Matiu 3:11 - Edo Bible (E Baibol Ẹdo) Version 1996

¹¹ Amẹ ọre imẹ ya samẹ ne uwa ne ọ rhie ma ighe wa gele zobọ vbe orukhọ ne a ru. Sokpan ọmwa ne ọ ghi ra rre lele mwẹ gha ya Orhiọn Ne Ọ Huanrẹn kevbe erhẹn samẹ ne uwa. Rẹn kpọlọ sẹ mwẹ ẹsẹse, mẹ ma sẹ ne ọ gha ban ẹre ibata vbe owẹ.

Matiu 3:11 ပူးပေါင်းရင်းမြစ်များ

Aizaia 4:4

E Nọyaẹnmwa gha ya ẹtin ẹnrẹn bu ohiẹn, ọ ghi vbe kpe ẹe huan hin rre ighe orukhọ uhunmwu ẹvbo na, kevbe esagiẹn ne a gbe yotọ vbọ.

Aizaia 44:3

“I gha sa amẹ ne ọmwa ne ovbamẹ gbe, I ghi vbe wẹ ne ẹzẹ gha lẹ, vbe otọe ne ọ kae I gha hihiẹ ẹtin yan avbe ivbi uẹ kevbe afiangbe mwẹ yan ivbi uniẹn ruẹn.

Zẹkaraia 13:9

Mẹ gha danmwẹ obọkpa vbe uwu eha ni miẹn uhunmwu vbọ ghe. I ghi vbe kpe iran huan, vbene a kpe esiliva huan vbe erhẹn. I gha danmwẹ iran ghe vbene a danmwẹ igoru ghe. Ẹghẹ nii, iran gha na erhunmwu iran. I gha tama wẹ emwa mwẹ ọ re iran khin, iran ghi vbe miẹn kue wẹ mẹ ọrọre Osanobua iran.”

Matiu 3:6

Iran miẹn Orukhọ iran kue. Ọ keghi samẹ ne iran vbe ẹzẹ Jọdan.

Iyẹn ne ọ Maan Ọghe Mak 1:4

E Jọn keghi rhie egbe ma vbe uwu ato, ọ kegha samẹ ne emwa, ọ keghi vbe gha kpe orhu ma iran wẹẹ, “Wa zobọ vbe orukhọ ne a ru. ne a samẹ ne uwa, Osanobua gha ya orukhọ uwa bọ uwa.”

Iyẹn ne ọ Maan Ọghe Luk 1:17

Rẹn gha ladian zẹ vbe akhasẹ Osanobua ne ọ wo vbe egbe kevbe ne ọ mwẹ ẹtin zẹ vbe Elaija ne akhasẹ. Rẹn gha dọlọ erha kevbe emọ kugbe. Iran ni ze vbe ẹkoko udu, ọ gha fi iran ekhọe werriẹ ne iran gha ro iro zẹ vbe adazẹ ọmwa. Ọ gha mu emwa Nọyaẹnmwa egbe ye otọ khẹ ọre.”

Iyẹn ne ọ Maan Ọghe Luk 3:16

Rhunmwuda ọnii Jọn keghi tama iran hia wẹẹ, “Amẹ ọre imẹ ya samẹ ne uwa, sokpan, ọmwa ne ọ kpọlọ sẹ mwẹ ẹsẹse dee. Mẹ ma sẹ ne ọ gha ban ẹre ibata. Rẹn ọre ọ gha ye orhiọn Ne ọ huanrẹn kevbe erhẹn same ne uwa.

Iyẹn ne ọ Maan Ọghe Luk 3:3

Rhunmwuda ọnii, e Jọn keghi lele isoko nii lẹga ẹzẹ Jọdan hia, ọ kegha kpe orhu wẹẹ, “Wa zobọ vbe orukhọ ne uwa ru, ne a samẹ ne uwa. Osanobua gha ye orukhọ uwa bọ uwa.”

