Matiu 27:66 - Edo Bible (E Baibol Ẹdo) Version 1996

⁶⁶ Rhunmwuda ọnii, iran keghi kpao iran na ya ru ẹmwẹ idin ni gbua vbekpa ne iran na ya ama ye okuta ni, iran na vbe zẹ emwa yọ ne iran gha khẹ ọre.

Matiu 27:66 ပူးပေါင်းရင်းမြစ်များ

Daniẹl 6:17

A keghi werriẹ okuta rhu unu uvun nii, ọba keghi yi ama asẹ ọghọe, kevbe ama asẹ ọghe avbe ekhaẹmwẹ ọnrẹn ye okuta nii zẹ vbene a gha na miẹn wẹ ọmwa ne ọ gha sẹtin ya fan e Daniẹl ẹ i rrọọ.

Matiu 27:60

Ọ na wa ẹre ye idin irẹn tobọre ne ọ da fian ye uwu okuta. Ọ keghi werriẹ okuta ẹrẹkhẹrẹ gue unu idin ni, ọ na gha rrie.

Matiu 27:65

Pailet tama iran wẹẹ, “Wa viọ emwa ni khẹ odẹ ne uwa ya gha khẹ idin ni vbene uwa sẹtin ruẹe sẹ.”

Matiu 28:11

Avbe ikhuo ni ghi kpao nẹ, avbe ivbiyokuo ni khẹ idin kegha rrie ore ẹvbo, iran keghi ya na iyẹn emwi ne ọ sunu hia ma avbe igie ohẹn.

Matiu 28:2

Vbe udomwurri, otọ keghi wa mu rueghe, odibosa Nọyaẹnmwa keghi tuorre ke ẹrinmwi rre, ọ werriẹ okuta ni hin evba, ọ keghi tota yan rẹn.

Iyẹn ne ọ Maan Ọghe Jọn 20:1

Vbe owiẹ vbirrivbirri vbe Ẹdẹ Uzọla, vbe ẹdẹ ma he wan, Meri Magdalen kegha rrie idin, ọ ghi do ghe iran werriẹ okuta hin unu idin rre nẹ.

II Timoti 2:19

Sokpan, a i sẹtin mu ẹyotọ ne gbain ne Osanobua gbe rueghe, a keghi gbẹnnẹ avbe ẹmwẹ na yan rẹn wẹẹ, “Nọyaẹnmwa rẹn iran ni re ọghọe” kevbe wẹẹ, “ọmwaikọmwa ne ọ ghi tie egbe ẹre ọghe Nọyaẹnmwa nẹ, te ọ kere ne ọ zobọ vbe emwi dan ne a ru.”

Jọsua 10:18

Rẹn keghi kha wẹẹ, “Wa werriẹ avbe okuta ni kọnkọn ye onurho ne a la la uvun nii. Wa viọ emwa yọ ne iran gha khẹ uvun okuta nii.

Arhie Maan 20:3

Nene odibosa keghi fi ẹe fi uwu uvun ne ẹ i mwẹ otọ nii, ọ keghi ya isanhẹn khui ẹre, ọ keghi khiọ ẹre gbua, ne ọ ghẹ ghi sẹtin mu agbọn rẹrẹ ọvbehe, ọ te ya sẹ ukpo arriaisẹn nii, vbe iyeke ọnii, a ghi vbe fan ẹn fua vbe ẹghẹ kherhe.