Matiu 4:3 - Edo Bible (E Baibol Ẹdo) Version 1996

³ Esu keghi bu ẹre rre, ọ wẹẹ, “Deghẹ Ovbi Osanobua wẹ gele khin tama avbe okuta na ne iran khian eka.”

Matiu 4:3 ပူးပေါင်းရင်းမြစ်များ

Ẹksọdọs 16:3

Iran wẹẹ, “E Nọyaẹnmwa wa gbele ima ye Igipt ọre ọ te maa sẹ. Evba ma gha na te gha tota ke ọkpan emiowo, ma ghi vbe gha rri evbare vbene ọ khọn mwa sokpan wa viọ ima la uwu ato na ne uwa do ya ohanmwẹ gbele ima an.”

Matiu 14:33

Avbe, erhuanegbe ni rre uwu okọ keghi ya uhunmwu rhanmwẹ otọ ne Jesu, iran wẹẹ, “Vbe ẹmwata, Ovbi Osanobua ọre u gele khin.”

Matiu 16:16

Saimọn Pita wanniẹn wẹẹ, “Wẹ ọrọre Mẹzaia, ovbi Osanobua ne ọ rrọọ.”

Matiu 26:63

Jesu keghi ye hunwan. Ogie Ohẹn vbe dọlegbe tama rẹn wẹẹ, “I ya eni Osanobua ne ọ rrọọ ya a vẹn ihẹn nian wẹ ne u tama ima deghẹ wẹ ọrọre Mẹzaia ne Ovbi Osanobua.”

Matiu 3:17

Urhu ọkpa keghi ke ẹrinmwi rre wẹẹ, “Ọna ọre ovbi mwẹ ni ho ẹmwẹ ọnrẹn, ọmwa ne ekhọe mwẹ rhiẹnrhiẹn ghe ẹsẹsẹmwẹse.”

Iyẹn ne ọ Maan Ọghe Mak 1:1

Ọna ọrọre Iyẹn Ne ọ maa vbekpa Jesu Kristi ne Ovbi Osanobua.

Iyẹn ne ọ Maan Ọghe Mak 3:11

Iran ne orhiọn esu rre uwu iran gha wa bẹghe ẹre, iran ghi de fianmwẹ otọ, iran ghi datu wẹẹ, “Wẹ ọrọre Ovbi Osanobua.”

Iyẹn ne ọ Maan Ọghe Mak 5:7

Ọ keghi datu wẹẹ, “Jesu Ovbi Osanobua Ne Ọ Yo Sẹ, vbe ọ so mwẹ so uẹ? I ya Osanobua rinmwian, ghẹ rriọ mwẹ oya.” (

Iyẹn ne ọ Maan Ọghe Luk 1:35

Odibosa ni keghi wanniẹn wẹẹ, “Orhiọn Ne Ọ Huanrẹn gha rhuẹ yan ruẹn. Ẹtin Osanobua gha hin yan ruẹn. Rhunmwuda ọnọna, a gha tie ọmọ ne ọ huanrẹn ni Ovbi Osanobua.

Iyẹn ne ọ Maan Ọghe Luk 22:70

Iran hia keghi kha wẹẹ, “Ọnii rhie ma khekherriọ ighẹ wẹ ọrọre Ovbi Osanobua?” Rẹn wanniẹn tama iran, “Wa ọre ọ tae ighẹ mẹ nọ.”

Iyẹn ne ọ Maan Ọghe Luk 4:3

Esu keghi tama rẹn wẹ, “A deghẹ Ovbi Osanobua wẹ khin, tama okuta na ne ọ khian ebrẹd.”

Iyẹn ne ọ Maan Ọghe Luk 4:41

Avbe orhiọn esu kegha tu utumwẹ obalọ vbe iran a ladian vbe egbe emwa ni bun wẹ, “Wẹ ọrọre Ovbi Osanobua.” Jesu keghi gbe eta ye iran unu, ọ ma gie iran guan rhunmwuda iran rẹnrẹn ighẹ rẹn ọrọre nene Mẹzaia.

Iyẹn ne ọ Maan Ọghe Luk 4:9

Esu keghi vbe mu ẹn gha rrie Jerusalẹm, ọ keghi mu ẹn yan ehe ne ọ yo sẹ vbe Ọgua Osa, ọ tama rẹn wẹẹ, “A deghẹ Ovbi Osanobua wẹ khin, ke evba san fi otọ.

Iyẹn ne ọ Maan Ọghe Jọn 1:34

Jọn keghi kha wẹẹ, I miẹn ọẹn nẹ nian, I na vbe tama uwa wẹẹ rẹn ọrọre Ovbi Osanobua.”