Iyẹn ne ọ Maan Ọghe Jọn 1:15

Jọn ọre ọ ta ẹmwẹ ọnrẹn. Rẹn keghi datu wẹẹ, “Ọmwa ne I kha ẹghẹ nii ọna khin vbe ẹghẹ ne I na kha wẹẹ, ‘Rẹn ọre ọ khian rre lele mwẹ, sokpan ọ kpọlọ sẹ mwẹ rhunmwuda rẹn rrọọ nẹ a ke do biẹ mwẹ.’ ”

Iyẹn ne ọ Maan Ọghe Jọn 1:30

Ọmwa ne I kha ọ na khin ẹkpo ne I na kha wẹẹ, ‘Okpia ọkpa gha rre lele mwẹ, sokpan rẹn kpọlọ sẹ mwẹ, rhunmwuda rẹn rrọọ nẹ a ke biẹ mwẹ,’

Iwinna 1:5

Rhunmwuda, amẹ ọre Jọn ya sa amẹ ne emwa, sokpan vbe ọ ma he kpẹe wan, a gha ya Orhiọn Ne Ọ Huanrẹn sa amẹ ne uwa.”

Iwinna 19:4

Pọl keghi wanniẹn wẹ, “Isamẹ ọghe Jọn, ọ ghe iran ni ro iro fi uyinmwẹ werriẹ nọ, rẹn keghi vbe kha ma emwa Izrẹl wẹ ne iran ya ọmwa ne ọ ra rre lele irẹn yi, ọnii ọrọre Jesu.”

Iwinna 8:36

Vbene iran khian vbe odẹ nii, iran keghi do sẹ ihe ọkpa ne amẹ ye, ọka iwinna ni keghi kha wẹẹ, “Ghe amẹ vbe emwa na, de emwi ne ọ gha zẹ ne a i ra na sa amẹ mẹ nian?” [

Iwinna 8:38

Ọka iwinna nii keghi wẹ ne ikẹkẹ okhuae ni mudia. Iran eva, Filip kevbe ọka iwinna nii keghi gba la uwu amẹ, Filip ke sa amẹ nẹ ẹn.

I Kọrinti 12:13

Erriọ ọre ọ ye ne ima hia, e Ju kevbe ne ẹ i re Ju, eviẹn kevbe ne ẹ i re eviẹn, a sa amẹ ne ima ye uwu egbe ọkpa nii nẹ vbe ekpa Orhiọn ọkpa nii, a keghi vbe rhie Orhiọn ọkpa nii ne ima hia wọn vbọ.

Ẹfisọs 3:8

Mẹ kanmwa sẹ ne ọ ghi kanmwa sẹẹ vbe uwu avbe emwa Osanobua, sevba, Osanobua keghi ya ọna ru mwẹ ẹse wẹ, ne I rhie Iyẹn Ne ọ maa ọghe ẹfe Kristi ne ẹ i mwẹ okhiẹ bu iran ne ẹ i re Ju gha khian.

Taitọs 3:5

Ọ keghi miẹn ima fan. Ẹ i re rhunmwuda iwinna esi ne ima tobọ mwa winna, sokpan, rhunmwuda itohan rẹn ọre ọ na miẹn ima fan, vbe ekpa akhuẹ ne Orhiọn Ne Ọ Huanrẹn ya dọlọ mwa biẹ, ọ na vbe rhie arrọọ ọghe ọgbọn ne ima.

I Pita 5:5

Erriọ vbe nọ zẹẹ, wa ne igbama, wa gha gbe uhunmwu ke otọ ne avbe eniwanrẹn. Wa hia fẹẹrẹ ghi rhie ukugba imuegberriotọ gba, ne uwa ya gha ru ne egbe rhunmwuda ebe khare wẹẹ, “Osanobua mu aro igbinna da e nọ tọn egbe mu, sokpan ọ ghi gha rhie ẹsọhẹ ne ne ọ mu egbe rri otọ.”