Matiu 4:7 - Edo Bible (E Baibol Ẹdo) Version 1996

⁷ Jesu keghi vbe wanniẹn tama rẹn wẹẹ, “Sokpan ebe nọhuanrẹn vbe tae nẹ wẹẹ, ‘Ghẹ danmwẹ Osanobua Nọyaẹnmwa ruẹn ghe.’ ”

Matiu 4:7 ပူးပေါင်းရင်းမြစ်များ

Psalm 106:14

Iran keghi vuọn ne orriarria vbe uwu ato, iran na gha danmwẹ Osanobua ghe.

Psalm 78:18

Iran na wa yan ru ẹe ne iran danmwẹ Osanobua ghe, vbe ne iran na gha nọ evbare ne ọ khọn iran.

Psalm 78:41

Iran kegha danmwẹ Osanobua ghe, iran keghi zẹ obalọ ye Ọmwa Ne ọ huanrẹn Izrẹl egbe.

Psalm 78:56

Sokpan, iran sọtẹ Osanobua ne Udazi, iran kegha danmwẹ ọẹn ghe, iran ma ya uhi ẹre ru emwi.

Psalm 95:9

Evba iran na danmwẹ mwẹ ghe, ne iran miẹn otọ mwẹ, egbe ne iran rhe ya miẹn emwi ne I ru ne iran nẹ.

Ẹksọdọs 17:2

Iran kegha gu e Mosis gui wẹẹ, “Rhie amẹ ne ima wọn.” E Mosis wanniẹn tama iran wẹẹ, “Vbọzẹ ne uwa na gunmwẹ gui yi? Vbọzẹ ne uwa na danmwẹ e Nọyaẹnmwa ghe?”

Ẹksọdọs 17:7

A kegha tie evba nii, “Masa,” kevbe “Mẹriba,” rhunmwuda te ivbi Izrẹl gha gui, iran na vbe danmwẹ Nọyaẹnmwa ghe vbe iran khare wẹẹ, “Nọyaẹnmwa gu ima rrọọ ra ẹ i gu ima rrọọ?”

Aizaia 8:20

Wẹ ghi zẹ wanniẹn iran wẹẹ, “Danmwehọ emwi ne Nọyaẹnmwa ma uwa ẹre! Wa ghẹ danmwehọ avbe iran ni miẹn aro, emwi ne iran ra tama uwa i mwẹ asa ne ọ ye ne uwa.”

Malakai 3:15

Vbene ima ghi ghe ẹre na, iran ni tọn egbe mu ọ re ọ ghi rre uwu oghọghọ. Ẹire wẹ te agbọn wa ma emwa dan ọkpa, sokpan iran ghi ye uyinmwẹ dan iran danmwẹ Osanobua ghe ne egbe wọ ẹre, a i vbe ru iran emwirhọkpa.’ ”

Nọmbas 14:22

Ọkpa vbe uwu iran na ne ọ gha rre agbọn, ne ọ vbe lao otọe nii, ẹ i rrọ. Iran miẹn uwanmwẹ ne ẹ i gia ghe ne a ya rẹn ighẹ I rre evba nẹ, kevbe iwinna ọ yan unu uan ne I winnaẹn vbe Igipt, kevbe uwu ẹgbo, sokpan iran keghi ye gha fi obọ yọ mwẹ unu yan egbe yan egbe, iran na he ne iran họn ẹmwẹ mẹ.

Matiu 21:16

Iran tama Jesu wẹẹ, “Wẹ họn ẹmwẹ ne iran ta yi?” Jesu wanniẹn tama iran wẹẹ, “I wa họn ẹsẹse. Wa ma he tie ebe ne ọ khare wẹẹ, ‘Wa ma ibiẹka kevbe emobọ ẹmwẹ urhomwẹ ne ọ gbae.’ ”

Matiu 21:42

Jesu tama iran wẹẹ, “Wa ma he tie emwi ne Ebe tae? “ ‘Okuta ne iran ni bọ owa he wẹ ẹ i ma ọre ọ ghi do khian a ma miẹn a i ru. Nọyaẹnmwa ọre ọ ru emwi na, emwi ne ọ yan ọmwa unu uan ọ na khin.’ ”

Matiu 4:10

Ẹkpo nii ọre Jesu ghi na wanniẹn tama rẹn wẹẹ, “Ladian mwa Setan, ebe nọhuanrẹn khare wẹẹ, ‘Osanobua ruẹ ọkpa wẹ gha gaa, ne u gha vbe ya uhunmwu rhanmwẹ otọ na.’ ”

Matiu 4:4

Jesu wanniẹn tama rẹn wẹẹ, “Agbẹn ọẹn ye otọ nẹ wẹ, ‘Eka ọkpa i sẹ ọmwa ya egbe yan vbe ẹ i re ẹmwẹ ne ọ ke unu Osanobua rre.’ ”

Iyẹn ne ọ Maan Ọghe Luk 4:12

Jesu wanniẹn tama rẹn wẹẹ, “Ebe tae ne ‘Ohan igie uwẹ danmwẹ nọyan ruẹn Osanobua ruẹ ghe.’ ”

Iwinna 15:10

Rhunmwuda ọnii nian, de emwi ne ọ ghi si ẹe ne uwa na danmwẹ Osanobua ghee vbe ekpa ne uwa gha na kun ihẹ ne a vbe erha mwa odede, ra ma tobọ mwa ma sẹtin mu yan ivbi yayi uhunmwu?

Iwinna 5:9

Rhunmwuda ọnii, Pita tama rẹn wẹẹ, “Vbọzẹ ne uwẹ vbe ọdafọn na gha si uma wẹ, ne uwa do danmwẹ Orhiọn Nọyaẹnmwa ghee? Iran ni ya tọn ọdafọn ye otọ wa rre onurho nian, iran gha vbe mu uwẹ ladian ba ẹre.”

I Kọrinti 10:9

Wa ghẹ gia danmwẹ e Nọyaẹnmwa ghee, vbene eso ru vbe uwu iran, ne ẹyẹn na gbele iran uan.

Diuteronomi 6:16

“Wa ghẹ danmwẹ Nọyaẹnmwa Osanobua rua ghe, zẹ vbene uwa ru vbe Masa.

Hibru 3:9

Osanobua khare wẹ, “Evba ọre avbe erha uwa odede na gha danmwẹ mwẹ ghe, vbe gualọ mwẹ ẹmwẹ ne unu. Egbe ne iran rhe ya miẹn ne I ru, vbe ọwara ukpo iyeva.