Matiu 4:23 - Edo Bible (E Baibol Ẹdo) Version 1996

²³ Jesu keghi lele Galili sẹ otọ sẹ ukhunmwu, ọ kegha ma emwa emwi vbe dọmwadẹ Ọgua ediọn, ọ kporhu Iyẹn Ne ọ maa ọghe Arriọba, ọ keghi vbe sinmwi emwa nikhuọnmwi kevbe ni huẹhuẹ.

Matiu 4:23 ပူးပေါင်းရင်းမြစ်များ

Psalm 103:3

Ọ ya orukhọ mwẹ hia bọ mwẹ, ọ vbe mu mwẹ egbe rran hin emianmwẹ hia.

Psalm 74:8

Iran te ho ne iran wa rẹnkhẹn ima fẹẹrẹ, iran keghi ya erhẹn giẹn ehe ni huanrẹn hia ni rre ẹvbo ni sẹ otọ.

Matiu 11:5

Avbe arhu aro bẹghe odẹ, avbe uke khiaẹn, a khue avbe ekhọnmwoti huan, avbe ayin ehọ họn ẹmwẹ, a huẹn avbe ni wulo kpaegbe, a kporhu Iyẹn Ne ọ maa ma avbe ivbiogue.

Matiu 12:9

Jesu ghi kpa vbe evba, ọ keghi la ọkpa vbe uwu avbe Ọgua ediọn iran.

Matiu 13:19

Iran ni kharha ye adesẹ odẹ ọrọre iran ni họn ẹmwẹ Arriọba, sokpan ọ ma la iran ekhọe. Esu keghi do sanmwẹ emwi ne a te kọ yọ rhie.

Matiu 13:54

ọ keghi kpa vbe evba, ọ na gha rrie ẹvbo irẹn tobọ irẹn, ọ kegha ma emwa emwi vbe Ọgua ediọn iran. unu keghi wa yan emwa hia ni họn ẹmwẹ ọnrẹn. Iran nọ egbe iran ọta wẹẹ, “De ehe ne ọ na ya miẹn ẹwaẹn na hia yi? Wa vbe ghe iwinna ọyunnuan ne ọ winna.

Matiu 14:14

Jesu keghi kpao hin uwu okọ rre, ugbẹn vbe ọ ghi miẹn avbe emwa na, ohan iran to ẹe ẹsẹse, ọ keghi sinmwi ne egbe ma rran vbe uwu iran.

Matiu 24:14

A gha kporhu Iyẹn Ne ọ maa ọghe Arriọba na la otọ agbọn hia nẹ zẹ vbe osẹe ghe emwa hia, iyeke ọnii, ufomwẹ ghi do rre.

Matiu 3:2

“Wa zobọ vbe orukhọ ne a ru rhunmwuda Arriọba ẹrinmwi sotọ fo.”

Matiu 9:35

Jesu keghi suẹn gha lele avbe ẹvbo nekhua kevbe ne giẹre ni rre enii khian, ọ kegha ma iran emwi vbe dọmwadẹ Ọgua ediọn, ọ keghi kporhu Iyẹn Ne ọ maa ọghe Arriọba Osanobua. Ọ keghi mu iran hia ni khuọnmwi kevbe ni huẹhuẹ egbe rran.

Iyẹn ne ọ Maan Ọghe Mak 1:14

Ugbẹn vbe iran ghi mu Jọn ye eghan nẹ, Jesu kegha rrie Galili, ọ keghi ya kpe orhu Iyẹn Ne ọ maa ọghe Osanobua.

Iyẹn ne ọ Maan Ọghe Mak 1:21

Iran keghi do sẹ ore ẹvbo Kapaniọn, Ọ ghi sẹ Ẹdẹ Ikẹtin ne ọ lele ẹe, Jesu kegha rrie Ọgua ediọn iran, ọ keghi ya gha ma emwa emwi.

Iyẹn ne ọ Maan Ọghe Mak 1:39

Rhunmwuda ọnii, ọ keghi khian lele Galili hia, ọ kegha kpe orhu vbe dọmwadẹ Ọgua ediọn, ọ keghi vbe gha khulo avbe orhiọn esu ladian.

