Matiu 3:8 - Edo Bible (E Baibol Ẹdo) Version 1996

⁸ Wa gie uyinmwẹ uwa rhie ma ighe wa gele zobọ vbe orukhọ ne a ru.

Matiu 3:8 ပူးပေါင်းရင်းမြစ်များ

Jerimaia 26:13

Wa fi uyinmwẹ uwa werriẹ, kevbe emwi ne uwa ru, ne uwa gha họn ẹmwẹ ne Nọyaẹnmwa ne Osanobua uwa. Wa gha ru vberriọ rẹn gha vbe fi ekhọe werriẹ vbekpa ọkhọ ne ọ wẹ ọ gha rruan uwa.

Jerimaia 36:3

Ọ gha kẹe, ivbi Izrẹl gha họn ọkhọ ne I khare ighe ọ dee ra do rruan iran, iran gha zobọ vbe emwi dan ne iran ru. Ẹghẹ nii, mẹ ghi ya uyinmwẹ dan kevbe ọkhọ ne iran ru bọ iran.”

Matiu 21:32

Rhunmwuda, Jọn ne Ọsamẹ rre do ma uwa odẹ ẹmwata ne uwa gha la, wa ma ya ẹe yi. Sokpan, iran ni koko igho uhunmwu kevbe avbe igberagie keghi ya ẹe yi. Wa rhe yevbe miẹn emwi vberriọ, wa ma wẹ ne uwa fi ekhọe werriẹ vbe okiekie ne uwa do ya ẹe yi.”

Iyẹn ne ọ Maan Ọghe Luk 3:8

Wa gha ru emwi ne a gha ya rẹn ighẹ wa gele zobọ vbe orukhọ na ru. Wa ghẹ zẹdẹ mu ẹn gha ye unu gha tie, ‘Ivbi Ebraham ma khin.’ Ne I tama uwa wẹ, Osanobua gha sẹtin viọ okuta nekhua na, ya ru igiogbẹ ne Ebraham.

Iwinna 26:20

I keghi suẹn gha kpe orhu, okaro vbe Damaskọs, vbe iyeke ọnii vbe Jerusalẹm kevbe la otọ Judia hia kevbe ma iran ne ẹ i re Ju wẹ ne iran fi uyinmwẹ werriẹ vbe ọghe orukhọ ne iran ru, ne iran bu Osanobua gha dee ne iran vbe gha ru emwi ne ọ gha rhie ma ighẹ iran gele fiwerriẹ.

Ẹfisọs 5:8

Wa tobọ uwa te ka vbe gha rre uwu ebiebi yi, sokpan, banbanna nian, ne uwa ghi na khian emwa ọghe Nọyaẹnmwa nẹ, uwu uwanmwẹ ọre uwa ghi ye.

Ẹfisọs 5:9

Rhunmwuda, uwanmwẹ ọre ọ rhie otọ ne avbe emwi esi, vbene umamwẹ, emwi ne ọ gbae kevbe ẹmwata ye, ne a mọ ọmọ wọrhọwọrhọ.

Filipai 1:11

Ẹdẹ agbọn uwa ghi do vuọn ne avbe emwi ne ọre ne ọ maa, ọghe ẹmwata ne a ghe ginna ọmwa, ne Jesu Kristi ọkpa sẹtin rhie ladian ne uyi kevbe urhomwẹ Osanobua.