Matiu 5:18 - Edo Bible (E Baibol Ẹdo) Version 1996

¹⁸ Ne I tama uwa, omwa vbene ẹrinmwi vbe agbọn na he ye rrọọ, a i ra vbọ irọn ọkpa fua vbe egbe uhi rhinrin a te do miẹn wẹ emwi hia sẹ ufomwẹ.

Matiu 5:18 ပူးပေါင်းရင်းမြစ်များ

Psalm 102:26

A gha ho iran bẹkun, sokpan, wẹ gha rrọọ, ehia gha rẹnhuan zẹ vbe ukpọn, a gha ho iran bẹkun.

Psalm 111:8

Te iran wa rrọ rhinrin ẹdẹ ẹmwata kevbe uhunmwu ẹmwẹ ọ re a ya rhie iran rre.

Psalm 119:152

Ọ kpẹre ne I ghi rẹn igiodẹ ruẹ, te uwẹ ru iran, ne iran gha rrọ ẹdẹdẹmwẹdẹ.

Aizaia 40:8

Ẹn, irunmwu luẹluẹe, obobo fafaa sokpan, ẹmwẹ e Nọyaẹnmwa rrọọ, ẹdẹdẹmwẹdẹ.”

Aizaia 44:26

Sokpan avbe eguọmwadia mwẹ ta emwi ne ọ gha he sunu yotọ Mẹ gha gie ọmwa uhunmwu ne ọ ya rhie emwamwa mwẹ maa, I ghi ru ẹe ne avbe emwamwa nii kevbe ẹmwẹ ne a ta yotọ nii gele gha sunu. I tama Jerusalẹm wẹ emwa gha dọlegbe gha rre evba, kevbe avbe okpẹvbo ni rre Juda ighe a gha dọlegbe bọ iran. Avbe ẹvbo nii gha kpaegbe hin itowa ree.

Aizaia 51:6

Wa tọn aro mu ghe odukhunmwu, wa ghe otọ agbọn! A gha ho avbe odukhunmwu bẹkun zẹvbe ighogho; agbọn wiẹn uan zẹvbe ukpọn ne ọ khian ọmaẹn emwa ni rrọọ hia gha wulo zẹvbe ikian. Sokpan, imiẹnfan ne I rhie dee, etẹbitẹ nọ akhọnmiotọ mwẹ ọ re ọ ra gha re ufomwẹ ehia.

Matiu 10:15

Ne I tama uwa ọ gha sẹ ẹdẹ ibuohiẹn, Osanobua gha tohan emwa ni rre Sọdom kevbe Gomorra sẹ emwa ni rre ẹvbo ni.

Matiu 10:23

Deghẹ iran zẹ uwa owẹ vbe ẹvbo ọkpa, wa lẹ gha rrie ọvbehe. Ne I tama uwa, ẹ i kẹ uwa ya winna la otọe Izrẹl hia fo Ovbi Ọmwa ke rre.

Matiu 10:42

Wa vbe yerre wẹẹ, ọmwaikọmwa ne ọ sa ukpu amẹ nọfurre ne ne ọ kanmwa sẹ vbe uwu iran ni lele mwẹ na, rhunmwuda ighẹ ọmwa ne ọ lele mwẹ nọ, ẹ i mwẹ ọ ma rri ere ẹre.”

Matiu 11:11

Ne I khama uwa, emwa ni he rrie agbọn na hia, Jọn ne Ọsamẹ ọrọre ne ọ kpọlọ sẹ vbe uwu ehia. Sokpan, ọmwa ne ọ vbe kanmwa sẹ vbe Arriọba ẹrinmwi kpọlọ sẹ ọre.

Matiu 13:17

Wa yerre ighẹ akhasẹ kevbe emwa Osanobua nibun ọre ọ te gha ho ne iran miẹn emwi ne uwa miẹn na, sokpan iran ma miẹn ọẹn, kevbe ne iran vbe họn emwi ne uwa họn ẹn, sokpan iran ma họn ẹn.