Iyẹn ne ọ Maan Ọghe Mak 3:10

Ọ ka sinmwi avbe ọkhọnmwọ ni bun nẹ, rhunmwuda ọnii, avbe ọkhọnmwọ hia kegha yẹn egbe bu ẹre ne iran miẹn ehe na ya obọ kan rẹn.

Iyẹn ne ọ Maan Ọghe Mak 6:2

Ọ ghi sẹ Ẹdẹ Ikẹtin, ọ kegha ma emwa emwi vbe uwu Ọgua ediọn. Emwa nibun wa rre evba, unu keghi yan iran hia vbe iran họn ẹmwẹ ne unu ẹnrẹn. Iran keghi suẹn gha nọ wẹẹ, “De ehe ne ọ na ruẹ ena hia yi. De egbe ẹwaẹn ne ọ na khin ne a rhie nẹ ẹn na. Vbe ọ ya winna iwinna ọyunnuan hẹẹ.

Iyẹn ne ọ Maan Ọghe Mak 6:6

Ọ keghi kakabọ yan ẹre unu uan rhunmwuda ighe iran i mwẹ iyayi.

Iyẹn ne ọ Maan Ọghe Luk 10:9

Wa sinmwi avbe ọkhọnmwẹ ni rre ẹvbo nii, wa ghi vbe khama emwa ni rrọọ wẹẹ, ‘Arriọba Osanobua sikẹ uwa nẹ.’

Iyẹn ne ọ Maan Ọghe Luk 13:10

Vbe Ẹdẹ Ikẹtin ọkpa, Jesu kegha ma emwa emwi vbe uwu Ọgua ediọn.

Iyẹn ne ọ Maan Ọghe Luk 16:16

“Avbe Uhi e Mosis kevbe emwi ne avbe akhasẹ gbẹnnẹ ye otọ wa gha rre atẹ do sẹ ẹghẹ e Jọn ne Ọsamẹ. Sokpan ke ẹghẹ nii gha dee, vbe a ghi kpe orhu Iyẹn Ne ọ maa ọghe Arriọba Osanobua nẹ, ẹki udu ọre emwa hia ghi ya larọ.

Iyẹn ne ọ Maan Ọghe Luk 20:1

Ẹdẹ ọkpa, Jesu kegha rre uwu Ọgua Osa, ọ na gha ma emwa emwi, ọ kegha kpe orhu Arriọba Osanobua, iran ne igie ohẹn, iran ni ma emwa Uhi kevbe avbe ediọn keghi bu ẹre gha dee.

Iyẹn ne ọ Maan Ọghe Luk 4:14

Jesu keghi werriegbe gha die Galili. Ẹtin Orhiọn Ne Ọ Huanrẹn keghi rrọọ yaba ẹre. Ẹmwẹ ọnrẹn keghi titi gba iwewe nii hia.

Iyẹn ne ọ Maan Ọghe Luk 5:17

Ẹdẹ ọkpa, ugbẹn vbe Jesu ghi ma emwa emwi, avbe Farisi kevbe iran ni ma emwa uhi keghi vbe tota ye evba, ẹvbo ne iran ke rre keghi re Galili, Judia kevbe Jerusalẹm. Ẹtin e Nọyaẹnmwa ne a ya sinmwi ọkhọnmwọ keghi gha gue Jesu.

Iyẹn ne ọ Maan Ọghe Luk 6:17

Jesu keghi deba iran tuorre vbe uhunmwu oke, ọ keghi mudia ye ehe ne ọ rriẹe deba enibun vbe uwu avbe erhuanegbe ẹre. Emwa ni bun keghi rre evba, iran ni ke Judia rre kevbe Jerusalẹm, kevbe avbe eghute Taia kevbe Saidọn.

Iyẹn ne ọ Maan Ọghe Luk 6:6

Vbe Ẹdẹ Ikẹtin ọvbehe, Jesu kegha rrie uwu Ọgua ediọn, ọ kegha ma emwa emwi, okpia ọkpa ne obọ ẹre sikuẹn kegha rre evba.

Iyẹn ne ọ Maan Ọghe Luk 7:21

Vbe ẹghẹ nii zẹẹ, Jesu keghi sinmwi emwa ni khuọnmwi, ni huehue, kevbe ni mwẹ orhiọn dan, ọ keghi vbe rhan avbe arhuaro ni bun aro.

