Matiu 4:6 - Edo Bible (E Baibol Ẹdo) Version 1996

⁶ Ọ tama rẹn wẹẹ, “Deghẹ Ovbi Osanobua wẹ gele khin, ke odọ ni san fi otọ rhunmwuda a gbẹn ọẹn nẹ wẹẹ, ‘Osanobua gha yi iyi ne avbe odibo ẹre rhunmwuda ruẹ iran gha da obọ rra ruẹ, ne okuta ghẹ ya fian an owẹ.’ ”

Matiu 4:6 ပူးပေါင်းရင်းမြစ်များ

Job 1:10

U tan obọ gue ẹre, kevbe ẹgbẹe ọre kevbe emwi hia ne ọ mwẹ. U fiangbe emwi hia ne ọ ru. Ẹmila ne u hẹ ne ẹẹn vuọn otọe ẹvbo na hia.

Job 5:23

A i ra miẹn okuta vbe oha ne u na mu ugbo, aranmwẹ akọn i ra vbe guẹ gbinna.

Psalm 34:20

Te Nọyaẹnmwa wa degue ẹre fo, a i vbe bun ọkpa vbe ugboloko ẹre.

Psalm 34:7

Avbe odibosa ẹre ọ re ọ gbearoghe iran ni ya ọghọ ne Nọyaẹnmwa, ọ ghi vbe miẹn iran fan vbe ẹbe.

Matiu 4:4

Jesu wanniẹn tama rẹn wẹẹ, “Agbẹn ọẹn ye otọ nẹ wẹ, ‘Eka ọkpa i sẹ ọmwa ya egbe yan vbe ẹ i re ẹmwẹ ne ọ ke unu Osanobua rre.’ ”

II Kọrinti 11:14

Ọsughe i re emwa hiehiere, uhin ighẹ Setan tobọ ẹre sẹtin fi egbe werriẹ do gha ye vbe odibosa uwanmwẹ.

Hibru 1:14

De emwi ne avbe odibo Osa khin yi khekherriọ? Avbe ẹrinmwi ni ga Osanobua, rẹn ghi vbe gha gie iran ne iran ya gha ye emwa ni gha miẹn imiẹnfan obọ.