Matiu 4:15 - Edo Bible (E Baibol Ẹdo) Version 1996

¹⁵ “Ẹvbo Zẹbulọn kevbe ẹvbo Naftali, ni rre odẹ vbe a gha rrie okun vbe iyeke nọkpa ọghe Jọdan, Galili, ẹvbo iran ne ẹ i re Ju!

Matiu 4:15 ပူးပေါင်းရင်းမြစ်များ

I Ọba 9:11

E Hiram ne Ọba e Taia ọ re ọ viọ erhan sida hia ke ọwegbe kevbe igoru ne ọ ya winna iwinna nii gie ẹe. A ghi bọ ẹe fo nẹ, e Solomọn ne ọba keghi viọ okpẹvbo ugie ne Hiram vbe otọ e Galili.

II Ọba 15:29

Ẹghẹ ne Pẹka na gha re ọba, ọre Tiglat Pailesa ne ọgbaisi Asiria na khọn munọ avbe ẹvbo na, Ijọn, Ebel Bẹt, Maka, Janoa, Kedẹs kevbe Hazọ, kevbe otọ e Giliad, e Galili kevbe Naftali, ọ keghi viọ emwa ni rrọ oghunmwu gha rrie Asiria.

Aizaia 9:1

A te ka fa otọe ẹwae Zẹbulọn kevbe Naftali rua, sokpan, ẹdẹ nakhuẹ gha rhie ọghọ gie otọe ẹvbo na. Ke Meditẹrrenian ghe odọ ahọ ya sẹ otọ ne ọ rre obọ nọkpa ọghe Jọdan, uhin ya sẹ e Galili tobọre, ehe ne avbe erriọvbe ye.

Matiu 4:13

Ọ ma yakọ vbe Nazarẹt, ọ keghi rhiegberra ya die Kapaniọn ya, ọkpẹn odighi e Galili ọre ẹvbo ni ye vbe isoko Zẹbulọn kevbe Naftali.

Matiu 4:14

Ọ ru ọna ne ẹmwẹ ne Aizaia ne akhasẹ tae miẹn ehe na sẹ wẹẹ,

Matiu 4:25

Emwa keghi wa vẹ lele ẹe ke Galili kevbe Ẹvbo Igbe, kevbe Jerusalẹm, Judia, kevbe iyeke Jọdan rre.

Iyẹn ne ọ Maan Ọghe Luk 24:27

Jesu keghi rhan otọ ẹmwẹ hia ne Ebe tae vbekpa irẹn ma iran. Ọ keghi suẹn vbe ebe Mosis rhinrin ya sẹ emwi ne avbe akhasẹ gbẹnnẹ.

Jọsua 20:7

Rhunmwuda ọnii, vbe odẹ orrie ọghe Jọdan iran na zẹ Kedẹs; vbe Galili ne ẹvbo oke e Naftali; e Siẹkẹm vbe Ifreim ne ẹvbo oke, kevbe Hibrọn vbe Juda ne ẹvbo oke.

Jọsua 21:32

ne ọ sẹ iran obọ vbe ẹwae Naftali kegha re Kedẹs ne ọ rre Galili deba otọe erria ne ọ rrọọ (ẹvbo ne ọmwa ne ọ gbe ọmwa ran lẹ fi), Hamọt Dọ, kevbe Katan deba otọe erria ni rrọọ, ehia kegha re okpẹvbo eha.