Matiu 4:1 - Edo Bible (E Baibol Ẹdo) Version 1996

¹ Ẹghẹ ni, Orhiọn keghi gban Jesu uhunmwu ghe uwu ẹgbo ne Esu ya danmwẹ ọẹn ghe.

Matiu 4:1 ပူးပေါင်းရင်းမြစ်များ

Gẹnẹsis 3:15

I gha ruẹe ne uwẹ kevbe okhuo nii gha ya eghian so egbe, eghian egbe ẹdẹdẹmwẹdẹ ọre ivbi ẹre ke ivbi uwẹ ra gba gha khin; ivbi ẹre gha lọkọ uhunmwu uwẹ, wẹ ghi vbe gha sa iran ighinghianwẹ.”

I Ọba 18:12

A deghẹ I ghi kpao nẹ orhiọn e Nọyaẹnmwa tọ ọn mu gha rrie ehe ne a ma rẹn vbo? Ẹghẹ nii, mẹ gha ghi tama Ehab ighẹ u rre emwa, ighẹ rẹn ma ghi miẹn ọn, ọ ghi gbe mwẹ uan. Yerre wẹ, ke ẹghẹ ọvbokhan mwẹ gha dee, ekhọe ọ re I ya ga e Nọyaẹnmwa.

II Ọba 2:16

iran tama rẹn wẹẹ, “Ma ekigbesiyeha ẹre ọ rre emwa, ikpia ni wegbe ehia khin. Gie ima gha khian ya gualọ arowa a. Ọ gha ke ẹe, erhẹn e Nọyaẹnmwa mu ẹẹn kpao, ọ na ya mu ẹẹn ye otọ vbe uhunmwu oke eso ra iya eso.” Elaisia keghi wanniẹn wẹẹ, “Ẹn o, wa ghẹ zẹdẹ yo.”

Ezikiẹl 11:1

Orhiọn Osanobua keghi tọn mwẹ mu, ọ na mu mwẹ gha rrie onurho odẹ ahọ ọghe Ọgua Osa. I keghi miẹn ikpia isẹnyan ugie vbe onurho nii, usun ne iran ye ighe Jaazanaia ne ovbi Azọ kevbe Pelatia ne ovbi Benaia, eva vbe uwu avbe ọkaolotu ẹvbo nii.

Ezikiẹl 11:24

Vbe aro umian nii, orhiọn Osanobua keghi tọn mwẹ mu, ọ na mu mwẹ werriegbe bu iran ni rre iwe vbe Babilọn gha dee. Ẹre umian ni na ru gbẹnnẹ.

Ezikiẹl 3:12

Orhiọn Osanobua keghi tọn mwẹ mu, I keghi họn urhu okpa ne ọ davan vbe iyeke mwẹ, ne ọ khare wẹẹ, “Wa rho uyi Osanobua vbe odukhunmwu vbe ẹrinmwi.”

Ezikiẹl 3:14

Orhiọn Osanobua keghi wa ya ẹtin nọkhua hin yan mwẹ, vbene orhiọn rẹn wa mu mwẹ khian nii, ẹko kegha rriara mwẹ, ohu na gha mu mwẹ.

Ezikiẹl 40:2

Vbe uwu umian, Osanobua, keghi mu mwẹ gha rrie otọ Izrẹl, ọ keghi mu mwẹ yan oke ne ọ yo, I keghi ya bẹghe vbe odaro mwẹ avbe owa ne a bọlọe eso, ọ keghi yevbe ẹvbo ne ọ kpolo.

Ezikiẹl 43:5

Orhiọn e Nọyaẹnmwa keghi tọn mwẹ mu, ọ keghi mu mwẹ la ẹkpotọ ne ọ ke uwu ẹre, ehe ne I na miẹn wẹ uyi e Nọyaẹnmwa wa vuọn Ọgua Osa.

Ezikiẹl 8:3

Ọ ke ghi niẹn emwi ne ọ yevbe obọ ladian, ọ na mu mwẹ eto. Vbe umian na, orhiọn Osanobua keghi tọn mwẹ mu ghe odukhunmwu ẹsẹse, ọ na mu mwẹ gha rrie Jerusalẹm. Ọ keghi rhie mwẹ gha rrie onurho ne ọ ke uwu ẹre vbe obọ ne ọ laghe odẹ ahọ vbe Ọgua Osa, ehe ne ẹbọ okpa ne ọ wa mu Osanobua ohu ye.

Iyẹn ne ọ Maan Ọghe Jọn 14:30

Mẹ i ra ghi gu uwa guan kpẹe sẹ ọna, rhunmwuda, ne ọ kha yan agbọn na dee.

Iwinna 8:39

Ugbẹn vbe iran ghi ke uwu amẹ ladian, Orhiọn Nọyaẹnmwa keghi mu Filip kpao. Ọka iwinna nii ma ghi miẹn ọẹn sokpan ọ keghi si okhian, ẹko ẹre keghi vuọn ne oghọghọ.

Ebe ne Pọl gbẹẹn gie emwa Rom 8:14

Avbe emwa ne Orhiọn Osanobua ma re odẹ, ivbi Osanobua ọre iran khin.

Hibru 2:18

Banbanna nian, te irẹn ghi sẹtin ya emwa ni miẹn edanmwẹ obọ, rhunmwuda rẹn tobọ ẹre, a danmwẹ ọẹn ghe, ọ vbe rri oya. iẹnfan obọ.

Jems 1:14

Emwi dan ne ọmwa ho ghẹ ghi bi ẹre uhunmwu fua nẹ, i ghẹ ifi ẹre ghi mu ẹn nẹ, ẹghẹ ni, ọ ghi de fi uwu edanmwẹ.