Matiu 27:60 - Edo Bible (E Baibol Ẹdo) Version 1996

⁶⁰ Ọ na wa ẹre ye idin irẹn tobọre ne ọ da fian ye uwu okuta. Ọ keghi werriẹ okuta ẹrẹkhẹrẹ gue unu idin ni, ọ na gha rrie.

Matiu 27:60 ပူးပေါင်းရင်းမြစ်များ

Gẹnẹsis 50:5

“Ẹghẹ ne erha mwẹ ra na wu, ọ na ya mwẹ vẹn ihẹn wẹ I gha ya re irẹn ye idin ne ọ tobọ re fian vbe otọ Kenan, Lahọ gunmwẹ ya re erhamwẹ ne I vbe dọlegbe gha dee.”

Aizaia 22:16

“Demwi ne u tie egbe ruẹ re yi? De asẹ ne u mwẹ yi ne u ya fian idin ne egbe uẹ vbe ọkpẹn oke okuta?

Aizaia 53:9

A keghi mu ẹẹn ye idin ba emwa dan, a ree ẹre ba iran ni fe, egbe ne a ya miẹn wẹ ọ ma ru emwi khọ ẹdẹ ra ne ọ ta ohoghe.”

Matiu 27:59

Josẹf keghi mu ẹn tuorre, ọ keghi ya ọgbọnmwọkpa ọgbọngbọn vbuẹ ọre.

Matiu 27:66

Rhunmwuda ọnii, iran keghi kpao iran na ya ru ẹmwẹ idin ni gbua vbekpa ne iran na ya ama ye okuta ni, iran na vbe zẹ emwa yọ ne iran gha khẹ ọre.

Matiu 28:2

Vbe udomwurri, otọ keghi wa mu rueghe, odibosa Nọyaẹnmwa keghi tuorre ke ẹrinmwi rre, ọ werriẹ okuta ni hin evba, ọ keghi tota yan rẹn.

Iyẹn ne ọ Maan Ọghe Luk 24:2

Iran ghi do ghe, a werriẹ okuta hin unu idin rre.

Iyẹn ne ọ Maan Ọghe Jọn 11:38

Ọ keghi dọlegbe da Jesu, ọ na gha rrie idin ni ne ọre okuta ne a guọlọe, a kevbe mu okuta gue unu ẹnrẹn.

Iyẹn ne ọ Maan Ọghe Jọn 11:41

Iran keghi mu okuta nii hin rre. Jesu keghi tọn aro mu ghe odukhunmwu, ọ wẹẹ, “Evbavba, I kpọnmwẹ ọn ye ne u na danmwehọ mwẹ.

Iyẹn ne ọ Maan Ọghe Jọn 19:41

Vbe uwu ogba ne iran na gbe Jesu nii, idin okuta ọkpa ne a ma he ka mu orinmwi yi keghi rrọọ.

Iyẹn ne ọ Maan Ọghe Jọn 20:1

Vbe owiẹ vbirrivbirri vbe Ẹdẹ Uzọla, vbe ẹdẹ ma he wan, Meri Magdalen kegha rrie idin, ọ ghi do ghe iran werriẹ okuta hin unu idin rre nẹ.