Matiu 5:12 - Edo Bible (E Baibol Ẹdo) Version 1996

¹² Wa gha ghọghọ, wa gie ẹko gha sẹ uwa ọyẹnmwẹ rhunmwuda, ere nọkhua ọre ọ rre otọ khẹ uwa vbe ẹrinmwi. Erriọ zẹe emwa vbe ya obọ dan mu avbe akhasẹ ni ke odaro ne uwa.

Matiu 5:12 ပူးပေါင်းရင်းမြစ်များ

Gẹnẹsis 15:1

Vbe iyeke ọnọna, Ebram keghi miẹn umian, ọ na họn vbe Nọyaẹnmwa guẹe guan wẹẹ, “Ghẹ mu ohan Ebram, Mẹ ọ re asa ne ọ gha degue ruẹ I gha ruẹ ẹse nọkpọlọ ẹsẹse.”

I Ọba 18:13

U ma he họn wẹ ẹghẹ ne Jezibẹl na gha gbele avbe akhasẹ e Nọyaẹnmwa, I keghi ya viọ iyisẹn vbe uwu iran lẹre, ekigbesiyeha vbe uvun ọkpọkpa, I na ye amẹ vbe evbare gha koko iran.

I Ọba 18:4

ẹghẹ ne Jezibẹl na gha gbele avbe akhasẹ e Nọyaẹnmwa, Obedaia keghi viọ iyisẹn vbe uwu iran, ọ na viọ iran lẹre, ekigbesiyeha vbe uvun ọkpọkpa, ọ na gha ye amẹ vbe evbare koko iran.

I Ọba 19:2

Okhuo ni keghi gie ne a tama Elaija wẹẹ: “Te avbe ẹbọ gha kinmwi mwẹ gbe ua a deghẹ ọ te sẹ ẹghẹ na akhuẹ mẹ ma ru uwẹ zẹ vbene u ru avbe akhasẹ nii.”

I Ọba 21:20

Ugbẹn vbe Ehab ghi bẹghe Elaija, ọ tama rẹn wẹẹ, “U vbe zọ owẹ mwẹ miẹn nẹ ra oghian mwẹ.” Elaija keghi wanniẹn wẹẹ, “Ẹn, I zọ owẹ ruẹ miẹn nẹ rhunmwuda u na wa rhie gba yọ ne u gha ru emwi ne ọ ma gba vbe odaro e Nọyaẹnmwa.

I Ọba 22:8

Ehab keghi wanniẹn wẹẹ, “Ọkpa ye rrọọ, Makaia ne ovbi Imla, sokpan I i ho ẹmwẹ ọnrẹn rhunmwuda, ẹ i ta ẹmwẹ esi ma mwẹ, emwi dan nọ vbe ẹghẹ hia.” E Jehosiafat keghi wanniẹn wẹẹ, “Ghẹ kha vberriọ.”

II Ọba 1:9

Ẹre ọ na viọ arhin ekigbesiyeha ne ọkaokuo ọkpa ne ọ ya mu Elaija rre. Ọkaokuo nii keghi do vba ẹre vbe ọ tota ye uhunmwu oke ọ keghi tama rẹn wẹẹ, “Ọmwa Osanobua, ọba wẹ ne u gha dee.”

II Krọnikol 16:10

Ọna keghi ya ohu akhasẹ nii mu Asa sẹrriọ ne a na wẹ ne a ya ọgiọrọ rrọ ẹre. Ẹghẹ na ọ re Asa na suẹn gha ru emwa eso vbe uwu emwa ni emwi ne ọ wegbe.

II Krọnikol 36:16

Sokpan, iran kegha ya emwa ne Osanobua gie ẹre uhunmwu gbogiẹ, iran ma zẹ ye ẹmwẹ ne iran ta, iran na vbe gha giẹ avbe akhasẹ ọre, rhinrin a ke do miẹn wẹ ohu Osanobua ghe emwa rẹn kpọlọ sẹrriọ wẹ, emwi ne a gha ya rhanmwẹ ọẹn re, ẹ i ghi rrọ.

Nehimaia 9:26

“Sokpan, emwa ruẹn sọtẹ, iran ma họn ẹmwẹ ne uẹn iran keghi fi iyeke gbe Uhi ruẹ, iran gbele avbe akhasẹ ni bu iran ude ni tama iran ne iran dọlegbe bu ruẹ gha dee iran kegha yagha a yan egbe yan egbe.

Psalm 19:11

Iran rhie irẹnmwi ne imẹ ne ọguọmwadia ruẹ, i rri ere ẹre vbe i a ya ẹe ru emwi.

