Matiu 3:10 - Edo Bible (E Baibol Ẹdo) Version 1996

¹⁰ A rhie ughanmwa yan dọmwadẹ erhan ẹzi nẹ, erhan ne ọ ma ghi mọ ọmọ esi, a gha tọn ẹn gbe otọ, a ghi giagia ẹe hẹku erhẹn.

Matiu 3:10 ပူးပေါင်းရင်းမြစ်များ

II Samuẹl 23:7

u ma ghi rhie ematọn, u ghi rhie asoro, te a khian giẹn ehia fẹẹrẹ.

Psalm 1:3

Iran yevbe erhan ni zọ vbe ọkpẹn ẹzẹ, ni vbe mọ ye ẹghẹ, ne ebe ẹre i vbe kaka.

Psalm 140:10

Te ogiọnmwẹ erhẹn ẹyin gha rhurhẹ yan iran, te iran gha dele ye uye, ne iran ghẹ ghi ladian.

Psalm 92:12

Ọmwata gha wan zẹ vbe udin iran gha wan zẹvbe isida ni rre Lebanọn.

Aizaia 27:11

Abọ avbe erhan luẹluẹe, ehia vbe bunnọ kua. Te ikhuo ghi ho iran ya koko. Rhunmwuda wẹ, avbe emwa ni ma rẹn otọ emwirhọkpa, Osanobua ne Ayi ne ọ yi iran i ra tohan iran, ra ne ọ vbe mwẹ ekhọe agiẹngiẹn ghe iran.

Aizaia 61:3

ne I ya rhie ne iran ni khiẹ vbe Zaiọn oghọghọ kevbe ọyẹnmwẹ ye ihe akhiẹ. Ihuan urhomwẹ ye ihe akhiẹ. Iran gha yevbe avbe erhan, ne Nọyaẹnmwa tobọ ẹre kọ. Iran gha ru emwi ne ọ kere a gha vbe rho Osanobua ye iwinna ne ọ winna ẹn.

Jerimaia 17:8

Te irẹn yevbe erhan ne ọ zọọ vbe ọkpẹn ẹzẹ, ne ọ vbe zẹẹ inian ya fi uwu amẹ ohan i mu ẹẹn vbe uyunmwu a rre rhunmwuda, ebe ẹre ghi ye biua nunuunu ẹ i vbe hawa vbe amẹ ma rhọ ọ ghi ye gha mọ khian.

Daniẹl 4:14

Ọ keghi ya urhu ne ọ la datu wẹẹ, ‘Wa tọn erhan nii gbotọ ne uwa giagia ẹre abọ kua, wa khuọn ẹre ebe kua ne uwa duẹ avbe ọmọ rẹn kua. Wa khulo avbe aranmwẹ nii hin ototọ ẹre rre kevbe avbe ahianmwẹ nii hin abọ ẹre rre.

Malakai 4:1

E Nọyaẹnmwa ne Oghodua khare wẹẹ, “Ẹdẹ dee ne emwa ni tọn egbe mu kevbe avbe emwa dan gha giuan zẹ vbe ebe ne ọ kakae. Vbe ẹdẹ ne ẹdẹrriọ, iran gha giẹn uan, ẹ i vbe kẹe vbọ. Sokpan, zẹ vbe ọghe uwa ni họn ẹmwẹ mwẹ na, ẹtin imiẹnfan mwẹ gha hin yan uwa zẹ vbe owẹn, ọ ghi vbe rhie egbe rranmwẹ rre zẹ vbe asan ovẹn.

Matiu 21:19

Rẹn keghi bẹghe erhan ohọ ọkpa vbe ọkpẹn odẹ. Sokpan ọ ma miẹn emwi rhọkpa vbe uhunmwu ẹnrẹn gberra ebe. Rhunmwuda ọnii Jesu tama erhan ohọ nii wẹẹ, “U i ghi dọlegbe mọ ọvbehe.” Erhan ohọ ni keghi kaka ọwarọkpa nii.

Matiu 7:19

Erhan ne ọ ma mọ ọmọ esi, a gha tọẹn gbe otọ, a ghi hiọrọe fi erhẹn.

Iyẹn ne ọ Maan Ọghe Luk 23:31

Rhunmwuda a ghi ru emwi vbe nian vbe egbe erhan ọgbọn, vbe ọ gha ye hẹ ne erhan ne ọ kae?”

Iyẹn ne ọ Maan Ọghe Luk 3:9

Ughanmwa mu egbe nẹ ne ọ tọnnọ erhan hia la ẹzi. Erhankerhan ne ọ ma mọ ọmọ esi, a gha tọn ẹn gbe otọ, a ghi hiọrọ fi erhẹn.”

Iyẹn ne ọ Maan Ọghe Jọn 15:2

Abọ ne ọma mọ vbọ, ọ ghi fiaẹn mu fua, abọ ne ovbe mọ, ọ ghi kpannọ igẹngẹn ọnrẹn kua ne ọ miẹn ehe na fanmwegbua, nọ miẹn ehe na gha mọ ẹse.

Iyẹn ne ọ Maan Ọghe Jọn 15:6

Ọmwa ne ọ ma di uwu imẹ ya, a gha mu ẹn fi fua zẹ vbe abọ, ọ ghi vbe kaka, a gha si egbe abọ vberriọ koko, a ghi hẹ ku erhẹn, a ghi giẹn ọnrẹn uan.

Hibru 12:25

Rhunmwuda ọnii nian, wa ghi mwẹ ẹwaẹn wa ghẹ rhie obọ khiọ ehọ ne uwa ghẹ miẹn ehe na họn ẹmwẹ ọmwa ne ọ guan. Iran nọ ma danmwehọ ọmwa ne ọ kpe orhu iyẹn ne ọ huanrẹn vbe agbọn na, ma miẹn uhunmwu. Vbe ọmwa ghi ra na miẹn uhunmwu hẹ khekherriọ deghẹ ọ wẹ rẹn i danmwehọ ọmwa ne ọ guan ke ẹrinmwi rre?

Hibru 6:8

Sokpan, a deghẹ ọ zọ igban kevbe irunmwu ladian, ọ rhiae nọ, ọ mu egbe ẹre ye ne Osanobua gha na fi ẹre unu, a ghi ya erhẹn fuẹn ọnrẹn uan.