Iyẹn ne ọ Maan Ọghe Luk 7:22

Rẹn keghi wanniẹn tama emwa ne Jọn gie wẹẹ, “Wa ya tama e Jọn emwi ne uwa họn ẹn kevbe ne aro uwa sẹe, avbe arhuaro bẹghe odẹ, avbe uke khiaẹn, a khue avbe ọkhọnmwoti huan, ayin ehọ họn ẹmwẹ, a huẹn ni wu kpaegbe vbe orinmwi, a kpe orhu Iyẹn Ne ọ Maa ma avbe ivbiogue.

Iyẹn ne ọ Maan Ọghe Luk 8:1

Ọ ghi kpẹe kherhe, Jesu kegha lele ẹvbo nekhua hia kevbe ne giẹrẹ khian, ọ kegha kpe orhu Iyẹn Ne ọ Maa Arriọba Osanobua. Avbe erhuanegbe ẹre ne iweva keghi vbe lele ẹe.

Iyẹn ne ọ Maan Ọghe Luk 9:11

Emwa ghi vbe họn, iran keghi vbe lele ẹe, ọ keghi rhan obọ miẹn iran, ọ ta ẹmwẹ Arriọba Osanobua ma iran, ọ na vbe sinmwi iran ne egbe ma rran vbọ.

Iyẹn ne ọ Maan Ọghe Luk 9:60

Jesu wanniẹn wẹẹ, “Gie iran ni wulo gha re orinmwi ọghe iran, wẹ ya gha kpe orhu Arriọba Osanobua.”

Iyẹn ne ọ Maan Ọghe Jọn 18:20

Jesu wanniẹn wẹẹ, “Azagba ọre I na ma emwa hia emwi, uwu Ọgua ediọn kevbe ọgua Osa ọre I na sirra avbe Ju ma emwa ni si koko ye evba emwi. I ma he do ta ẹmwẹ ọkpa ẹdẹ.

Iyẹn ne ọ Maan Ọghe Jọn 6:59

Ehe ne Jesu na gha ma emwa emwi vbe uwu Ọgua ediọn vbe Kapaniọn ọre ọ na guan avbe ẹmwẹ na.

Iyẹn ne ọ Maan Ọghe Jọn 7:1

Vbe iyeke ọnọna, Jesu kegha lele Galili khian, ọ ma ho ne ọ khian lele otọ Judia rhunmwuda avbe Ju ni rre evba gualọ odẹ vbene iran gha ya gbe ẹe rua hẹẹ.

Iwinna 10:38

Wa vbe rẹn vbekpa ọghe Jesu Kristi ne ovbi e Nazarẹt vbene Osanobua hihiẹ Orhiọn Ne Ọ Huanrẹn kevbe ẹtin yan rẹn hẹẹ. Ọ kegha lele ehe hia khian, ọ na winna iwinna esi, ọ na gha sinmwi emwa hia ne Esu mu gba, rhunmwuda Osanobua yaba ẹre.

Iwinna 18:4

Ọ kegha guan vbe Ọgua ediọn vbe Ẹdẹ Ikẹtin hia vbe ne ọ na ho nọ fi avbe Ju kevbe Grik ekhọe werriẹ.

Iwinna 20:25

“I khian la ehe hia vbe uwu uwa vbe ne I na kpe orhu Arriọba Osanobua. Banbanna nian, mẹ rẹnrẹn ighẹ ne ọ gha ye dọlegbe miẹn mwẹ i ghi rre uwa na.

Iwinna 28:31

Ọ kegha kpe orhu ẹmwẹ Arriọba Osanobua, ọ na gha ma emwa emwi vbekpa Nọyaẹnmwa Jesu Kristi, ọ kegha ye unu hia ta ẹe vbe ne a i na mwẹ khian se evba.

Ebe ne Pọl gbẹẹn gie emwa Rom 10:15

Vbe a gha na kpe orhu hẹ, a deghẹ i re te a gie emwa gha khian? Zẹ vbene ebe tae, “A miẹn vbene urremwẹ iran ru ọyunnuan hẹ ighẹ iran ni rhie iyẹn ne ọ maa dee!”