Matiu 3:2 - Edo Bible (E Baibol Ẹdo) Version 1996

² “Wa zobọ vbe orukhọ ne a ru rhunmwuda Arriọba ẹrinmwi sotọ fo.”

Matiu 3:2 ပူးပေါင်းရင်းမြစ်များ

I Ọba 8:47

danmwehọ erhunmwu emwa ruẹn. A deghẹ iran ghi vbe miẹn kue vbe odọ niii, vbene iran zẹ iba vbe ru emwi dan hẹ, iran na na erhunmwu ghe ruẹ, u ghi họn erhunmwu iran Nọyaẹnmwa.

Job 39:12

Te u khẹ ọre ne ọ do viọ emwi orhọ ruẹ gha die owa ra, ra ne ọ do viọ ọka ruẹ hin ehe ne u na wiẹn ọka rre?

Job 42:6

Rhunmwuda ọnii, ekhue ẹmwẹ ne I talọe hia mu mwẹ. I roiro fiwerriẹ vbe uwu ebubẹ kevbe emuẹn.”

Ezikiẹl 33:11

Vbene aro na dae na wẹ mẹ ne Nọyaẹnmwa ne Udazi ọrọre Osanobua ne ọ rrọọ, ẹko i rhiẹnrhiẹn mwẹ ye uwu ọmworukhọ. Emwi ne ọ yẹ mwẹ sẹẹ ọrọre ne iran dobọ orukhọ ne a ru yi ne iran diagbọnya. Izrẹl, dobọ orukhọ ne a ru yi. Vbọzẹ ne u na ho ne u wu yi?

Daniẹl 2:44

“Vbe ẹghẹ avbe nikhaemwisẹ na, Osanobua ẹrinmwi gha mu arriọba ne ẹ i ra fo vbotọ gbọ. A i ra vbe sẹtin khọn rẹn ẹdẹ, sokpan, rẹn gha fuẹn avbe arriọba nii fẹẹrẹ, rẹn ghi gha rrọ ẹdẹdẹmwẹdẹ.

Matiu 10:7

Wa ya kporhu wẹẹ, ‘Arriọba ẹrinmwi sẹ otọ fo.’

Matiu 11:20

Jesu keghi suẹ gha ta ku avbe okpẹvbo hia ne ọ na winna iwinna ọyunnuan, rhunmwuda iran ma zobọ vbe orukhọ ne a ru.

Matiu 12:41

Ọ gha sẹ Ẹdẹ Ibuohiẹn, emwa Ninevi gha kpaegbe ba uwa ifi ẹzọ rhunmwuda iran fiwerriẹ vbe iran họn ikporhu e Jona. Ne I tama uwa, emwi ne ọ sẹ Jona rre emwa na.

Matiu 13:11

Jesu wanniẹn tama iran wẹẹ, “Wa na ọre a ta ẹmwẹ oro Arriọba Osanobua ma ighẹ ẹ i re iran ni.

Matiu 13:24

Jesu keghi vbe kpa itan ọvbehe ma iran wẹẹ, “Arriọba ẹrinmwi yevbe ọkpia ọkpa ne ọ kọ emwiokọ esi ye ugbo ẹre.

Matiu 13:31

Jesu keghi vbe kpa itan ọvbehe ma iran wẹẹ, “Arriọba ẹrinmwi yevbe ọmọ erhan mọstad ne ọ re ne ọ kanmwa sẹ vbe uwu avbe ọmọ erhan hia.

Matiu 13:33

Jesu keghi vbe kpa itan ọvbehe ma iran wẹẹ, “Arriọba ẹrinmwi yevbe eyist ne okhuo ọkpa rhiere, ọ keghi yae gua ọkpan irhuarhua ọkpa rhinrin irhuarhua ni te ghi do hue.”

Matiu 13:47

“Arriọba Osanobua vbe yevbe ọga ọgbehẹn ne a nien fi uwu ẹzẹ, ọ keghi vbe mu ehẹn ughughan.