Psalm 58:11

Emwa ghi gha kha wẹẹ, “A gele san emwa esi ẹse vbẹmwata; Osanobua ne ọ bu ohiẹn agbọn na gele rrọọ.”

Itan 11:18

Ere emwi esi okpa i rrọ ne ọmwa dan re, sokpan, u gha ru emwi esi, ẹ i mwẹ a ma san ruẹn ẹse.

Aizaia 3:10

Emwa ẹmwata gha ghọghọ, emwi ghi wa vbe gha dunna ne iran. Iran gha rriere ẹsọn ne iran miẹn.

Jerimaia 2:30

I rrii uwa oya, sokpan, ọ ma gbe emwi rhọkpa, wa iho ne I gbe uwa hin ọkhọ rre. Wa gbele avbe akhasẹ uwa zẹ vbe oduma ne ọ tu.

Jerimaia 26:8

Ọwarọkpa vbe I ghi wa taa ẹmwẹ ne Nọyaẹnmwa tama mwẹ wẹ ne I ta fo nẹ iran ke gua mwẹ rhie, iran na gha go kha wẹẹ, “Te ọ kere ne a gbe uẹ ua ba ọnọna.

Jerimaia 37:14

Mẹ keghi wanniẹn, “Ohoghe nọ! Ẹ i zẹdẹ re te I lẹ khian.” Sokpan Irigia ma zẹ yẹ mwẹ re. sokpan, ọ keghi mu mwẹ gie avbe ekhaẹmwẹ.

Matiu 16:27

Rhunmwuda ẹ i ghi rrie Ovbi Ọmwa la uwu uyi Erha ẹe gha khian, ke irẹn kevbe avbe odibosa ẹre, ẹghẹ nii, ọre ọ gha na ha osa ne edọmwadẹ ọghọe zẹ vbene iwinna rẹn ye.

Matiu 6:16

“Wẹ gha rre aguẹ, ghẹ suku aro ua vbene avbe ni zẹ imamase ru. Iran ghi sẹ ohanmwẹ ye aro vbe iran a gha khian vbe adesẹ ore ẹvbo, vbene agbọn hia gha na rẹn ighe aguẹ iran ye. Ne I tama uwa, ere ne ọ rre iran re wa vbe fo ye evba nẹ.

Iyẹn ne ọ Maan Ọghe Luk 13:34

“Eu! Jerusalẹm, Jerusalẹm! Wẹ ne ọ gbele avbe akhasẹ kevbe avbe odibo ne Osanobua gie ẹre uhunmwu bu ruẹ gha dee! Inu igba I he te gha ho ne I tan ifuẹn mwẹ ga emwa ruẹn vbe ne iye ọkhọkhọ tan ifuẹn gue ivbi ẹre, sokpan u ma kue.

Iyẹn ne ọ Maan Ọghe Luk 6:23

Ọ gha ye rriọ, wa gha ghọghọ, wa gha kuu ne uwa gha ghọghọ, rhunmwuda, ere nọkhua rre otọ khẹ uwa vbe ẹrinmwi rhunmwuda erriọ zẹẹ avbe erha iran ru avbe akhasẹ.

Iyẹn ne ọ Maan Ọghe Luk 6:35

Ẹ i re rriọ! Gha ho ẹmwẹ eghian ruẹn, vbe gha ru iran ẹse, rhie ne emwa mọmọ, ghẹ ghi vbe rhie aro ye odẹ khẹ emwi rhọkpa. A gha san ruẹn ẹse nọkhua, u ghi vbe gha re ovbi Osanobua Ne Ọ Yo Sẹ, rhunmwuda te irẹn maa ne emwa ẹse oghodan kevbe emwa dan.

Iwinna 16:25

Ọ ghi sẹ ogiasọn, Pọl kevbe Sailas kegha so ihuan, iran na gha na erhunmwu ghe Osanobua, avbe oleghan nekpa kegha danmwehọ iran.

Iwinna 5:41

Avbe ukọ keghi ladian vbe iko, ẹko iran keghi vuọn ne oghọghọ wẹ Osanobua vbe ka iran ye emwa ni sẹe ni gha rri oya efaa ba ẹmwẹ eni Jesu.

Ebe ne Pọl gbẹẹn gie emwa Rom 5:3

Ma ghi vbe gha ghọghọ vbe uwu ọlọghọmwa, rhunmwuda ọlọghọmwa ọre ọ biẹ i ziengbe,

I Kọrinti 3:8

Alughaẹn ẹ i rrọọ ne nọ kọe kevbe ne ọ gbe amẹ khakhae. Osanobua gha san dọmwadẹ ọghọe ẹse zẹ vbe ne ọ winnaẹn.