Matiu 16:28

Sokpan wa ye rre o, emwa eso rre emwa na nian, ne ẹ i ra wu ọ te ya miẹn Ovbi Ọmwa vbe ọ gha rre zẹ vbe Ọba.”

Matiu 17:20

Jesu wanniẹn iran ẹmwẹ wẹẹ, “Rhunmwuda ighe iyayi uwa ma sẹ. Deghẹ wa gele mwẹ iyayi ne ọ kpọlọ sẹ vbe ikpẹ itaba, wa gha sẹtin tama oke na wẹẹ, ‘Kpao vbe emwa gha rrie odọ.’ Ọ ghi gele kpao. A i miẹn emwi ne ẹ i gie uwa ru.

Matiu 18:18

“Ne I tama uwa hia nian, emwi ne uwa fan obọ ẹre vbe agbọn, a vbe fan obọ ẹre vbe ẹrinmwi. Emwi ne uwa ma vbe fan obọ ẹre vbe agbọn, a ma vbe fan obọ ẹre vbe ẹrinmwi.

Matiu 18:3

Ọ wẹẹ, “Ne I khama uwa, vbe ẹ i re te uwa fiwerriẹ ne uwa do gha ye vbe ibiẹka, wa i sẹtin la Arriọba ẹrinmwi.

Matiu 19:23

Jesu keghi tama avbe erhuanegbe ẹre wẹẹ, “Ne I tama uwa, ọ gha lọghọ gbe ọmwa ne ọ fe te do lao Arriọba ẹrinmwi.

Matiu 19:28

Jesu keghi tama iran wẹẹ, Ne I tama uwa, ẹghẹ ne Ovbi Ọmwa gha na tota ye ẹkete uyi ẹre vbe Agbọn Ọgbọn ne ọ dee, wa ne iweva ni lele mwẹ na, gha vbe tota ye ẹkete, wa ghi vbe gha bu ohiẹn ẹwae iweva ne ọ rre Izrẹl.

Matiu 21:21

Jesu wanniẹn tama iran wẹẹ, “Ne I tama uwa, a deghẹ uwa yayi vbe ne a i na biro eva, wa gha sẹtin ru egbe emwi ne I ru erhan ohọ na re, vbe ẹmwata wa gha sẹtin khama oke wẹẹ, ‘Vbọ uhe ne u ya werriẹ fi uwu okun,’ ọ ghi gha ye erriọ.

Matiu 21:31

Vbe uwu iran eva na, gha ọ ru emwi ne erha ẹe ho vbọ?” Iran wanniẹn wẹẹ, “Nọdiọn nọ.” Jesu wanniẹn tama iran wẹẹ, “Ne I tama uwa, avbe iran ni koko igho uhunmwu kevbe avbe igberagia ọre ọra ka la arriọba Osanobua khẹ uwa.

Matiu 23:36

Ne I tama uwa, orre na ọre ọ ra rrioya ye ẹmwẹ na hia!

Matiu 24:2

Rẹn khama iran wẹẹ, “Erriọ nọ, wa ma dẹghe emwi na hia, ne I tama uwa, okuta ọkpa ne a ra sẹrae ye ihe ẹre, ẹ i rre emwa na, te a ra guọghọ ehia sẹ otọ.”

Matiu 24:47

Vbe ẹmwata, arowa ẹre gha ya ẹe ru ne ọ gbe aro ghe emwi ne ọ mwẹ hia.

Matiu 25:12

Sokpan ọdafẹn ọha wanniẹn tama iran wẹẹ, ‘I ma rẹn uwa.’ ”

Matiu 25:40

Ọba ghi wanniẹn wẹẹ, ‘Ne I tama uwa, ẹghẹikẹghẹ ne uwa ya ru egbe emwi vberriọ ne ne ọ kanmwa sẹ vbe uwu iran ne etẹn mwẹ na, wa ruẹe mẹ nẹ.’

Matiu 25:45

Ọba ghi wanniẹn tama iran wẹẹ, ‘Ne I tama uwa, ẹghẹ ne uwa ma na ru ẹe ne ọkpa vbe uwu iran ne a i mobọ ka yọ ni, mẹ ọre uwa ma ru iyobọ na.’

