Matiu 4:18 - Edo Bible (E Baibol Ẹdo) Version 1996

¹⁸ Ugbẹn vbe Jesu ghi lele ọkpẹn okun Galili khian, ọ miẹn etẹn eva ni re ọgbehẹn, Saimọn (ne a vbe tie ẹre Pita) kevbe Andru ne ọtiọnrẹn, iran gha ya ọga gbe ehẹn vbe uwu odighi.

Matiu 4:18 ပူးပေါင်းရင်းမြစ်များ

Ẹksọdọs 3:1

Ẹdẹ ikẹtin e Mosis kegha su ohuan Jẹtro ne erha amwẹ ọnrẹn ne ọ vbe re ohẹn Midian. Ọ keghi viọ ohuan nii fian ato gberra, ọ na do sẹ Sainai oke ne ọ huanrẹn.

Ẹksọdọs 3:10

Banbanna nian, I ra giọ bu e ọba Igipt ne u ya viọ ivbi Izrẹl ne emwa mwẹ ke Igipt ladian.”

Ezikiẹl 47:10

Wa ke Ẹzẹ Ẹngẹdi gha khian, ya sẹ Ẹzẹ Ẹneglem, a gha miẹn avbe ọgbehẹn vbe ọkpẹn okun nii, iran ghi vbe tan ọga iran ye evba ne ọ ka. A gha miẹn ehẹn ughughan ni bun vbe evba zẹ vbene ọ rre Okun e Meditẹrrenian.

Nọmbas 34:11

Ọ ghi gban egbe ghe odẹ ekẹn ya sẹ Habẹl, odẹ ahọ ya Ain, ọ ghi lele evba ya sẹ oke ne ọ rre odẹ ahọ ọghe ikpogho Okun Galili.

Matiu 10:2

Eni iran iweva ni ọre ena khin: Okaro Saimọn (ne a vbe tiẹre Pita) kevbe ọtiọnrẹn ighe Andru Jems kevbe Jọn ne ọtiọnrẹn ivbi e Zẹbede.

Matiu 15:29

Jesu ghi kpao vbe evba, ọ kegha lele ọkpẹn odighi e Galili khian, ọ keghi hin uhunmwu oke, ọ na tota.

Matiu 16:18

Mẹ tama ruẹn nian okuta ọre uwẹ khin Pita, okuta na ọre I gha bọ esọsi mwẹ yan. Uwu tobọ ọre i ra sẹtin khọnmiotọ vbe uhunmwu ẹnrẹn ẹdẹdẹmwẹdẹ.

Matiu 4:19

Jesu tama iran wẹẹ, “Wa lele mwẹ, I gha ma uwa vbene a ya munọ emwa nagbọn hẹ.”

Iyẹn ne ọ Maan Ọghe Mak 7:31

Jesu keghi kpao vbe isoko Taia, ọ na la Saidọn defi ọkpẹn odighi e Galili vbe ọ la Odẹ Ẹvbo Igbe gberra nẹ.

Iyẹn ne ọ Maan Ọghe Luk 6:14

Saimọn (ne irẹn vbe he ẹre Pita) kevbe Andru ne ọtiọnrẹn, Jems kevbe Jọn, Filip kevbe Batolomiu,

Iyẹn ne ọ Maan Ọghe Jọn 21:1

Vbe iyeke ọnọna, Jesu rhie egbe maa avbe erhuanegbe ẹre vbe ọkpẹn odighi ne a tie ẹre Taiberias. Vbene ọ ya sunu hẹ ọre ọna khin.

Iyẹn ne ọ Maan Ọghe Jọn 6:1

Vbe iyeke ọnii, Jesu keghi werriegbe fian odighi e Galili rra (ra odighi Taiberias.)

Iyẹn ne ọ Maan Ọghe Jọn 6:8

Ọkpa Vbe uwu avbe erhuanegbe ẹre, Andru ne ọtẹn Saimọn Pita khama rẹn wẹẹ,

Diuteronomi 3:17

Vbe odẹ orriẹ, otọe iran keghi ya sẹ ẹzẹ Jọdan, ke odighi e Galili vbe odẹ okuọ ya sẹ Okun Nọwu vbe odẹ ekẹn, kevbe ya sẹ ẹzi Oke Pisga vbe odẹ ahọ.