Matiu 28:9 - Edo Bible (E Baibol Ẹdo) Version 1996

⁹ Vbe udomwurri, Jesu keghi bu iran rre, ọ wẹẹ, “Ọfumwegbe nọ ne uwa.” Iran keghi bu ẹre gha dee, iran ye obọ da ẹre owẹ yi, iran keghi ya uhunmwu rhanmwẹ otọ ne ẹn.

Matiu 28:9 ပူးပေါင်းရင်းမြစ်များ

Aizaia 64:5

Wẹ miẹn iran ne emwi ne ọgbae ne a ru yẹ yi, iran ni yerre vbene u wẹ ho ne iran gha yin hẹ. Ohu mwa te gha mu ẹẹn, sokpan, ma keghi ye gha ru orukhọ yan, vbene ohu ni ya mu ẹẹn sẹ, orukhọ ọre ima ye ru kẹ ẹkpo nẹdẹ ni gha dee.

Matiu 14:33

Avbe, erhuanegbe ni rre uwu okọ keghi ya uhunmwu rhanmwẹ otọ ne Jesu, iran wẹẹ, “Vbe ẹmwata, Ovbi Osanobua ọre u gele khin.”

Matiu 23:7

Iran ho ne a gha tuẹ iran vbe obọ eva vbe ẹki, ne agbọn vbe ẹrinmwi gha tie iran ‘Ọmamwaemwi.’

Matiu 28:10

Jesu keghi tama iran wẹẹ, “Wa ghẹ gie ohan mu uwa, wa ya khama avbe etẹn mwẹ ne iran gha rrie Galili, evba iran gha na miẹn mwẹ.”

Matiu 28:17

Ugbẹn vbe iran ghi miẹn ọẹn, iran ya uhunmwu rhanmwẹ otọ ne ẹn a gha rhe miẹn wẹẹ eso vbe uwu iran gha a biro eva.

Matiu 28:8

Iran keghi wa zẹgiẹ ya ohan lẹ hin idin rre, sokpan ẹko hia sẹ iran ọyẹnmwẹ, iran keghi rhulẹ ya tama avbe erhuanegbe.

Iyẹn ne ọ Maan Ọghe Luk 1:28

Odibosa keghi bu ẹre gha dee, ọ tama rẹn wẹẹ, “Ọfumwegbe nọ nuẹn. Nọyaẹnmwa yaba ruẹ, ọ vbe fiangbe uẹ ẹsẹse.”

Iyẹn ne ọ Maan Ọghe Luk 24:52

Iran keghi ya uhunmwu rhanmwẹ otọ nẹẹn, iran na dọlegbe gha rrie Jerusalẹm. Iran vuọn ne oghọghọ nọkhua.

Iyẹn ne ọ Maan Ọghe Luk 7:38

Ọ mudia ye ọkpẹn owẹ Jesu vbe odieke ẹre, ọ kegha viẹ, ọ na gha kharha ameve ye ọre owẹ, ọ ye unu soso ẹre owẹ, ọ keghi tue ori ne ọ winhin nii ye ọre owẹ.

Iyẹn ne ọ Maan Ọghe Jọn 12:3

Meri keghi wa mu ohoho ọgọ ori ighobioye ne ọ winhin ne a ya nadi ru, ọ keghi tue ẹre ye Jesu owẹ, ọ keghi ya eto ne uhunmwu ẹnrẹn khiẹn rẹ n. Uwinhinmwẹ ọnrẹn keghi gba owa nii hia.

Iyẹn ne ọ Maan Ọghe Jọn 20:19

Vbe Ẹdẹ Uzọla nii, vbe ebiebi ghi so buan nẹ vbe ota, avbe erhuanegbe khui urho ke egbe yi ye ihọkpa rhunmwuda ohan avbe Ju mu iran. Jesu rre, ọ keghi gu iran mudia, ọ wẹẹ, “Ọfumwegbe gu uwa rrọọ.”

Iyẹn ne ọ Maan Ọghe Jọn 20:28

Tọmọs wanniẹn tama rẹn wẹẹ, “Nọyaẹnmwẹ kevbe Osanobua mwẹ!”

II Kọrinti 13:11

Banbanna nian, etẹn mwẹ, wa ọ khian ẹdẹ ọkpa. Wa gha ru ẹe ne ọ gba ne uwa, wa gha rhie ẹmwẹ mwẹ ye ehọ wa gie ẹmwẹ uwa gha gue kugbe, wa gha rrọọ vbe uwu ọfumwegbe. Osanobua aho ẹmwẹ ọmwa kevbe ọfumwegbe gha vbe gu uwa gha rrọọ.

Arhie Maan 3:9

U ghi danmwehọ. U ma miẹn avbe otu nii, ni re ọghe Setan, avbe ọhọn ohoghe ni, ni tie egbe iran e Ju vberriọ iran i re ọre, I gha ru ẹe ne iran bu ruẹ gha dee ne iran do mu ẹko rhu otọ, ne iran vbe ya uhunmwu rhanmwẹ otọ nuẹn. Iran hia gha rẹn ighe I ho ẹmwẹ ruẹn.