Matiu 5:26

Ne I tama ruẹn, u ma ha ukpogho nọdekẹe vbe igho ne a fian ruẹn re nẹ, u i ke evba ladian.

Matiu 6:16

“Wẹ gha rre aguẹ, ghẹ suku aro ua vbene avbe ni zẹ imamase ru. Iran ghi sẹ ohanmwẹ ye aro vbe iran a gha khian vbe adesẹ ore ẹvbo, vbene agbọn hia gha na rẹn ighe aguẹ iran ye. Ne I tama uwa, ere ne ọ rre iran re wa vbe fo ye evba nẹ.

Matiu 6:2

“Rhunmwuda ọnii, u gha rhie emwi ne nẹi mwẹ, ghẹ yae khian wa do ghe, zẹ vbe ne avbe iran ni zẹ imamase ru vbe ada kevbe Ọgua ediọn. Te iran ruẹe ne a ba gha tian iran. Ere ne ọ rrọọ ne iran wa vbe fo nẹ vbe vba.

Matiu 8:10

Ẹmwẹ na keghi wa yan Jesu unu an vbe ọ họẹn, ọ keghi tama iran ni lelẹe khian wẹẹ, “I ma he miẹn ọmwa ne ọ mwẹ iyayi vbenian vbe avbe emwa Izrẹl.

Iyẹn ne ọ Maan Ọghe Mak 10:15

Ne I tama uwa, ọmwa ne ọ ma rhan obọ miẹn Arriọba Osanobua zẹ vbe ọvbokhan, ẹ i sẹtin la uwu ẹre.”

Iyẹn ne ọ Maan Ọghe Mak 10:29

Jesu wanniẹn wẹẹ, “Ẹmwata nọ sokpan ne I tama uwa, ọmwaikọmwa ne ọ sẹ owa rae, ra etẹn ne ikpia, re etẹn ne ikhuo, ra iye, ra erha, ra emọ, ra ugbo rhunmwuda mwẹ, kevbe rhunmwuda iyẹn ne ọ maa.

Iyẹn ne ọ Maan Ọghe Mak 11:23

Ẹmwata I tama uwa, a deghẹ wa tama oke na wẹẹ, ‘Kpẹngiẹn, ne u ya de fi uwu okun,’ ighe u ma vbe ba iro eva vbe uwu ekhọe ruẹ, u na yayi wẹ ẹmwẹ ne u tae gha sẹ, te a gha ruẹe nuẹn.

Iyẹn ne ọ Maan Ọghe Mak 12:43

Rẹn keghi tie avbe erhuanegbe si koko ọ tama iran wẹẹ, “Ne I tama uwa wẹ okhuo ẹgbẹ ne ovbiogue na ọre ọ viọ igho ne ọ bun sẹ ye uwu aza na sẹ emwa nekpa hia.

Iyẹn ne ọ Maan Ọghe Mak 13:30

Ne I tama uwa, emwa hia ni ne agbọn ẹghẹ na nian i he ra wulo fo vbe emwi na hia a gha sunu.

Iyẹn ne ọ Maan Ọghe Mak 14:18

Ehe ne iran ghi na rri evbare vbe eteburu ni, Jesu tama iran wẹẹ, “Ne I tama uwa nian, ọkpa vbe uwu uwa, ọmwa ne ima gba rri evbare, gha rhie mwẹ ma an.”

Iyẹn ne ọ Maan Ọghe Mak 14:25

Ne I tama uwa, mẹ i ra ghi da vbe ayọn na ọvbehe, ọ te do sẹ ẹdẹ ne I gha da ọghọgbọn vbe Arriọba Osanobua.”

Iyẹn ne ọ Maan Ọghe Mak 14:30

Jesu wanniẹn tama Pita wẹẹ, “Ne I tama ruẹn, vbene ọkpa te viẹ igba eva, u gha siẹn mwẹ igba eha.”

