Matiu 5:1 - Edo Bible (E Baibol Ẹdo) Version 1996

¹ Jesu ghi miẹn ẹvbo ni gbe ẹbu, ọ keghi hin uhunmwu oke, avbe erhuanegbe keghi tota lẹga ẹre,

Matiu 5:1 ပူးပေါင်းရင်းမြစ်များ

Matiu 13:2

Rhunmwuda ighe emwa ni gbe ẹbu ye ehe ne ọ ye bun ẹsẹse, rẹn keghi la uwu okọ, ọ keghi tota ye evba, emwa ni hia kegha rre uhunmwu oke.

Matiu 15:29

Jesu ghi kpao vbe evba, ọ kegha lele ọkpẹn odighi e Galili khian, ọ keghi hin uhunmwu oke, ọ na tota.

Matiu 4:25

Emwa keghi wa vẹ lele ẹe ke Galili kevbe Ẹvbo Igbe, kevbe Jerusalẹm, Judia, kevbe iyeke Jọdan rre.

Matiu 5:2

ọ keghi suẹn gha ma iran emwi, ọ wẹẹ:

Iyẹn ne ọ Maan Ọghe Mak 3:13

Jesu keghi hin uhunmwu oke, ọ keghi tie iran ne ọ yẹ ọre rrie egbe, iran keghi bu ẹre gha khian.

Iyẹn ne ọ Maan Ọghe Mak 3:20

Jesu keghi kpao gha rrie owa. Emwa ni vbe vẹ bu ẹre rre keghi vbe bun sẹrriọ wẹẹ Jesu kevbe avbe erhuanegbe ẹre ma ghi miẹn otọ na rri evbare.

Iyẹn ne ọ Maan Ọghe Mak 4:1

Jesu keghi vbe gha ma emwa emwi vbe ọkpẹn odighi ọghe Galili. Emwa ni si koko ye ehe ne ọ ye keghi bun sẹrriọ wẹ te irẹn ghi la uwu okọ ya tota. A keghi sua okọ nii la uwu ẹzẹ.

Iyẹn ne ọ Maan Ọghe Luk 6:12

Ọ ghi sẹ ẹghẹ ni, Jesu keghi hin uhunmwu oke ne ọ ya na erhunmwu ghe Osanobua vbe evba.

Iyẹn ne ọ Maan Ọghe Luk 6:17

Jesu keghi deba iran tuorre vbe uhunmwu oke, ọ keghi mudia ye ehe ne ọ rriẹe deba enibun vbe uwu avbe erhuanegbe ẹre. Emwa ni bun keghi rre evba, iran ni ke Judia rre kevbe Jerusalẹm, kevbe avbe eghute Taia kevbe Saidọn.

Iyẹn ne ọ Maan Ọghe Luk 6:20

Jesu keghi ghe avbe erhuanegbe ẹre, ọ wẹẹ: “Ọ maa ne uwa ne ivbiogue: Wa ọ yan Arriọba Osanobua.

Iyẹn ne ọ Maan Ọghe Luk 9:28

Ọ ghi rre uzọla ọkpa ne ọ ta ẹmwẹ na, Jesu keghi rhie Pita Jọn kevbe Jems ba egbe gha rrie uhunmwu oke, ya na erhunmwu.

Iyẹn ne ọ Maan Ọghe Jọn 6:15

Jesu rẹnrẹn wẹ iran ra do ya ẹtin vbe iwo vbe egbe mu irẹn ma irẹn Ọba, ọ na vbe dọlegbe gha rrie uhunmwu oke, rẹn ọkpa kẹkan.