Matiu 28:2 - Edo Bible (E Baibol Ẹdo) Version 1996

² Vbe udomwurri, otọ keghi wa mu rueghe, odibosa Nọyaẹnmwa keghi tuorre ke ẹrinmwi rre, ọ werriẹ okuta ni hin evba, ọ keghi tota yan rẹn.

Matiu 28:2 ပူးပေါင်းရင်းမြစ်များ

Matiu 27:60

Ọ na wa ẹre ye idin irẹn tobọre ne ọ da fian ye uwu okuta. Ọ keghi werriẹ okuta ẹrẹkhẹrẹ gue unu idin ni, ọ na gha rrie.

Matiu 27:66

Rhunmwuda ọnii, iran keghi kpao iran na ya ru ẹmwẹ idin ni gbua vbekpa ne iran na ya ama ye okuta ni, iran na vbe zẹ emwa yọ ne iran gha khẹ ọre.

Iyẹn ne ọ Maan Ọghe Jọn 20:1

Vbe owiẹ vbirrivbirri vbe Ẹdẹ Uzọla, vbe ẹdẹ ma he wan, Meri Magdalen kegha rrie idin, ọ ghi do ghe iran werriẹ okuta hin unu idin rre nẹ.

Iwinna 16:26

Vbe udomwurri, igbohiotọ nọkhua keghi sunu, ọ keghi mu ẹwẹdọ ni rueghe ya sẹ ẹyotọ. Ọwarọkpa nii, urho hia keghi kie ye otọ, eghan keghi kharha kua hin egbe avbe oleghan rre.

Iwinna 5:19

Sokpan vbe asọn nii, odibo e Nọyaẹnmwa keghi kie urho ẹwẹdọ nii, ọ viọ avbe ukọ ladian, ọ keghi tama iran wẹẹ,

I Timoti 3:16

Ọmwa ne ọ gha sẹtin muan rẹn ẹ i rrọọ ighẹ ẹmwẹ oro nọkhua ọghe iyayi mwa: Rẹn rhie egbe ma zẹ vbe ọmwa kẹkan, a miẹn ọẹn vbe ọghe Orhiọn wẹ ọmwata nọ, avbe odibo Osa vbe miẹn ọẹn. A kpe orhu ẹre vbe avbe uhunmwu ẹvbo, a ya ẹe yi vbe otọ agbọn hia, a keghi tọn ẹn mu gha rrie ẹrinmwi.

I Pita 1:12

Osanobua keghi rhie maa avbe akhasẹ na wẹ iwinna iran i re ọghe ẹmwẹ ọmaa ne egbe iran, sokpan ọ maa ne egbe uwa, vbe ẹghẹ ne iran na guan kan ẹmwẹ ẹmwata na ne uwa họn nẹ nian. Avbe odibo Iyẹn Ne ọ maa nii, ya ẹtin Orhiọn Ne Ọ Huanrẹn ne a gie ke ẹrinmwi rre gha guan, iran ta ẹmwẹ ẹmwata na ma uwa. Avbe ẹmwata na keghi re egbe ne avbe odibo Osa tobọ iran gha ho ne iran rẹn emwi ne a ya ẹe kha.

Arhie Maan 11:19

A keghi kie Ọgua Osa ye otọ vbe ẹrinmwi. A keghi bẹghe ẹkpẹti osẹe ne a viọ uhanhan ọghe uhi nii yi. Ayan kegha yan rhai rhai deba owogho, ke uvannọmwẹ avan nukhunmwu, kevbe igbohiotọ, kevbe esia ne ọ kakabọ de.