Iyẹn ne ọ Maan Ọghe Mak 14:9

Ne I tama uwa nian, eheikehe ne a gha na kpe orhu iyẹn ne ọ maa na vbe uhunmwu otọ agbọn hia, a gha vbe na iyẹn emwi ne ọ ru na ne a ya gha ye ẹre rre.”

Iyẹn ne ọ Maan Ọghe Mak 3:28

“Wa rhie ẹmwẹ na ye ekhọe! Orukhọ ke orukhọ, ne ọmwa a rhirhi ru, ra ẹmwẹ dan ke ẹmwẹ dan ne ọmwa a rhirhi guan, a gha ya bọ ẹe.

Iyẹn ne ọ Maan Ọghe Mak 6:11

Wa gha sẹ ẹvbo ighe emwa ma rhan obọ miẹn uwa ra iran ma rhie ehọ ne uwa ta yi. Wa bọnmwẹ ebubẹ ne ọ rre uwu owẹ ye evba ne uwa ladian vbe evba. Ọna gha re ama emwi ne ọ de ne iran.”

Iyẹn ne ọ Maan Ọghe Mak 8:12

Jesu keghi tu ye ẹmwẹ na ẹsẹse, ọ wẹẹ, “Vbọzẹ ne orre na na gualọ iwinna ama. Vbe ọ ke dee! A i ra rhie ama rhọkpa ma emwa na.”

Iyẹn ne ọ Maan Ọghe Mak 9:1

Ọ keghi rhie te ẹe wẹẹ, “Nẹ I tama uwa, emwa eso rre emwa na banbanna ni i ra wu ọ te do miẹn Arriọba Osanobua vbe ọ gha rre vbe ẹtin.”

Iyẹn ne ọ Maan Ọghe Mak 9:41

Wa ghi ye rre wẹẹ, ọmwaikọmwa ne ọ sa ukpu amẹ ọkpa ne uwa wọn rhunmwuda ighe wa re ọghe Kristi, ọ gha rri ere ẹre.

Iyẹn ne ọ Maan Ọghe Luk 11:51

Ke egbe Ebel gha dee do sẹ egbe Zẹkaraia ne iran gbe ye ẹkpo Ogiukpo kevbe ehe ne ọ huanrẹn. Ẹn ẹn, I tama uwa a gha rria orre na ikhi ye ehia.

Iyẹn ne ọ Maan Ọghe Luk 12:37

Ọ gha ma ne avbe eguọmwadia ni gbe vbe arowa iran aa do vba ighe iran ma vbiẹ, ighe iran re ọkhẹ. Ne I tama uwa, rẹn gha gba ukugba, ọ ghi wẹ ne iran tota, ọ ghi gho iran.

Iyẹn ne ọ Maan Ọghe Luk 13:35

Ghe nian, owa ruẹ khian ne a he ye otọ. Ne I tama ruẹn u ighi dọlegbe miẹn mwẹ ọvbehe, ọ te do sẹ ẹghẹ ne u gha na kha wẹ, ‘Ne Osanobua fiangbe ọmwa ne ọ dee vbe eni Nọyaẹnmwa.’ ”

Iyẹn ne ọ Maan Ọghe Luk 16:17

Sokpan ne ẹrinmwi kevbe agbọn da muaan, ọre ọ fu egbe sẹ ne a khiẹn ruan ighe ne ọ ghi kanmwa sẹ vbe uwu avbe ẹmwẹ ne a ya gbe itian atẹ ye Uhi.

Iyẹn ne ọ Maan Ọghe Luk 18:17

Wa ghi yerre, ọmwa ne ọ ma rhan obọ miẹn Arriọba Osanobua zẹ vbe ọvbokhan kherhe, ẹ i sẹtin la uwu ẹre.”

Iyẹn ne ọ Maan Ọghe Luk 18:29

Jesu tama iran wẹẹ, “Ne I tama uwa: Ọmwaikọmwa ne ọ sẹ owa rae, ra amwẹ, ra etẹn ne ikpia, ra evbibiẹ ọe, ra emọ rhunmwuda Arriọba Osanobua,

Iyẹn ne ọ Maan Ọghe Luk 23:43

Jesu keghi tama rẹn wẹẹ, “I tama ruẹ nian, ẹrẹna, u gha gun mwẹ gha rre Paradais.”

