Matiu 28:5 - Edo Bible (E Baibol Ẹdo) Version 1996

⁵ Odibosa nii keghi gu avbe ikhuo ni guan, ọ wẹẹ, “Wa ghẹ gie ohan mu uwa, I rẹnrẹn ighẹ Jesu ne a kan ẹn mu ugbugbe ọre uwa gualọ khian.

Matiu 28:5 ပူးပေါင်းရင်းမြစ်များ

Aizaia 35:4

Tama emwa hia ne egbe wọre wẹẹ, “Wegbe, ghẹ vbe gie ohan mu ẹẹn! Osanobua dee do miẹn ruẹn fan ọ dee do rri avbe eghian ruẹn oya.”

Aizaia 41:10

Wa ghẹ fian afianma, I gu uwa rrọọ. Mẹ ọrọre Osanobua uwa, wa ghẹ gie emwikemwi mu uwa ohan. I gha ya uwa wegbe, I gha yi uwa obọ I gha degue uwa, I ghi miẹn uwa fan.

Aizaia 41:14

E Nọyaẹnmwa ke kha wẹẹ, “A gha rhe miẹn wẹ wa kanmwa, wa ma vbe wegbe Izrẹl, wa ghẹ mu ohan, I gha yi uwa obọ. Mẹ ne Osanobua nọhuanrẹn ọghe Izrẹl mẹ ọrọre ọmwa ne ọ miẹn uwa fan.

Daniẹl 10:12

Ẹre irẹn na tama mwẹ wẹẹ, “E Daniẹl, ghẹ gie ohan muẹn Osanobua họọn erhunmwu ruẹn nẹ ke ikpẹdẹ ne u tae ighe u gha mu egbe ruẹ rriotọ ne u miẹn ehe na gha mwẹ irẹnmwi. Erhunmwu ne u na ọ re ọ ya mwẹ gha die emwa.

Daniẹl 10:19

Rẹn keghi tama mwẹ wẹẹ, “Osanobua ho ẹmwẹ ruẹn rhunmwuda ọnii, ghẹ gie emwi rhọkpa fian an afianma ra ne ọ muẹn orhiọn rueghe.” Ọ ghi ta ẹmwẹ na nẹ, orhiọn keghi dọlegbe la mwẹ iwu, I keghi kha wẹẹ. “Enọwanrẹn, ta ẹmwẹ ne u mwẹ ne u gha tama mwẹ ma mwẹ. U rhie orhiọn yọmwẹ iwu nẹ.”

Matiu 14:27

Vbe ọwarọkpa ni, Jesu tama iran wẹẹ, “Wa ghẹ runran Mẹ nọ. Wa ghẹ gie ohan mu uwa!”

Matiu 28:10

Jesu keghi tama iran wẹẹ, “Wa ghẹ gie ohan mu uwa, wa ya khama avbe etẹn mwẹ ne iran gha rrie Galili, evba iran gha na miẹn mwẹ.”

Matiu 28:4

Iran ni khẹ odẹ keghi runran, iran kegha guọ zẹzẹzẹ, iran keghi ye vbe emwa ni wulo.

Iyẹn ne ọ Maan Ọghe Mak 16:6

Rẹn tama iran wẹẹ, “Wa ghẹ gie ohan mu uwa, Jesu ne ovbi Nazarẹt ne a kan rẹn mu ugbugbe wa gualọ khian. Sokpan ẹ i ghi rre emwa na, ọ rhiọkpaegbe nẹ, ghe ehe ne iran te wa ẹre yi.

Iyẹn ne ọ Maan Ọghe Luk 1:30

Odibosa nii na tama rẹn wẹẹ, “Ghẹ mu ohan Meri, Osanobua ruẹ ẹse nẹ.

Iyẹn ne ọ Maan Ọghe Luk 24:5

Ohan mu ikhuo ni ẹsẹse, iran keghi mu ẹko rhu otọ vbe odaro iran, ikpia ni keghi tama iran wẹẹ, “Vbọzẹ ne uwa na gualọ ọmwa ne ọ rre agbọn vbe uwu ẹbu avbe orinmwi?

Iwinna 2:24

Osanobua keghi huẹn ọnrẹn kpaegbe vbe idin, ọ keghi faẹn ye otọ Vbe obọ uwu obalọ, rhunmwuda ọ ma gia ru wẹ ne uwu wu muẹn ye eghan ẹdẹdẹmwẹdẹ.

Hibru 1:14

De emwi ne avbe odibo Osa khin yi khekherriọ? Avbe ẹrinmwi ni ga Osanobua, rẹn ghi vbe gha gie iran ne iran ya gha ye emwa ni gha miẹn imiẹnfan obọ.