Matiu 4:10 - Edo Bible (E Baibol Ẹdo) Version 1996

¹⁰ Ẹkpo nii ọre Jesu ghi na wanniẹn tama rẹn wẹẹ, “Ladian mwa Setan, ebe nọhuanrẹn khare wẹẹ, ‘Osanobua ruẹ ọkpa wẹ gha gaa, ne u gha vbe ya uhunmwu rhanmwẹ otọ na.’ ”

Matiu 4:10 ပူးပေါင်းရင်းမြစ်များ

I Krọnikol 21:1

Esu keghi ho ne ọ si ẹti ye ivbi Izrẹl urhu, ọ na rhunmwuda ọnii ya Devid kha wẹ rẹn ra ka ẹvbo.

Job 1:12

E Nọyaẹnmwa keghi tama Esu wẹẹ, “Ọ maa khekherriọ. A viọ emwi hia ne ọ mwẹ yuẹ obọ, sokpan, ghẹ kuan irẹn tobọ ọre.” Ọre Esu na kpao.

Job 1:6

Ọ ghi sẹ ẹdẹ ne avbe ighele ẹrinmwi do ya gha niẹn obọ vbe odaro e Nọyaẹnmwa, Esu kevbe gha rre evba vbe uwu ẹbu iran.

Job 2:1

Ọ ghi vbe dọlegbe sẹ ẹdẹ ne avbe ighele ẹrinmwi do ya gha niẹn obọ vbe odaro e Nọyaẹnmwa, Esu kevbe dọlegbe gha rre evba vbe uwu ẹbu iran.

Psalm 109:6

Zẹ ọbuohiẹn dan, ne ọ ya bu ohiẹn avbe eghian mwẹ, ne u gie okpa vbe uwu avbe eghian rẹn guẹe gui.

Ẹksọdọs 23:25

Wa gha ga imẹ e Nọyaẹnmwa Osanobua uwa, I gha vbe ye amẹ kevbe evbare sẹ uwa ọkẹn, I ghi vbe viọ avbe emianmwẹ hia hin ehe ne uwa ye rre.

Aizaia 30:22

Wa gha viọ avbe amazẹ uwa ne a ya esiliva rhu, kevbe avbe amazẹ ne a ya igoru rhu, wa ghi viọ ehia kua zẹ vbe iku, wa ghi datu wẹẹ, “Wa kpahin odaro mwẹ rre!”

Matiu 16:23

Jesu keghi fiegbe werriẹ, ọ tama Pita wẹẹ, “Kpao vbe ehe ne I ye rre, Setan. Idobo ọre u khin mwẹ re, rhunmwuda iro ne u zẹ ọghe emwa ne agbọn nọ, ẹ i re ọghe Osanobua.”

Iyẹn ne ọ Maan Ọghe Mak 1:13

Rẹn kegha rre evba vbe ikpẹdẹ iyeva, Setan keghi danmwẹ ọẹn ghe. Avbe aranmwẹ oha kevbe gha rre evba, sokpan avbe odibosa keghi rre do ru iyobọ ne ẹn.

Iyẹn ne ọ Maan Ọghe Luk 10:18

Jesu wanniẹn tama iran wẹẹ, “I miẹn vbe Setan de ke odukhunmwu dee vbe ayan.

Iyẹn ne ọ Maan Ọghe Luk 11:18

A deghẹ arriọba Setan gha egbe ye otu gha gu egbe khọn nẹ, vbe ọ gha na tọ hẹẹ? Wa khare ighe Bẹlzibọb ọre ọ rhie ẹtin mẹ ya gha khulo avbe orhiọn esu ladian.

Iyẹn ne ọ Maan Ọghe Luk 13:16

Ghe ovbi Ebraham na, ukpo evairrọvbugie ọre ọ ye ne Setan ghi mu ẹẹn gba, ọ ma ke ne a rhan rẹn vbe Ẹdẹ Ikẹtin ra?”

Iyẹn ne ọ Maan Ọghe Luk 22:3

Setan keghi la uwu Judas ne a tie ẹre Iskariọt, ọkpa vbe uwu iran ne iweva.

Iyẹn ne ọ Maan Ọghe Luk 22:31

“Saimọn! Saimọn! Danmwehọ. A fan obọ ẹre ne Setan nẹ ne ọ danmwẹ uwa hia ghe zẹ vbene ọgbugbo khan ọka hin uwu ihunhun rre.

Iyẹn ne ọ Maan Ọghe Luk 4:8

Jesu wanniẹn tama rẹn wẹẹ, “Ebe khare wẹẹ, ‘Osanobua Nọyan ruẹn ọkpa uwẹ gha gaa, ne u gha vbe gha ye uhunmwu rhanmwẹ otọ na!’ ”

Iyẹn ne ọ Maan Ọghe Jọn 13:27

Ugbẹn vbe Judas ghi wa rhie ebrẹd nii nẹ, Esu keghi la uwu ẹre. Jesu keghi tama rẹn wẹẹ, “Gie obọ gha kẹe vbe emwi ne u ra ru ni.”

