Matiu 3:7 - Edo Bible (E Baibol Ẹdo) Version 1996

⁷ Ugbẹn vbe Jọn ghi miẹn ighe avbe Farisi kevbe e Sadusi vẹ bu irẹn rre ne ọ do samẹ ne iran, ọ tama iran wẹẹ, “Wa ne ẹyẹn, gha ọ ghi giodẹ ne uwa gha na miẹn uhunmwu vbe obọ irriaikhi Osanobua ne ọ dee ma uwa yi?

Matiu 3:7 ပူးပေါင်းရင်းမြစ်များ

Gẹnẹsis 3:15

I gha ruẹe ne uwẹ kevbe okhuo nii gha ya eghian so egbe, eghian egbe ẹdẹdẹmwẹdẹ ọre ivbi ẹre ke ivbi uwẹ ra gba gha khin; ivbi ẹre gha lọkọ uhunmwu uwẹ, wẹ ghi vbe gha sa iran ighinghianwẹ.”

Itan 28:4

Adeghẹ wẹ i zẹye vbene uhi khare, avbe emwa dan ọ re uwẹ ye egbe baa, sokpan, u gha ya ẹe ru emwi, te u gu iran gbinna.

Aizaia 59:5

U ma dan ne uwa si mwẹ ikuaengbe vba ekẹn ẹyẹn ne ọ mwẹ obi. Gbe ekẹn ọkpa, ẹyẹn ghi yegbe ke uwu ẹre ladian! Sokpan, wa i ra vbe miẹn ọ maa ọkpa vbe uwu uma dan ne uwa si. Iran rhia sẹ ukpọn ne a ya ido akpakpa do!

Jerimaia 51:6

Wa lẹ ladian vbe Babilọn! Wa lẹ rhie uhunmwu hin ẹbe rre! Wa ghẹ gie a gbele uwa ye orukhọ e Babilọn. Te imẹ rria ẹre ikhi na, I ra vbe rri ọre oya ne ọ ma ẹẹn.

Jerimaia 6:10

Mẹ keghi wanniẹn wẹẹ, “Deghẹ mẹ gu iran guan, I na gha bu iran ude, gha ọ ra danmwehọ mwẹ yi? Iran ze vbe udu, iran he ne iran danmwehọ uhunmwu ne u gie, iran ghi gha giẹ ye ẹmwẹ ne u wẹ ne I tama iran.

Matiu 12:24

Avbe Farisi ghi họn, iran wẹẹ, “E Bẹlzibọb ne ọkaolotu avbe orhiọn esu, ọre ọ rhie ẹtin ne ọ ya khulo orhiọn esu ladian nẹẹn.”

Matiu 12:34

Wa ne ẹyẹn ne emwi dan, vbe ẹmwẹ esi ighi te ra ke uwa unu ladian hẹẹ? rhunmwuda, emwi ne ọ rre ekhọe ọre unu na ta ladian.

Matiu 15:12

Avbe erhuanegbe ẹre khama rẹn wẹẹ, “U rẹnrẹn ighẹ ẹmwẹ ne u tae wan wa kakabọ fian avbe Farisi egbe rhie?”

Matiu 16:1

Avbe Farisi kevbe Sadusi eso keghi bu ẹre rre. Iran gualọ odẹ vbene iran gha ya rhọ ẹre ye obọ hẹẹ. Iran nọ rẹn wẹẹ ne ọ winna iwinna ọyunnuan ọkpa ma iran ne ọ ya rhie ma ighe Osanobua rhie obọ ye iwinna rẹn.

Matiu 16:6

Jesu keghi tama iran wẹẹ, “Wa mwẹ ẹwaẹn, ne u wa vbe gha begbe vbe obọ eyist avbe Sadusi kevbe Farisi.”

Matiu 22:15

Avbe Farisi keghi ya si uma ne iran do ya ọta ne a nọ gualọ Jesu ẹmwẹ ne unu.

Matiu 22:23

Ẹdẹrriọ zẹẹ ọre avbe Sadusi eso vbe bu Jesu rre, (Iran na ọre ọ tae ighe a i rhiọrre vbe idin.)

Matiu 22:34

Avbe Farisi ghi họn ighe avbe Sadusi ma ghi sẹtin san ibo ne Jesu, iran kegha rrie uma.

Matiu 23:33

Wa ne ẹyẹn, wa ne ivbi ẹyẹn, vbọzẹ ne uwa na te ro yi ighẹ wa gha miẹn uhunmwu vbe obọ abe ẹrinmwi ne ehianmwẹ ivin?

Matiu 5:20

Ne I tama uwa, deghẹ ẹ i re te uyinmwẹ ẹmwata ọwua maa sẹ ọghe avbe ni ma emwa Uhi kevbe Farisi, wa i sẹtin la Arriọba ẹrinmwi.

Iyẹn ne ọ Maan Ọghe Mak 12:13

Iran keghi gie avbe Farisi eso, kevbe eso vbe uwu ekpayẹ Hẹrọd ne iran ya gualọ Jesu ẹmwẹ ne unu.

Iyẹn ne ọ Maan Ọghe Mak 12:18

Eso vbe uwu avbe Sadusi keghi bu Jesu gha dee, iran na ọre ọ ta ẹe ighẹ arhiọkpaegbe vbe orinmwi i rrọọ.

Iyẹn ne ọ Maan Ọghe Mak 8:15

Jesu tama iran wẹẹ, “Wa gha begbe vbe obọ eyist avbe Farisi kevbe eyist ọghe Hẹrọd.”

