Matiu 3:16 - Edo Bible (E Baibol Ẹdo) Version 1996

¹⁶ Ugbẹn vbe a ghi samẹn ne Jesu nẹ, vbene ọ wa ladian vbe uwu amẹ, ẹrinmwi keghi kie ye otọ, rẹn keghi miẹn Orhiọn Osanobua vbe ọ tuorre, ọ yevbe idu, ọ keghi rhuẹ yan rẹn.

Matiu 3:16 ပူးပေါင်းရင်းမြစ်များ

Aizaia 11:2

Orhiọn e Nọyaẹnmwa gha rhie ẹwaẹn ne ẹẹn, deba irẹnmwi kevbe iguemwi ne ọ gha ya gha khaemwisẹ yan avbe emwa rẹn, rẹn gha rẹn emwi ne Nọyaẹnmwa ho ọ ghi vbe gha ya ọghọ ne ẹẹn,

Aizaia 42:1

E Nọyaẹnmwa khare wẹẹ, “Ọnọna ọrọre ọguọmwadia mwẹ ne I rhie ẹtin ye ọre iwu, ọmwa ne imẹ zẹe, ne ẹko mwẹ vbe rhiẹnrhiẹn ghe. Mẹ ya orhiọn mwẹ vuọn irẹn nẹ, ọ gha rhie ohiẹn ẹmwata la dọmwadẹ uhunmwu ẹvbo.

Aizaia 59:21

I rhie ẹtinmwẹ kevbe iruẹemwi mwẹ ne uwa, ne ọ gha re ọghe uwa ẹdẹdẹmwẹdẹ, ke ẹghẹ na gha rae te uwa ra gha họn ẹmwẹ mẹ, wa ghi ma ivbi uwa, kevbe ivbi uniẹn uwa ẹre ne iran gha họn ẹmwẹ mẹ ẹdẹdẹmwẹdẹ.”

Aizaia 61:1

E Nọyaẹnmwa ne Udazi ya orhiọn rẹn vuọn mwẹ nẹ, ọ zẹ mwẹ nẹ, ọ keghi vbe gie mwẹ, ne I rhie iyẹn ne ọ maa gie ivbiogue ne I mu ne ẹko ẹre rhiae egbe rran, ne I na iyẹn afanvbirri ne iran ne oghunmwu kevbe afanfua ne iran ni rre ẹwẹdọ.

Ezikiẹl 1:1

Vbe Ikpẹdẹ ne ogisẹn ọghe uki ne ogienẹ vbe ukpo ne ogiwera, mẹ ne Ezikiẹl, ne ohẹn, ne ovbi e Buz, keghi gu ivbi e Ju ni rre iwe rre ọkpẹn Ẹzẹ e Kiẹba vbe Babilọn. Iso keghi kie yotọ, I na miẹn umian ọghe Osanobua.

Iyẹn ne ọ Maan Ọghe Mak 1:10

Ọwarọkpa vbe Jesu wa ke uwu amẹ ladian, rẹn keghi miẹn vbe ẹrinmwi kie ye otọ, Orhiọn Osanobua keghi tuorre yan rẹn, ọ ye vbe idu.

Iyẹn ne ọ Maan Ọghe Jọn 1:51

Ọ keghi tama iran wẹẹ, “Ẹmwata ọre I tama uwa, wa gha miẹn vbe ẹrinmwi a kie ye otọ kevbe avbe odibo Osanobua ghi gha hin odukhunmwu, iran ghi vbe gha tuorre yan Ovbi Ọmwa.”

Iyẹn ne ọ Maan Ọghe Jọn 3:34

Ẹmwẹ Osanobua, ọre ọmwa ne Osa gie guan rhunmwuda te Osanobua rhie uvuọnmwẹ Orhiọn rẹn nẹẹn.

Iwinna 7:56

Ọ keghi kha wẹ: “Wa ghe, I bẹghe ẹrinmwi vbe ọ kie ye otọ kevbe Ovbi Ọmwa vbe ọ mudia ye obọ erha ọmwa ọghe Osanobua!”

I Jọn 5:6

Jesu Kristi ọrọre ọmwa ne ọ rre, ọ rre ke irẹn kevbe amẹ ọghẹ isamẹ ọnrẹn kevbe esagiẹn ọghe uwu ẹre. Ẹ i re rẹn vbe amẹ ọkpa ọre ọ rre, sokpan ke irẹn kevbe amẹ kevbe esagiẹn. Nene Orhiọn tobọ ẹre vbe se osẹe wẹ ẹmwata ọ na khin, rhunmwuda, ẹmwata ọre nene Orhiọn khin.