Matiu 13:52

Ọ keghi dọlegbe tama iran wẹẹ, “Ọnii rhie ma wẹ deghẹ ọma emwa Uhi ọkpa do khian ọrhuanegbe vbe uwu Arriọba ẹrinmwi, rẹn ghi do yevbe ọdafẹn nọyan owa, ọ ghi vbe gha viọ emwi ọgbọn kevbe emwi ọwiẹyi ke uwu aza ẹre ladian.”

Matiu 18:23

Rhunmwuda, a ye Arriọba ẹrinmwi gie ọba ọkpa ne ọ wẹ ne avbe eguọmwadia ẹre viọ ebe ne iran gbẹnnẹ igho yi gie irẹn ne iran ghe ẹre.

Matiu 20:1

“A ye Arriọba ẹrinmwi gie okpia ọkpa ne ọ mwẹ ugbo emwiokọ ne ovbe kpaegbe vbe owiẹ vbirrivbirri ya viọ emwa iwinna ye ugbo ẹre.

Matiu 22:2

“Arriọba ẹrinmwi yevbe ọba ọkpa ne ọ le evbare irhiọha ọghe ovbi ẹre nokpia.

Matiu 23:13

“U miẹn agbọn ne uwa ye eni ma emwa Uhi kevbe Farisi, ayunukpaegbe! Wa khui urho Arriọba ẹrinmwi ke emwa yi, wa tobọ uwa ma ho ne uwa la owa, emwa ni ho ne iran la owa, wa ma kie ne iran. [

Matiu 25:1

“Vbe ẹdẹ ne ẹdẹrriọ, Arriọba ẹrinmwi gha yevbe evbokhunvbi igbe ni viọ ukpa ofigbọn, iran keghi ladian ya vba ọdafẹn ọha.

Matiu 25:14

“A gha ya ẹe gie okpia ọkpa ne ọ mu egbe ehe ne a yo, ọ keghi tie eguọmwadia ẹre, ọ keghi viọ emwi ewe ẹre ne iran gha gbe aro ghe.

Matiu 4:17

Ke ẹghẹ ni kpao ọre Jesu na suẹn gha kporhu, ọ wẹẹ, “Wa ro iro fi uyinmwẹ werriẹ, rhunmwuda Arriọba ẹrinmwi sẹ otọ fo.”

Matiu 4:23

Jesu keghi lele Galili sẹ otọ sẹ ukhunmwu, ọ kegha ma emwa emwi vbe dọmwadẹ Ọgua ediọn, ọ kporhu Iyẹn Ne ọ maa ọghe Arriọba, ọ keghi vbe sinmwi emwa nikhuọnmwi kevbe ni huẹhuẹ.

Matiu 5:10

Ọ maa ne iran ne a zẹ ọre owẹ, rhunmwuda ighe iran ru ne Osanobua ho, iran ọre ọ yan Arriọba ẹrinmwi.

Matiu 5:3

“Ọ maa ne iran ni rẹnrẹn ighe ivbiogue iran khin vbe orhiọn, iran ọre ọ yan Arriọba ẹrinmwi!

Matiu 6:10

gie Arriọba ruẹ rre, gia gha ru iho ruẹ vbe agbọn vbe ne iran ru vbe ẹrinmwi.

Matiu 6:33

Emwi ne uwa gha ru ọrọre ne uwa ka mu aro ye ẹmwẹ Arriọba Osanobua kẹe kevbe emwi ni lelẹe khian nẹ, rẹn gha ye emwi ni ghi dekẹe hia sẹ uwa ọkẹn.

Iyẹn ne ọ Maan Ọghe Mak 1:15

Ọ wẹẹ, “Ẹghẹ wa sẹ nẹ nian, Arriọba Osanobua sẹ otọ fo! Wa zobọ vbe orukhọ ne a ru, ne uwa vbe do ya Iyẹn Ne ọ maa yi.”

Iyẹn ne ọ Maan Ọghe Mak 1:4

E Jọn keghi rhie egbe ma vbe uwu ato, ọ kegha samẹ ne emwa, ọ keghi vbe gha kpe orhu ma iran wẹẹ, “Wa zobọ vbe orukhọ ne a ru. ne a samẹ ne uwa, Osanobua gha ya orukhọ uwa bọ uwa.”