Iyẹn ne ọ Maan Ọghe Luk 4:24

Jesu keghi rhie tẹe wẹẹ, “Ne I tama uwa, a i rhan obọ miẹn akhasẹ vbe ẹvbo ẹre.

Iyẹn ne ọ Maan Ọghe Jọn 1:51

Ọ keghi tama iran wẹẹ, “Ẹmwata ọre I tama uwa, wa gha miẹn vbe ẹrinmwi a kie ye otọ kevbe avbe odibo Osanobua ghi gha hin odukhunmwu, iran ghi vbe gha tuorre yan Ovbi Ọmwa.”

Iyẹn ne ọ Maan Ọghe Jọn 10:1

“Ẹmwata ọre I tama uwa, ọmwa nọ ma la onurho la ogba ohuan, ighẹ ọ la odẹ ọvbehe hin odukhunmwu la rọ, oyi nọ, izigan nọ.

Iyẹn ne ọ Maan Ọghe Jọn 10:7

Rhunmwuda ọnii Jesu dọlegbe tama iran wẹẹ, “Ẹmwata I tama uwa, mẹ ọrọre ọsuohuan ne ọ maa.

Iyẹn ne ọ Maan Ọghe Jọn 12:24

Ẹmwata I tama uwa, ikpe ọka ọkpa ma gberra ikpẹ ọka ọkpa a deghẹ i re te ọ de fi otọ ne ọ wu, a deghẹ ọ wu, ẹghẹ nii ọ ghi mọ ọmọ ni bun ẹsẹse.

Iyẹn ne ọ Maan Ọghe Jọn 13:16

Ne I ta ẹmwata ma uwa. Ọviẹn i kpọlọ sẹ enarẹn, ọmwa ne a gie ẹre uhunmwu i vbe kpọlọ sẹ ọmwa ene ọ gie ẹre uhunmwu.

Iyẹn ne ọ Maan Ọghe Jọn 13:38

Jesu wanniẹn wẹ, “Wẹ gele mu egbe ne u gha ya wu ye ẹmwẹ mwẹ? Ne I ta ẹmwata ma ruẹn, vbene ọkpa te viẹ, u gha siẹn mwẹ igba eha.

Iyẹn ne ọ Maan Ọghe Jọn 14:12

Ẹmwata ọre I tama uwa, ọmwa ne ọ ya mwẹ yi, Ọ gha winna iwinna ne imẹ winnaẹn. Vbe ẹmwata ogha winna iwinna ni sẹ enena, rhunmwuda mẹ rrie ehe ne Evbavba ye.

Iyẹn ne ọ Maan Ọghe Jọn 16:20

Ne I ta ẹmwata ma uwa: Wa gha kpe orhu eve, wa ghi vbe gha viẹ, sokpan agbọn ghi gha ghọghọ, wa gha miẹn akhiẹ, sokpan a ya akhiẹ uwa khian oghọghọ.

Iyẹn ne ọ Maan Ọghe Jọn 16:23

“Ọ gha sẹ ẹdẹ nẹdẹrriọ, wa i ghi ra nọ mwẹ ọta rhọkpa: Ẹmwata I tama uwa, emwi ne uwa a rhirhi ya eni mwẹ nọ Evbavba re, ọ gha rhie ẹre ne uwa.

Iyẹn ne ọ Maan Ọghe Jọn 21:18

Ne I te ẹmwata ma ruẹn, ẹghẹ ne u na gha rre igbama, wẹ ọre ọ te tobọ ruẹ rhie ugbẹkun gba, u ghi gha rrie ehe ne ọ khọn ruẹn. Sokpan, u gha ghi khian ọmaẹn nẹ, u ghi nien obọ ruẹ ladian, ọmwa ọvbehe ghi gba ẹe, ọ ghi siọ gha rrie ehe ne ọ ma te khọn ruẹn.”

