Matiu 4:2 - Edo Bible (E Baibol Ẹdo) Version 1996

² Jesu ghi gbe asọn iyeva kevbe avan iyeva vbe uwu ẹgbo nẹ, vbe ne ọ ma na rri evbare, ohanmwẹ kegha gbe ẹe.

Matiu 4:2 ပူးပေါင်းရင်းမြစ်များ

I Ọba 19:8

Elaija keghi kpaegbe, ọ rri evbare, ọ keghi wọn amẹ, evbare ni keghi rhie ẹtin ne ẹẹn ne ọ ya khian okhian ikpẹdẹ iyeva gha rrie Sainai ne oke ne ọ huanrẹn.

Ẹksọdọs 24:18

E Mosis keghi la uwu okuku nii, ọ na hin uhunmwu oke. O kegha rre evba vbe avan iyeva kevbe asọn iyeva.

Ẹksọdọs 34:28

E Mosis keghi gu e Nọyaẹnmwa gha rre evba vbe asọn iyeva kevbe avan iyeva vbe ne ọ ma na re ọ ma da. Ọ keghi gbẹnnẹ avbe ẹmwẹ ile nii ye avbe uhanhan nii, ọnii nọ wẹ uhi igbe.

Matiu 21:18

Jesu ghi dọlegbe die ore ẹvbo vbe ẹdẹ ne ogieva, ohanmwẹ kegha gbẹe.

Matiu 25:35

Ẹghẹ vbe ovbamẹ gbe mwẹ, wa rhie evbare mẹ re, ovbamẹ gbe mwẹ, wa sa amẹ mẹ wọn. I re orhunmwuyẹn, wa keghi rhie mwẹ la owa uwa.

Matiu 25:42

Ohanmwẹ gbe mwẹ, wa ma rhie evbare mẹ, ohanmwẹ amẹ gbe mwẹ wa ma samẹ mẹ wọn,

Iyẹn ne ọ Maan Ọghe Mak 11:12

Ugbẹn vbe iran ghi ke Bẹtani de vbe ikpẹdẹ ne ogieva, ohanmwẹ kegha gbe Jesu.

Iyẹn ne ọ Maan Ọghe Luk 4:2

Ehe ne Esu na ya danmwẹ ọẹn ghe la ikpẹdẹ iyeva. Vbe uwu ẹghẹ na hia, ọ ma rri evbare rhọkpa, sẹrriọ ne ohanmwẹ ghi na gha gbe ẹe vbe a ghi do ehia fo nẹ.

Iyẹn ne ọ Maan Ọghe Jọn 4:6

Uhae ọghe Jekọb keghi rre evba, rhunmwuda ne egbe okhian ghi na wọ Jesu ni, rẹn keghi tota ye ọkpẹn uhae ni, owẹn sẹ adesẹ ukhunmwu nẹ.

Diuteronomi 18:18

I gha gie akhasẹ vbe ruẹ ke uwu emwa iran gie iran; I gha tama rẹn ẹmwẹ ne ọ gha ta, irẹn ghi vbe rhie iyi ne I yi hia ma iran.

Diuteronomi 9:18

I na vbe dọlegbe mu ẹko rhu otọ la avan iyeva ke asọn iyeva vbe odaro e Nọyaẹnmwa, I ma re, I ma da. I ru ọna rhunmwuda, wa ru orukhọ ghe Nọyaẹnmwa nẹ, wa keghi ya ẹe mu ohu.

Diuteronomi 9:25

“Ọ re I na lovbiẹ mu aro rhu otọ vbe odaro e Nọyaẹnmwa vbe avan iyeva kevbe asọn iyeva nii, rhunmwuda I rẹnrẹn wẹ rẹn te mu egbe nẹ ne ọ fuẹn uwa a.

Diuteronomi 9:9

Mẹ hin uhunmwu oke ne I ya viọ avbe uhanhan okuta ne a gbẹnnẹ ile ne Nọyaẹnmwa gu uwa ta yi, I keghi gbe asọn iyeva kevbe avan iyeva vbe evba, I ma re, I ma da.