọ ru orukhọ yọ ra ne ẹse ọhẹ Osanobua miẹn ehe na gha muan yọ?

Ebe ne Pọl gbẹẹn gie emwa Rom 6:15

Vbe a ghi ta ẹe hẹ nian? Te ima ghẹ ghi gha ru orukhọ ra rhunmwuda ighẹ ma i rre ototọ uhi, ighẹ ototọ ẹse ọhẹ Osanobua ọre ima ye? a wua.

Diuteronomi 12:32

“Wa ru emwi hia ne I tama uwa ne uwa ru, wa ghẹ fian yọ, wa ghẹ fian hin.

Diuteronomi 27:26

“ ‘Ihẹn Osanobua rre uhunmwu ọmwa ne ọ ma ya uhi Osanobua kevbe iruemwi ẹnrẹn hia ru emwi.’ “Emwa ni hia ghi kha wẹẹ, ‘Isẹ!’

I Timoti 6:11

Sokpan wẹ ne ọmwa Osanobua, gha lẹ ne avbe emwi na hia. Gha ziga gualọ ẹmwata, uyinmwẹ ne ọ khẹ ọghe Osanobua, iyayi, aho ẹmwẹ ọmwa, i ziengbe kevbe ufumwẹ.

Taitọs 3:8

Ẹmwata ọre ẹmwẹ na khin. I ho ne u kakabọ tua unu mu ẹmwẹ na, ne iran ni ya Osanobua yi miẹn ehe na mu aro ye ẹmwẹ iwinna esi ne a winna. Ena ọrọre emwi ne ọ maa kevbe ne ọ ke ne emwa.

I Pita 5:4

Ẹghẹ ne Ogiete iran ne avbe Ọsuohuan gha na ya egbe ladian, ẹde uyi ne ẹ i fafaa, gha sẹ uẹ obọ.

I Jọn 3:4

Ọmwaikọmwa ne ọ ru orukhọ, ọ rri abe ọ ghe wẹẹ, ọ rra uhi Osanobua. Rhunmwuda a rra uhi ọre orukhọ khin.

Arhie Maan 2:20

Sokpan ẹzọ ruẹ ne I gui ọre ọna khin wẹ, u keghi rhie otọ ne khuo ni ighẹ Jezibẹl, ọmwa ne ọ tie egbe ẹre ukọ Osanobua. Rẹn gha ma avbe emwa ẹre, ọ ghi vbe gha silo iran fi uwu alama oghẹ kevbe ne iran gha rri evbare ne a ya ru ẹbọ.

I Samuẹl 2:30

Mẹ ne Nọyaẹnmwa ne Osanobua ọghe Izrẹl ọ re ọ yan rẹn vbe ẹghẹ ne ọ gberra wẹ ẹwae ruẹ kevbe ẹgbẹe ruẹ, gha ga mwẹ zẹ vbe ohẹn ẹdẹdẹmwẹdẹ sokpan, banbanna nian, I khare wẹ I i ghi mwẹ obọ vbọ sokpan, I gha daa ne iran ni daa mẹ, sokpan, iran ni zan mwẹ, I gha fa iran an.