Matiu 28:6 - Edo Bible (E Baibol Ẹdo) Version 1996

⁶ Ẹ i ghi rre emwa na, ọ rhiọkpaegbe nẹ zẹ vbene ọ khare. Wa larre, wa do ghe eke ne ọ te lovbiẹ yi.

Matiu 28:6 ပူးပေါင်းရင်းမြစ်များ

Matiu 12:40

Zẹ vbene Jona ya avan eha kevbe asọn eha vbe uwu ẹko ehẹn nọkhua, erriọ ọre Ovbi Ọmwa gha ya avan eha kevbe asọn eha vbe uwu otọ.

Matiu 16:21

Ke ẹghẹ ni kpao, ọre Jesu ke suẹn gha tua unu muẹn ma avbe erhuanegbe ẹre wẹẹ, “Ẹ i mwẹ I ma yo Jerusalẹm ne I ya rri oya emwi ni bun vbe obọ avbe eniwanrẹn, avbe igiohẹn kevbe avbe iran ni ma emwa Uhi. Iran gha gbe mwẹ uan, vbe ikpẹdẹ ne ogieha, a gha huẹn mwẹ kpaegbe.”

Matiu 17:23

Iran gha gbe ẹe rua, sokpan, vbe ikpẹdẹ ne ogieha, ọ gha rhiọrre.” Ẹmwẹ na keghi gbe iran ne erhuanegbe egbe.

Matiu 17:9

Iran ghi tuorre ke uhunmwu oke dee, Jesu tama iran wẹẹ, “Wa ghẹ ta umian ne uwa miẹn na ma ọmwa rhọkpa, a te do huẹn Ovbi Ọmwa kpao vbe orinmwi.”

Matiu 20:19

Iran ghi vbe rhie ẹre ne iran ni i re Ju, iran ni gha ya ẹe gbe ogiẹ, iran ghi gbe ẹre asan, iran ghi kan rẹn mu ugbugbe, vbe ikpẹdẹ ne ogieha, a gha huẹn ọnrẹn kpaegbe.”

Matiu 27:63

Iran tama rẹn wẹẹ, “Dọmọ o, ma yerre wẹ ẹghẹ ne ọhọn ohoghe nii na rre agbọn, ọ tae wẹẹ, ‘A gha huẹn mwẹ kpaegbe vbe iyeke ikpẹdẹ eha.’

Iyẹn ne ọ Maan Ọghe Mak 16:6

Rẹn tama iran wẹẹ, “Wa ghẹ gie ohan mu uwa, Jesu ne ovbi Nazarẹt ne a kan rẹn mu ugbugbe wa gualọ khian. Sokpan ẹ i ghi rre emwa na, ọ rhiọkpaegbe nẹ, ghe ehe ne iran te wa ẹre yi.

Iyẹn ne ọ Maan Ọghe Mak 8:31

Ẹghẹ ni, Jesu keghi suẹn gha tama avbe erhuanegbe ẹre wẹẹ, “Ovbi Ọmwa gha rrioya ẹsẹse, avbe ediọn kevbe igie ohẹn kevbe iran ni ma emwa Uhi gha hẹee ye otọ. A gha gbe ẹe rua sokpan vbe. ikpẹdẹ nogieha, ọ gha rhiọkpaegbe.”

Iyẹn ne ọ Maan Ọghe Luk 24:12

Sokpan Pita kpaegbe, ọ na rhulẹ gha rrie idin, ọ keghi vbẹrre, ọ ma bẹghe emwi ọvbehe gberra ukpọn ne a ya vbuẹ ọre mu ye idin. Rẹn keghi werriegbe gha rrie owa vbene emwi ne ọ sunu ma na giee rẹn otọ ẹre.

Iyẹn ne ọ Maan Ọghe Luk 24:23

Iran ma miẹn ikun ẹnrẹn. Iran keghi gha dee do tama ima ighẹ iran miẹn avbe odibosa ni tama iran wẹ ọ rre agbọn.

Iyẹn ne ọ Maan Ọghe Luk 24:44

Ẹkpo nii ọre ọ na khama iran wẹẹ, “Emwi ne I tama uwa vbe I gu uwa rrọọ ẹghẹ nii ọre ena khin: emwi ne a gbẹnnẹ ye otọ vbekpa mwẹ vbe Uhi e Mosis, kevbe avbe akhasẹ kevbe ebe Psalm, te a gha mu ẹn sẹ.”

Iyẹn ne ọ Maan Ọghe Jọn 10:17

“Evbavba ho ẹmwẹ mwẹ, rhunmwuda, mẹ mu egbe vbe ẹghẹ hia ne I ya rhie orhiọn mwẹ ye otọ, ne I miẹn ehe na vbe dọlegbe rhie ẹre werriegbe.

Iyẹn ne ọ Maan Ọghe Jọn 2:19

Jesu wanniẹn, “Wa dunmwu owa Osanobua na uan, I gha dọlọ ẹe bọọ vbe ikpẹdẹ eha.”

Iwinna 2:24

Osanobua keghi huẹn ọnrẹn kpaegbe vbe idin, ọ keghi faẹn ye otọ Vbe obọ uwu obalọ, rhunmwuda ọ ma gia ru wẹ ne uwu wu muẹn ye eghan ẹdẹdẹmwẹdẹ.