Iyẹn ne ọ Maan Ọghe Luk 16:14

Avbe Farisi eso ni họn avbe ẹmwẹ na kegha vin ihue ye Jesu akhọe, rhunmwuda iran ho ẹmwẹ igho ẹsẹse.

Iyẹn ne ọ Maan Ọghe Luk 18:11

E Farisi ne ọ rrọọ keghi mudia, ọ keghi na erhunmwu vbe nian: ‘Osanobua, I kpọnmwẹ ọn ighẹ mẹ i zuan, I i ru ero, I ma sakaan vbe ne emwa ọvbehe ye, I kpọnmwẹ ọn ighẹ I i ye vbe ne ọ koko igho uhunmwu nii.

Iyẹn ne ọ Maan Ọghe Luk 7:30

Sokpan avbe Farisi kevbe iran ni ma emwa Uhi ma ye obọ ye emwamwa ne Osanobua ru vbekpa iran, iran ma gie Jọn samẹ ne iran.

Iyẹn ne ọ Maan Ọghe Jọn 1:24

Avbe Farisi ọre ọ gie iran na uhunmwu rre.

Iyẹn ne ọ Maan Ọghe Jọn 8:44

Ivbi erha uwa ne Esu ọre uwa khin. Emwi ne erha uwa ho ọre uwa vbe ho ne uwa gha ru. Izigha rẹn wa khin ke otọe gha dee. Ọma he mwẹ obọ vbe ẹmwata ẹdẹ, rhunmwuda ẹmwata i vbe rre uwu irẹn, ọ gha ta ohoghe, emwi ne a ya we ẹe ọre ọ ru ni, rhunmwuda, ohoghe nọ, kevbe erha ohoghe hia.

Iyẹn ne ọ Maan Ọghe Jọn 9:40

Eso vbe avbe Farisi ni rre evba ghi họn vbe ọ ta ẹmwẹ na, iran nọ rẹn wẹẹ, “Te ima ghi vbe rhu aro ra?”

Iwinna 15:5

Sokpan eso ni rre otu avbe Farisi vbe uwu ivbi iyayi keghi kpaegbe, iran wẹẹ, “Ọ kere ne a rhuẹ iran, ne a tama iran ne iran gha ye Uhi Mosis ru emwi.”

Iwinna 20:31

Rhunmwuda ọnii, wa khẹ ye egbe, wa ghi yerre wẹ ukpo eha gbalaka ọre I ya gha ma edọmwadẹ ọghọe vbe uwu uwa emwi vbe asọn kevbe avan ke imẹ ke ameve.

Iwinna 26:5

Iran wa rẹn, deghẹ iran ho ne iran sẹ osẹe, wẹ ke omuhẹn gha dee otu ne ọ mu ẹmwẹ ugamwẹ mwa yan uhunmwu sẹ, ne a tie ẹre Farisi, ọre I ye.

Iwinna 5:17

Ẹghẹ ni ọre ogie ohẹn kevbe ivbi otu ẹre, deba otu emotọ ọghe avbe Sadusi, na wa kakabọ gha gbe ọvo avbe ukọ, iran na ghi wẹ, iran gha gualọ odẹ ne iran gha la iran re.

Ebe ne Pọl gbẹẹn gie emwa Rom 1:18

Aro da ẹe wẹ izohu Osanobua hihiẹ ke odukhunmwu dee do siẹn yan uyinmwẹ dan kevbe orukhọ emwa dan, emwa ne iba dan ne iran zẹ I gia rẹn ẹmwata ne ọ rrọ.

Ebe ne Pọl gbẹẹn gie emwa Rom 5:9

Uwu ẹre a ghi ya dọlọ ima kugbe ba Osanobua, wẹ ma ghi la evba rẹn wẹ, ẹ i mwẹ ọ ma miẹn ima fan vbe obọ izohu Osanobua.

I Tẹsalonaika 1:10

Kevbe ne uwa do gha diakhẹ Ovbi ẹre ne ọ ke ẹrinmwi tuorre gha dee, Jesu ne Ovbi ẹre, ọmwa ne irẹn huẹn kpaegbe vbe orinmwi, ọmwa ne ọ miẹn ima fan vbe obọ ohu Osanobua ne ọ dee.

Hibru 11:7

Iyayi ọre ọ ya Noa họn ẹmwẹ ne Osanobua tama rẹn ye otọ, vbe ekpa emwi ne ọ gha he sunu vbe ẹghẹ ne ọ dee, ne irẹn ma he dẹghe. Rẹn keghi ru vbene Osanobua kha re, ọ keghi kan okọ ne irẹn kevbe ẹgbẹe ọre na miẹn uhunmwu. Odẹ vbe nian, rẹn bu abe gbe agbọn, ọ keghi ya iyayi khian ọmwa. ẹmwata vbe obọ Osanobua.

Hibru 6:18

Rhunmwuda ọnii khekherriọ, emwi eva na ọre ọ rrọọ ne ẹ i sẹtin fiwerriẹ, kevbe vbe ekpa ne Osanobua i na sẹtin ta ohoghe. Rhunmwuda ọnii, te ọna rhie igiẹdu ne ima ni lẹ fe ye ehe ne ọ ye nẹ, ne ima da ẹe yi gbain ighẹ idaehọ ne a rhie ima aro yi.

I Jọn 3:10

Ọnọna ọrọre alughaẹn ne egbe ne aro dae, ne ọ rre ẹkpo ivbi Osanobua kevbe ivbi Esu. Ọmwaikọmwa ne ẹ i ru emwi ne ọ gbae, ra ne ẹ i ho ẹmwẹ etiọnrẹn, ẹ i re ovbi Osanobua.