Iyẹn ne ọ Maan Ọghe Jọn 1:49

Nataniẹl wanniẹn wẹẹ, “Ọmaemwaemwi, Ovbi Osanobua ọre u khin, wẹ ọrọre Ọba Izrẹl.”

Iyẹn ne ọ Maan Ọghe Jọn 20:31

A gbẹnnẹ enena ne uwa miẹn ehe na yayi ighẹ Jesu ọrọre nene Mẹzaia ne Ovbi Osanobua, wẹ, rhunmwuda ighẹ wa ya ẹe yi, wa ghi la ekpa eni ẹnrẹn gha mwẹ arrọọ.

Iyẹn ne ọ Maan Ọghe Jọn 9:35

Jesu keghi họn ighẹ iran sua ẹre fua, ugbẹn vbe ọ ghi miẹn ọẹn, ọ tama rẹn wẹẹ, “Wẹ ya Ovbi Ọmwa yi ra?”

Iwinna 9:20

Ọ keghi wa gha lele Ọgua ediọn iran khian, ọ na gha kpe orhu Jesu, ọ wẹẹ, “Rẹn ọrọre Ovbi Osanobua.”

II Kọrinti 1:19

Rhunmwuda, Jesu Kristi, ne Ovbi Osanobua ne Timoti Sailas kevbe imẹ kpe orhu ẹre ma uwa, ẹ i re ọmwa nọ re “Ẹn” kevbe “Ẹn o.” Sokpan rẹn ọrọre “Erriọ nọ” ọghe Osanobua.

Galatia 2:20

Ọre a ghi na miẹn nian wẹ, ẹ i re imẹ ọre ọ ghi rre agbọn ọvbehe, sokpan Kristi ọre ọ rre agbọn vbe uwu imẹ vbene I ghi ya rre agbọn na nian, iyayi ọre I ghi ya rrọọ vbe uwu ovbi Osanobua, ọmwa ne ọ ho ẹmwẹ mwẹ, ọ na rhie ẹdẹ agbọn rẹn mẹ.

I Tẹsalonaika 3:5

Ọnii ọre ọ si ẹe ne I na gie Timoti, I ma ghi sẹtin zin ẹnrẹn, ọ re I na gi ẹe ne ọ do ghe vbene iyayi uwa ghi ye hẹ. Vbene aro na da ẹe, ẹ i sẹtin gha re wẹ, te Esu do danmwẹ uwa ghe, te ẹsọn ne ima miẹn hia wa la ọ rhiae rrie.

Hibru 12:16

Wa mwẹ ẹwaẹn, ne ọmwaikọmwa ghẹ ya khian ne ọ gbe alama ra ne ẹ i zẹ ye ẹmwẹ orhiọn, zẹ vbe ne Isọ gha ye, ne ọ na rhunmwuda ekan unu ọkpa mu ukpo ọmọ ọdiọn ne ọ ye khiẹn.

Hibru 4:14

Rhunmwuda ọnii, wa gie ima dae yi gbain ighẹ iyayi ne ima tobọ mwa lao, rhunmwuda ma mwẹ ogie ohẹn nọkhua ne ọ kpao gha rrie odaro Osanobua zẹẹ, ọnii ọre Jesu ne Ovbi Osanobua.

Hibru 7:3

Emwi rhọkpa i rrọọ ne a gbẹn ye otọ vbe ekpa erha ra iye Mẹlkizẹdẹk ra vbe ekpa uniẹn kevbe ekhuarha ẹre, a ma rẹn vbene a ya biẹ ọe hẹ ra vbene ọ ya wu hẹ. Te irẹn yevbe Ovbi Osanobua, ọ na gha re ohẹn ẹdẹdẹmwẹdẹ.

I Jọn 3:8

Ọmwaikọmwa ne ọ vbe gha ru orukhọ khian, ọghe Esu nọ, rhunmwuda, ke omuhẹn gha dee ọre Esu na ru orukhọ. Rhunmwuda ọna ọre Ovbi Osanobua na rre, ne ọ do fuẹn iwinna Esu ua.

Arhie Maan 2:10

Ghẹ gie afianma oya ne u ra do re vbe ọ ma he kpẹe na fian. Danmwehọ! Esu ra do danmwẹ uwa ghe vbe ekpa ne ọ gha na viọ eso vbe uwu uwa ku eghan. Ikpẹdẹ igbe ọre ọlọghọmwa uwa ni ra ya vbe otọ. Mu uhunmwu ke ọe ya sẹ uwu, mẹ gha rhie ẹde ẹfe ne uẹn.