Matiu 4:24 - Edo Bible (E Baibol Ẹdo) Version 1996

²⁴ Ẹmwẹ ọnrẹn keghi wa titi gba otọ Siria hia sẹrriọ wẹ iran kegha viọ emwa nikhuọnmwi kevbe ne emwikemwi ghi ru bu ẹre rre, iran ni mwẹ orhiọn esu, iran ni de, iran ne arọ kinmwi, Jesu keghi mu ehia egbe rran.

Matiu 4:24 ပူးပေါင်းရင်းမြစ်များ

II Samuẹl 8:6

Ọ keghi bu agọ ivbiyokuo ye iran ẹvbo, iran keghi khian eguọmwadia ẹre, iran na gha ga gie ẹe. E Nọyaẹnmwa kegha rhie akhọnmiotọ ne Devid vbe ehe hia.

I Ọba 10:1

Ọba okhuo e Siẹba keghi họn otiti e Solomọn, ọ na gha rrie Jerusalẹm ne ọ mu ibo gie ẹe san.

I Ọba 4:31

Rẹn kegha re ne ọ wan sẹẹ vbe uwu emwa hia fẹẹrẹ, ọ wan sẹ Etan ne ovbi ẹvbo ne a tie ẹre Ẹzra kevbe Henian, Kalkọl kevbe Daba iran ne ivbi e Mahọl. Otiti ẹre keghi vẹ gba ẹvbo ni lẹga enii hia.

I Krọnikol 14:17

Ẹmwẹ e Devid keghi titi gba ehe hia, e Nọyaẹnmwa keghi gie ohan rẹn gha mu agbọn ẹvbo hia.

I Krọnikol 29:2

I hia re ẹsẹse ne a mu egbe emwi hia ye otọ khẹ nene Ọgua Osa na, avbe igoru, esiliva, oze, ematọn, igẹdu, okuta ighobioye kevbe ikpẹrọnmwọ, okuta na a gha gbẹnnẹ kevbe avbe okuta ne ghẹinghẹin ọrhẹnrhẹn.

Ẹksọdọs 15:26

Ọ keghi kha wẹẹ, “A deghẹ wa họn ẹmwẹ mwẹ, mẹ ne Osanobua rua, ne uwa gha ru emwi ne imẹ ye obọ yi ne uwa gha ye uhi mwẹ rre, ne uwa vbe gha rhie uhi mwẹ hia mwẹ, mẹ i ra ye avbe emianmwẹ ne I mu yan ivbi Igipt rhọkpa rri uwa oya. Mẹ ọrọre Nọyaẹnmwa ne ọ mu uwẹ egbe rran.”

Matiu 12:22

Iran keghi mu okpia ọkpa ne ọ mwẹ orhiọn esu bu Jesu rre, ọ rhu aro ọ keghi vbe re odin. Jesu keghi mu ẹre egbe rran, ọ kegha bẹghe, ọ keghi vbe gha guan.

Matiu 14:1

Uwu ẹghẹ na ọre Hẹrọd ne ọ kha yan Galili na họn ẹmwẹ Jesu. Rẹn keghi tama avbe ekhaẹmwẹ ọnrẹn wẹẹ,

Matiu 15:22

Okhuo Keman ọkpa keghi ke ẹvbo ni bu ẹre rre, ọ tama rẹn wẹẹ, “Ovbi e Devid, tohan mwẹ, ovbi mwẹ nokhuo mwẹ orhiọn esu, obọ wa dae ẹsẹse.”

Matiu 17:15

“Lahọ tohan ovbi mwẹ nokpia! Ọwa ọre ọ mu ẹn, ẹghẹ hia ọre ọ ya mu ẹn fi uwu erhẹn kevbe uwu amẹ.

Matiu 17:18

Jesu keghi khu orhiọn esu ni ladian, egbe na wa rran ọmọ nii vbe ọwarọkpa.

Matiu 4:23

Jesu keghi lele Galili sẹ otọ sẹ ukhunmwu, ọ kegha ma emwa emwi vbe dọmwadẹ Ọgua ediọn, ọ kporhu Iyẹn Ne ọ maa ọghe Arriọba, ọ keghi vbe sinmwi emwa nikhuọnmwi kevbe ni huẹhuẹ.

Matiu 8:28

Jesu keghi fian odighi rra gha rrie ẹvbo Gadara. Arhiẹn eva keghi ke uwu uvun okuta ni rre itẹ ladian bu ẹre gha dee. Iran na mwẹ orhiọn esu. Iran khọ sẹrriọ wẹ a i ghi miẹn ne ohan giee la odẹ ni.

Matiu 8:33

Iran ni te gbe aro ghe avbe esiebo ni keghi rhulẹ gha rrie ore ẹvbo ya kha emwi ne aro iran miẹn kevbe emwi ne ọ sunu vbe egbe emwa ni te mwẹ orhiọn esu ni.

Matiu 8:6

“Dọmọ o, ọguọmwadia mwẹ ọkpa khuọnmwi vbe owa, obọ wa dae, ẹ i sẹtin kpaegbe, ẹ i sẹtin fiegbe werriẹ.”

Matiu 9:26

Iyẹn na keghi titi gba otọe ni hia.

