Matiu 4:14 - Edo Bible (E Baibol Ẹdo) Version 1996

¹⁴ Ọ ru ọna ne ẹmwẹ ne Aizaia ne akhasẹ tae miẹn ehe na sẹ wẹẹ,

Matiu 4:14 ပူးပေါင်းရင်းမြစ်များ

Matiu 1:22

Avbe emwi na hia sunu ne ẹmwẹ ne Nọyaẹnmwa la unu akhasẹ ta miẹn ehe na sẹ wẹẹ,

Matiu 2:15

Evba iran gha ye Hẹrọd to do wu. Ọna sunu ne ẹmwẹ ne Nọyaẹnmwa la unu akhasẹ guan miẹn ehe na sẹ wẹẹ, “Mẹ tie ovbi mwẹ ke Igipt rre.”

Matiu 2:23

Ọ keghi ya yin ẹvbo ne a tie ẹre Nazarẹt. Ọ ru vberriọ ne ẹmwẹ avbe akhasẹ miẹn ehe na sẹ wẹẹ, “A gha tie ẹre ovbi e Nazarẹt.”

Matiu 26:54

Sokpan ọ gha ye rriọ, vbe ẹmwẹ Ebe ghi ra na sẹ hẹ wẹẹ emwi hia gha sunu vbe ne a ru ẹe na?”

Matiu 26:56

Sokpan ena hia sunu ne Ebemiẹn ehe na sẹ.” Ẹkpo ni ọre avbe erhuanegbe hia ghi na sẹ ọe rae, iran keghi lẹ kua.

Matiu 4:13

Ọ ma yakọ vbe Nazarẹt, ọ keghi rhiegberra ya die Kapaniọn ya, ọkpẹn odighi e Galili ọre ẹvbo ni ye vbe isoko Zẹbulọn kevbe Naftali.

Matiu 4:15

“Ẹvbo Zẹbulọn kevbe ẹvbo Naftali, ni rre odẹ vbe a gha rrie okun vbe iyeke nọkpa ọghe Jọdan, Galili, ẹvbo iran ne ẹ i re Ju!

Matiu 8:17

Jesu ru avbe emwi na, ne ẹmwẹ ne akhasẹ Aizaia tae miẹn ehe na sẹ wẹẹ, “Rẹn tobọre ọre ọ viọ emianmwẹ mwa, ọ keghi vbe viọ ohuẹhuẹ mwa hia gha rrie.”

Iyẹn ne ọ Maan Ọghe Luk 22:37

Ne I tama uwa, ẹmwẹ ne ebe ne ọ huanrẹn tae wẹẹ, ‘A keghi ka ẹe ba avbe izigan,’ ọre ọ khian do sẹ vbe egbe mwẹ na. Rhunmwuda emwi hia ne a gbẹnnẹ vbe ekpa mwẹ ra do sẹ.”

Iyẹn ne ọ Maan Ọghe Luk 24:44

Ẹkpo nii ọre ọ na khama iran wẹẹ, “Emwi ne I tama uwa vbe I gu uwa rrọọ ẹghẹ nii ọre ena khin: emwi ne a gbẹnnẹ ye otọ vbekpa mwẹ vbe Uhi e Mosis, kevbe avbe akhasẹ kevbe ebe Psalm, te a gha mu ẹn sẹ.”

Iyẹn ne ọ Maan Ọghe Jọn 15:25

Ẹ i mwẹ ọ ma gha ye vberriọ, ne emwi ne a gbẹn ye uwu Uhi iran miẹn ehe na sẹ wẹẹ, ‘Iran kegha khọ ẹko mwẹ ọghe edanmwidan!’

Iyẹn ne ọ Maan Ọghe Jọn 19:28

Jesu ghi miẹn wẹ a ru emwi hia orugba nẹ, ne ẹmwẹ ne ebe tae miẹn ehe na sẹ, ọ wẹẹ, “Ohanmwẹ amẹ gbe mwẹ!”