Iyẹn ne ọ Maan Ọghe Mak 6:12

Rhunmwuda ọnii, iran ladian ya kpe orhu wẹ ne emwa zobọ vbe emwi dan ne a ru.

Iyẹn ne ọ Maan Ọghe Luk 1:16

Ọ gha viọ enibun vbe ivbi Izrẹl dọlegbe bu Nọyaẹnmwa Osanobua iran gha dee.

Iyẹn ne ọ Maan Ọghe Luk 11:20

Ugbẹn vbe a ghi miẹn nian ighe ẹtin Osanobua ọre I ya khulo avbe orhiọn esu ladian, ọnii rhie maa ighe Arriọba Osanobua hu uwa rre nẹ.

Iyẹn ne ọ Maan Ọghe Luk 13:3

Ẹ i re erriọ! Ne I tama uwa nian wẹ deghẹ i re te uwa dobọ orukhọ yi, erriọ wa hia gha vbe wulo.

Iyẹn ne ọ Maan Ọghe Luk 13:5

Ẹ i re erriọ, ne I tama uwa nian wẹ deghẹ i re te uwa zobọ vbe orukhọ na ru, erriọ wa hia gha vbe wulo.”

Iyẹn ne ọ Maan Ọghe Luk 15:10

Ne I tama uwa, erriọ ọre ọyẹnmwẹ sẹ avbe odibo Osanobua ye ọmwa orukhọ ọkpa ne ọ fi werriẹ.”

Iyẹn ne ọ Maan Ọghe Luk 15:7

Ne I tama uwa, erriọ ọ wa vbe ye zẹ, ọmwa orukhọ ọkpa ne ọ fi ekhọe werriẹ, ọ re a rhunmwuda ẹre ghọghọ vbe ẹrinmwi sẹ ọkpairrọvbiyisẹn ni ma fi owẹ dọn.

Iyẹn ne ọ Maan Ọghe Luk 16:30

Enọfe nii wanniẹn wẹẹ, ‘Ẹ i re erriọ, Ebraham ne evbavba, ọmwa ne ọ rhiọkpaegbe vbe idin gha ya gu iran guan, iran gha zobọ vbe orukhọ ne a ru.’

Iyẹn ne ọ Maan Ọghe Luk 21:31

Erriọ vbe nọ, avbe emwi na ghẹ ghi sunu, wa ghi rẹn ighẹ te Arriọba Osanobua ghi ra rre.

Iyẹn ne ọ Maan Ọghe Luk 24:47

Kevbe wẹẹ, eni ẹnrẹn ọre a gha ya kpe orhu a roiro fi uyinmwẹ werriẹ kevbe a yabọ orukhọ ma uhunmwu ẹvbo hia, Jerusalẹm ọre a gha ke suẹ ọnrẹn.

Iyẹn ne ọ Maan Ọghe Luk 6:20

Jesu keghi ghe avbe erhuanegbe ẹre, ọ wẹẹ: “Ọ maa ne uwa ne ivbiogue: Wa ọ yan Arriọba Osanobua.

Iyẹn ne ọ Maan Ọghe Luk 9:2

Iyeke ọnii, ọ keghi gie iran ladian ne iran ya kpe orhu Arriọba Osanobua kevbe ne iran gha sinmwi avbe ọkhọnmwẹ.

Iwinna 11:18

Ugbẹn vbe iran ghi họn ẹmwẹ na, iran keghi dobọ ẹzọ na gui yi, iran keghi rho Osanobua vbe uyi wẹẹ, “Ọnii rhie maa ighẹ Osanobua vbe rhie otọ ne iran ne ẹ i re Ju ya fiwerriẹ ne iran ghẹ wulo.”

Iwinna 17:30

Osanobua ma ghi zẹ ye ẹmwẹ ẹghẹ ne emwa ne agbọn ma na rẹn nii, sokpan ẹghẹ na nian, ọ yi ẹre iyi ne emwa hia ni rre ehe hia wẹ ne iran lahin odẹ dan iran rre.