Matiu 9:35

Jesu keghi suẹn gha lele avbe ẹvbo nekhua kevbe ne giẹre ni rre enii khian, ọ kegha ma iran emwi vbe dọmwadẹ Ọgua ediọn, ọ keghi kporhu Iyẹn Ne ọ maa ọghe Arriọba Osanobua. Ọ keghi mu iran hia ni khuọnmwi kevbe ni huẹhuẹ egbe rran.

Iyẹn ne ọ Maan Ọghe Mak 1:28

Rhunmwuda ọnii, ẹmwẹ Jesu keghi wa titi gba ehe hia vbe isoko Galili.

Iyẹn ne ọ Maan Ọghe Mak 1:32

Ugbẹn vbe ọ ghi sẹ ota, vbe ovẹn ghi dero nẹ, iran keghi viọ emwa ni khuọnmwi hia kevbe ni mwẹ orhiọn dan bu Jesu gha dee.

Iyẹn ne ọ Maan Ọghe Mak 2:3

Ikpia eso keghi dada ọmwa ọkpa ne arọ kinmwi bu ẹre rre, iran enẹ ọre ọ mu ẹn.

Iyẹn ne ọ Maan Ọghe Mak 2:4

Sokpan iran ma miẹn ehe la sẹ ehe ne Jesu ye baẹmwẹ ubunmwẹ ẹvbo. Iran keghi ya ha ihie vbe odukhunmwu ehe ne Jesu ye. Iran ghi vbẹ ọre nẹ, iran keghi mu okpia ni la evba tuorre ke irẹn kevbe ewa.

Iyẹn ne ọ Maan Ọghe Mak 2:9

De ne ọ fu egbe sẹ vbọ? Ne a khama okpia ne arọ kinmwi na wẹ, ‘A ya orukhọ ruẹ bọọ,’ ra ne a kha wẹ, ‘Kpaegbe, kie ewa ruẹ ne u gha khian?’

Iyẹn ne ọ Maan Ọghe Luk 2:2

Vbe ẹghẹ ne a na ka ẹvbo okokaro na, Kirenios ọre ọ gha khaemwisẹ vbe Siria.

Iyẹn ne ọ Maan Ọghe Luk 4:14

Jesu keghi werriegbe gha die Galili. Ẹtin Orhiọn Ne Ọ Huanrẹn keghi rrọọ yaba ẹre. Ẹmwẹ ọnrẹn keghi titi gba iwewe nii hia.

Iyẹn ne ọ Maan Ọghe Luk 4:38

Jesu ghi kpao vbe ọgua ediọn rre, ọ kegha rrie owa Saimọn. Emwirraro keghi ru iye amwẹ Saimọn, iran na tama Jesu.

Iyẹn ne ọ Maan Ọghe Luk 5:15

Sokpan otiti Jesu keghi dọlegbe gha vẹ khian, emwa kegha vẹ bu ẹre rre ne iran do danmwehọ ẹmwẹ ọnrẹn kevbe ne ọ vbe sinmwi iran hin ohọ emianmwẹ ne iran khuọnmwi rre.

Iyẹn ne ọ Maan Ọghe Luk 5:24

I gha rhie ma uwa nian ighe Ovbi Ọmwa mwẹ ẹtin ne a ya ye orukhọ bọ ọmwa vbe agbọn.” Rhunmwuda ọnii ọ tama ọmwa ne arọ kinmwi ni wẹẹ, “I tama ruẹn, kpaegbe, mu ukpo ruẹ ne u gha rrie owa!”

Iyẹn ne ọ Maan Ọghe Luk 7:17

Ẹmwẹ Jesu keghi titi gba Judia kevbe avbe agbọn ẹvbo ni lẹga ẹre hia.

Iyẹn ne ọ Maan Ọghe Jọn 10:21

Sokpan iran eso ọvbehe vbe kha wẹẹ, “Ọmwa ne ọ mwẹ orhiọn esu i sẹtin guan vbe nian. Vbe orhiọn esu a ra sẹtin rhan ọmwa ne aro ẹre rhu hẹ yi?”

Iwinna 10:38

Wa vbe rẹn vbekpa ọghe Jesu Kristi ne ovbi e Nazarẹt vbene Osanobua hihiẹ Orhiọn Ne Ọ Huanrẹn kevbe ẹtin yan rẹn hẹẹ. Ọ kegha lele ehe hia khian, ọ na winna iwinna esi, ọ na gha sinmwi emwa hia ne Esu mu gba, rhunmwuda Osanobua yaba ẹre.

Iwinna 15:23

Iran keghi rhie ebe na ne iran rhie gha khian: “Avbe ukọ kevbe ediọn, ne etẹn uwa gie otuẹ uwa hia ne etẹn mwa ne iran ne ẹ i re Ju biẹlẹe, ni rre Antiọk kevbe Siria kevbe Silisia.

Iwinna 15:41

Rẹn keghi la Siria kevbe Silisia, ọ na gha rhie igiẹdu ne avbe esọsi.

Iwinna 28:9

Ọna ghi sunu nẹ avbe ọkhọnmwọ ni rre ẹvbo ne ẹzẹ lẹga nii keghi gha dee a keghi mu ehia egbe rran.

Iwinna 8:7

Avbe orhiọn dan kegha so ladian vbe uwu emwa ni bun, a kevbe mu arọe kevbe uke ni bun egbe rra.

Jọsua 6:27

Erriọ, e Nọyaẹnmwa na yaba e Jọsua, otiti ẹre keghi gba ẹvbo nii hia.