Iwinna 26:18

U ghi rhan iran aro ne u gban iran uhunmwu hin ebiebi rre la uwu uwanmwẹ, kevbe hin ẹtin Setan rre ghe Osanobua. Vbene a gha na miẹn wẹ vbekpa ne iran na mu ẹtin yan mwẹ, a ghi ye orukhọ iran bọ iran, iran ghi rhie ihe iran vbe uwu ẹbu emwa ne Osanobua hannọ zẹ.’

Iwinna 5:3

Pita keghi tama rẹn wẹẹ, “Ananaias, vbe u a rhie otọ ne Setan ya hin yan orhiọn ruẹn hẹ yi, ne ọ na wẹ ne u do ta ohoghe ma Orhiọn Ne Ọ Huanrẹn, ne u na fian obọkpa rhie hin rre Vbe igho ne u khiẹn emwi ne u mwẹ re?

I Kọrinti 5:5

Wa rhie ọmwa na ne Setan ne a gbe ikinnegbe ẹre uan, ne a miẹn ehe na miẹn orhiọn rẹn fan vbe Ẹdẹ Nọyaẹnmwa.

I Kọrinti 7:5

Wa ghẹ gha ya emwi hin egbe unu, sokpan a ma wẹ wa gba ta ẹe nẹ wẹ ne uwa ru vberriọ la omwa ẹghẹ eso, ne uwa miẹn ehe na na erhunmwu, sokpan wa ghi vbe dọlegbe suẹn gha ru emwi ọdọ vbe amwẹ, ne a ghẹ gie ne ẹ i sẹtin ziengbe ya de ye edanmwẹ e Setan.

II Kọrinti 11:14

Ọsughe i re emwa hiehiere, uhin ighẹ Setan tobọ ẹre sẹtin fi egbe werriẹ do gha ye vbe odibosa uwanmwẹ.

II Kọrinti 12:7

Sokpan, ne ọ miẹn ehe na kie mwẹ ukpẹ ọre, ne emwi ọyunnuan ne aro mwẹ sẹe na i ghẹ ya mwẹ gha tọn ifuẹn mu, ọ keghi rhie emianmwẹ ne ọ wegbe mẹ, ne ọ gha ye vbe ukọ setan, ne ọ gha kinmwi mwẹ, nọ da mwẹ obọ uhiomwẹ yi.

II Kọrinti 2:11

Ne a ghẹ miẹn ehe na rhie otọ ne obọ Setan ya ke odukhunmwu ne ọghe ima, rhunmwuda ma rẹn ehe ne ọ ghae yi.

Diuteronomi 10:20

Wa gha mu ohan e Nọyaẹnmwa Osanobua uwa, wa vbe gha ga irẹn ọkpa kẹkan. Wa gha re emwa ne ọ gba ẹko ẹre, ne uwa gha ya eni ẹnrẹn ọkpa kẹkan ru eyan uwa.

Jems 4:7

Rhunmwuda ọnii khekherriọ, wa gha zẹ egbe uwa obọ ne Osanobua. Wa mu aro igbinna da Esu, ọ gha lẹ hin ehe ne uwa ye rre.

Jọsua 24:14

“Banbanna nian khekherriọ,” wa ya uhunmwu rhanmwẹ otọ ne Nọyaẹnmwa, “ne uwa ye ẹkoata gae vbe ẹmwata. Wa mianmian avbe ẹbọ ne avbe erha uwa odede te gha ghoo vbe Mẹsopotamia kevbe Igipt ne uwa gha ga e Nọyaẹnmwa, ọkpa kẹkan.

I Pita 5:9

Mudia gbain vbe uwu iyayi ruẹ ne u vbe werriẹ aro igbinna da ẹre, rhunmwuda, ọ kere ne u rẹn wẹ, avbe ivbi iyayi ne ihua ni rre agbọn na hia, egbe oya vberriọ ọre iran wa vbe re khian na.

I Samuẹl 7:3

E Samuẹl keghi tama ivbi Izrẹl wẹẹ, “A deghẹ te uwa ghi ra ya ekhọe uwa hia dọlegbe bu e Nọyaẹnmwa gha dee nian, wa ghi viọ avbe ẹbọ ẹrrẹe kevbe amazẹ ọghe Astat ne ẹbọ ne ọkhua, ni gue kua. Wa ye egbe uwa hia fi ohan ne Nọyaẹnmwa, ne uwa vbe gha ga irẹn ọkpa, rẹn ghi do miẹn uwa fan hin obọ ẹtin emwa Filistin rre.”