Matiu 4:19 - Edo Bible (E Baibol Ẹdo) Version 1996

¹⁹ Jesu tama iran wẹẹ, “Wa lele mwẹ, I gha ma uwa vbene a ya munọ emwa nagbọn hẹ.”

Matiu 4:19 ပူးပေါင်းရင်းမြစ်များ

Matiu 16:24

Jesu keghi tama avbe erhuanegbe ẹre wẹẹ, “Ọmwaikọmwa ne ọ ho ne irẹn lele mwẹ, wẹ ne ọ mianmian enegbe ẹre, ne ọ mu ugbugbe ẹre, ne ọ lele mwẹ.

Matiu 19:21

Jesu tama rẹn wẹẹ, “U gha ho ne ọ gba nuẹn fo, ya khiẹnnẹ emwi hia ne u mwẹ, viọ igho ẹre ne avbe ivbiogue, u gha mwẹ ẹfe vbe ẹrinmwi, bu mwẹ gha dee ne u do gha lele mwẹ khian.”

Matiu 4:18

Ugbẹn vbe Jesu ghi lele ọkpẹn okun Galili khian, ọ miẹn etẹn eva ni re ọgbehẹn, Saimọn (ne a vbe tie ẹre Pita) kevbe Andru ne ọtiọnrẹn, iran gha ya ọga gbe ehẹn vbe uwu odighi.

Matiu 4:20

Iran keghi sẹ ọga iran rae vbe ọwarọkpa, iran keghi lele ẹe.

Matiu 8:22

Jesu wanniẹn tama rẹn wẹẹ, “Lele mwẹ ne u gie avbe orinmwi gha re e emwa ni wulo iran.”

Matiu 9:9

Jesu keghi kpao vbe evba rre, ugbẹn vbe ọ ghi khian ọ miẹn okpia ọkpa ne a tiẹre Matiu, ọ tota ye ehe ne ọ na koko igho uhunmwu. Ọ keghi khama rẹn wẹẹ, “Lele mwẹ.” Matiu keghi guakpao, ọ na lelẹe.

Iyẹn ne ọ Maan Ọghe Mak 2:14

Vbene ọ wa khian nii, rẹn keghi bẹghe Livai ne ovbi Alfiọs, ọ tota vbe ehe ne ọ na koko igho uhunmwu. Jesu khama rẹn wẹ, “Lele mwẹ” Livai keghi kpaegbe, ọ keghi lele ẹe.

Iyẹn ne ọ Maan Ọghe Luk 5:27

Ugbẹn vbe Jesu ghi ladian vbe iyeke ọnọna, ọ miẹn okpia ọkpa ne a tie ẹre Livai ne ọ koko igho uhunmwu, ọ tota ye isi iwinna rẹn. Jesu tama rẹn wẹẹ, “Lele mwẹ.”

Iyẹn ne ọ Maan Ọghe Luk 9:59

Rẹn keghi tama ọmwa ọvbehe wẹẹ, “Lele mwẹ,” Ọ ni keghi wanniẹn tama rẹn wẹẹ, “Enọwanrẹn, gunmwẹ ka ya re orinmwi erha mwẹ nẹ.”

Iyẹn ne ọ Maan Ọghe Jọn 1:43

Ẹdẹ ne ọ lele ẹe, Jesu kegha rrie Galili. Ọ keghi miẹn Filip, ọ tama rẹn wẹẹ, “Lele mwẹ.” (

Iyẹn ne ọ Maan Ọghe Jọn 12:26

Ọmwa ne ọ ho ne ọ gha ga mwẹ, ọ kere ne ogha lele mwẹ, ọnii nọ wẹẹ, ehe ne imẹ ye ọre ọguọmwadia mwẹ gha vbe gha ye. Erha mwẹ gha ye ọghọ ne ọmwa ne ọ rhirhi ga mwẹ.

Iyẹn ne ọ Maan Ọghe Jọn 21:22

Jesu wanniẹn tama rẹn wẹẹ, “Deghẹ te I wẹ ne ọ gha rre agbọn I te do rre, de ne ọ kan ruẹn vbọ? Lele mwẹ.”

II Kọrinti 12:16

Wa hia gha miẹn nian wẹ, I ma ya enegbe mwẹ ye uwa egbe. Sokpan emwa eso gha kha wẹẹ, “Ọmwa ero ọre I khin, wẹ ẹkẹ vbe ero ọre I ya rhu uwa re.”