Iyẹn ne ọ Maan Ọghe Jọn 3:11

Ẹmwata ne ẹmwata ọre I tama ruẹn, emwi ne ima rẹnrẹn ọre ima guan yan, emwi ne aro mwa sẹ ọ re ima ta, sevba, ne ọ ho ne ọ rhie ẹmwẹ mwa, ẹ i rre uwu uwa.

Iyẹn ne ọ Maan Ọghe Jọn 3:3

Jesu wanniẹn wẹẹ, “Ẹmwata ne ẹmwata ọre I tama ruẹn, ọmwa ne ọ gha sẹtin miẹn Arriọba Osanobua ẹ i rrọọ deghẹ i re te a dọlọ ẹe biẹ.”

Iyẹn ne ọ Maan Ọghe Jọn 3:5

Jesu wanniẹn tama rẹn wẹẹ, “Ẹmwata ne ẹmwata ọre I tama ruẹn wẹ ọmwa ọkpa ne ọ gha sẹtin la Arriọba Osanobua ẹ i rrọọ vbe i re te a ye amẹ kevbe Orhiọn biẹ ọe.

Iyẹn ne ọ Maan Ọghe Jọn 5:19

Rhunmwuda ọnii, Jesu wanniẹn tama iran wẹẹ, “Ẹmwata ọre I tama uwa, Ọmọ izẹ enegbe ẹre ru vbe emwikemwi, emwi ne ọ miẹn ighe Erha ru ọre irẹn vbe ru. Emwi ne Erha ru ọre Ọmọ vbe ru.

Iyẹn ne ọ Maan Ọghe Jọn 6:26

Jesu wanniẹn wẹẹ, “Ẹmwata ọre I tama uwa, rhunmwuda eka ne uwa re ne ọ vbe sẹ uwa ọkẹn ọre uwa na gualọ mwẹ khian ighe ẹ i re rhunmwuda ighe wa miẹn iwinna ẹtin ne I winnaẹn.

Iyẹn ne ọ Maan Ọghe Jọn 6:32

Jesu wanniẹn wẹẹ, “Ẹmwata ọre I tama uwa, ẹ i re evbare ne ọ ke ẹrinmwi rre ọre Mosis rhie ne uwa, Erha mwẹ ọre ọ rhie evbare ne evbare ke ẹrinmwi gie uwa.

Iyẹn ne ọ Maan Ọghe Jọn 6:47

Ne I ta ẹmwata ma uwa, ọmwa ne ọ yayi, mwẹ arrọọ ne ẹ i mwẹ ọfo.

Iyẹn ne ọ Maan Ọghe Jọn 6:53

Jesu tama iran wẹẹ, “Ẹmwata ọre I tama uwa, vbe ẹ i re te uwa rri efun egbe Ovbi Ọmwa ne uwa vbe wọn esagiẹn ọnrẹn, wa i sẹtin gha mwẹ arrọọ vbe uwu uwa.

Iyẹn ne ọ Maan Ọghe Jọn 8:34

Jesu tama iran wẹẹ, “Ẹmwata I tama uwa, ọmwa ne ọ rhirhi ru orukhọ, ọviẹn orukhọ nọ.

Iyẹn ne ọ Maan Ọghe Jọn 8:51

Ẹmwata I tama uwa, ọmwa ne ọ rhie ẹmwẹ mwẹ ya ru emwi, ẹ i ra wu ẹdẹ.”

Iyẹn ne ọ Maan Ọghe Jọn 8:58

Jesu wanniẹn wẹẹ, “Ẹmwata ọre I tama uwa. Vbe a te bie Ebraham, ‘Mẹ Nọ.’ ”

I Pita 1:25

sokpan ẹmwẹ Nọyaẹnmwa ya mu ẹdẹdẹmwẹdẹ.” Nene ẹmwẹ na ọrọre Iyẹn Ne ọ maa ne a rhie gie uwa.

Arhie Maan 20:11

I keghi bẹghe ẹkete nọkhua nọfua ọkpa ke ẹe kevbe ọmwa ne ọ tota yọọ. Ẹrinmwi kevbe agbọn keghi lẹ hin odaro ẹre rre, a ma ghi vbe miẹn iran ọvbehe.