Iwinna 2:38

Pita tama iran wẹẹ, “Dọmwadẹ ọghọe vbe uwu uwa zẹ obọ vbe orukhọ ne a ru ne a do sa amẹ ne uwa, vbe eni Jesu Kristi, ne a miẹn ehe na ya orukhọ uwa bọ uwa, wa gha vbe mwẹ Orhiọn Ne Ọ Huanrẹn ne Osanobua gha ya ru uwa ẹse.

Iwinna 20:21

Iran ne Ju kevbe iran ne ẹ i re Ju, te I si agbada vbe unu ya tama emwa hia wẹẹ ne iran zobọ vbe orukhọ, ne iran bu Osanobua gha dee kevbe ne iran ya Nọyaẹnmwa Jesu yi.

Iwinna 26:20

I keghi suẹn gha kpe orhu, okaro vbe Damaskọs, vbe iyeke ọnii vbe Jerusalẹm kevbe la otọ Judia hia kevbe ma iran ne ẹ i re Ju wẹ ne iran fi uyinmwẹ werriẹ vbe ọghe orukhọ ne iran ru, ne iran bu Osanobua gha dee ne iran vbe gha ru emwi ne ọ gha rhie ma ighẹ iran gele fiwerriẹ.

Iwinna 3:19

Rhunmwuda ọnii nian, wa roiro fi uyinmwẹ werriẹ, wa bu Osanobua gha dee, ne ọ miẹn ehe na kpe orukhọ uwa hia kua.

II Kọrinti 7:10

Rhunmwuda ẹko ne ọ rriara ọmwa ne Osanobua loro, keghi rhie afi ekhọe werriẹ ghe imiẹnfan rre. A i vbe gbe I ma rẹn ye ọnii hiehiere. Sokpan te ẹko ne ọ rriara ọmwa ọghe agbọn na si uwu.

Kọlose 1:13

Rhunmwuda te irẹn miẹn ima fan hin obọ ẹtin ebiebi rre, ọ na viọ ima gha die arriọba ovbi ẹre ne ọ ghan vbe egbe hẹnnẹdẹn.

II Timoti 2:25

Ọmwa ne ọ ya urhu khuẹrhẹ tama ọmwa ne ọ gu ẹe suan, ehe ne ọ na bae ku. Ughaghe Osanobua gha rhie ẹkpotọ ne iran ya fi uyinmwẹ werriẹ, ne iran vbe do rẹn ẹmwata ne ọ rrọọ.

Hibru 6:1

Rhunmwuda ọnii, wa gia na na sikẹ odaro, ne a ya guan yan avbe emwi ni dinmwi, ne a sẹ avbe ikpogho ẹmwẹ ikpo orhu Iyayi e Kristi rae nẹ. Ma i ghi ra vbe dọlegbe gha gbe ẹyotọ ọghe ne a sẹ iwinna ne ẹ i mwẹ esa rae ye otọ, ne a do ya Osanobua yi.

II Pita 3:9

Zẹ vbene emwa eso roro ẹe, ẹ i re te Nọyaẹnmwa ghi si ẹe kpẹe vbe otọ ighẹ emwi ne ọ wẹ rẹn ra ru, sokpan te ọ ziengbe rhunmwuda uwa, rhunmwuda, rẹn iho ne ọmwa rhọkpa fuan, sokpan ọ ho ne emwa hia fiwerriẹ hin orukhọ iran rre.

Arhie Maan 2:21

I rhie ẹghẹ nẹẹn ne ọ ya fiwerriẹ vbe orukhọ ne ọ ru, sokpan ọ ma ho ne ọ fiwerriẹ hin uyinmwẹ alama oghẹ ne ọ ye rre.

Arhie Maan 2:5

Ye ehe ne u he de sẹ ẹro! Zẹ obọ vbe orukhọ ne u ru, ne u gha ru vbene u te ka gha ru vbe ẹghẹ okaro. A deghẹ u ma zẹ obọ vbe orukhọ ne u ru, I gha bu ruẹ gha dee, I ghi do mu erhan ọmukpa ruẹ hin ihe ẹre rre.