II Kọrinti 4:17

Ọlọghọmwa kherhe ne ọ rhie gberra khian ne ima ye na, gha rhie uyi nọkhua ọghe etẹbitẹ ne ọ kpọlọ sẹ ọlọghọmwa na ẹsẹse gie ima.

Filipai 1:29

Rhunmwuda, a yae ru mwa ẹse nẹ wẹ, ne uwa gha ga Kristi, ẹ i re vbe ne a na ya irẹn yi ọkpa, sokpan vbe ne a na vbe rri oya ne irẹn.

Filipai 2:17

Ogha kẹe, te a ra gbe esagiẹn arrọọ mwẹ ye otọ zẹ vbe emwi imuohan ye ese ne iyayi uwa zọ ghe Osanobua. Ọ gha yerriọ I gha ghọghọ, I gha vbe ghae ne uwa hia vbe oghọghọ mwẹ na.

Kọlose 1:24

Banbanna nian, ọyẹnmwẹ wa sẹ mwẹ rhunmwuda oya ne I re ne uwa. Rhunmwuda, vbe ekpa oya ne I re vbe ikinnegbe na, te I ghi do gbe vuọn rẹn ne ọ miẹn ehe na gba ighẹ ne ọ ghi te kẹe yi vbe oya ne Kristi re ne ikinnegbe ẹre, ọnii nọ wẹ esọsi.

Kọlose 3:24

U ghi yerre ighẹ Nọyaẹnmwa gha san ruẹn ẹse, ọ gha sẹ uẹ obọ vbe emwi ne ọ viọ hinrre khẹ emwa rẹn. Rhunmwuda, Kristi ọrọre arowa ne arowa ne u ga.

I Tẹsalonaika 2:15

Iran ni gbe Nọyaẹnmwa Jesu kevbe avbe akhasẹ, iran keghi vbe khu ima khian. Umiẹn vbe ohu iran mu Osanobua hẹ! Umiẹn vbene iran khọ mu emwa hia hẹ!

Hibru 10:34

Wa deba avbe oleghan rri oya, ugbẹn vbe iran fu emwi ne uwa mwẹ hia viọ, wa keghi ya oghọghọ ziẹn egbe ehia rhunmwuda, wa rẹnrẹn ighẹ wa ye mwẹ emwi obọ uwa ne ọ maa sẹ eni, ne ọ gha rrọọ ẹdẹdẹmwẹdẹ.

Hibru 11:26

Rẹn roro ẹe wẹ ne a rri oya a ye ọmwa gbe ogie rhunmwuda e Mẹzaia, ọre ọ maa sẹ ẹfe ni rre Igipt hia, rhunmwuda rẹn rhie aro ye ẹse ne a gha do san irẹn re ẹdẹ ne ọ dee.

Hibru 11:33

Iyayi ọre iran ya gu agbọn ẹvbo ni bun khọn, iran na vbe khọnmiotọ. Iran ru emwi ne ọ kere, emwi ne Osanobua ve keghi sẹ iran obọ. Iran gue avbe oduma unu.

Hibru 11:6

Ọmwa ne ẹmwẹ ọnrẹn gha ye ẹko rhiẹnrhiẹn Osanobua ẹ i rrọọ vbe ẹ i re vbe ekpa iyayi. Rhunmwuda, ọmwaikọmwa ne ọ rhirhi bu Osanobua gha dee te ọ kere ne ọ yayi ighẹ Osanobua rrọọ kevbe wẹ, ọ vbe san iran ni gualọ aro ẹre ẹse.

Jems 1:2

Etẹn mwẹ, a deghẹ edanmwẹ ughughan ghi vba uwa, wa ghi gha ka egbe uwa ye ne uhunmwu ẹnrẹn maa.

Jems 5:10

Etẹn mwẹ, wa ye avbe akhasẹ, ni ya eni Nọyaẹnmwa guan rre. Wa ye iran ru ne a ghe ru vbene a ziengbe oya hẹẹ.

I Pita 4:13

Sokpan, wa gha ghọghọ wẹ, a vbe ghae sẹ uwa obọ vbe uwu oya ne Kristi re, ne uwa miẹn ehe na vuọn ne oghọghọ vbe Ẹdẹ ne iran gha ya egbe ladian.

Ebe Rut 2:12

Te Nọyaẹnmwa gha san ruẹn ẹse emwi ne u he ru hia, te Nọyaẹnmwa Osanobua Izrẹl ne u do lẹ gbinna gha san ruẹn ẹse fo fẹẹrẹ.”