Matiu 27:52 - Edo Bible (E Baibol Ẹdo) Version 1996

⁵² Idin ni bun keghi we unuan, emwa Osanobua ni bun ni ka wulo yi keghi rhiọkpaegbe.

Matiu 27:52 ပူးပေါင်းရင်းမြစ်များ

II Ọba 13:21

Iran ghi re orinmwi ẹdẹ ọkpa, iran ghi ghe otu ọkpa vberriọ dee. Emwa nii keghi fi ikun orinmwi nii fi idin Elaisia, iran na lẹ. Egbe ọmwa nii ghi wa dekan ọghe Elaisia, ọmwa nii keghi rhiọrre, ọ na kpaegbe mudia.

Aizaia 25:8

E Nọyaẹnmwa ne Udazi gha fuẹn uwu ua ẹdẹdẹmwẹdẹ. Ọ gha khiẹn ameve hin aro emwa hia rre, ọ ghi mu efa ne ọ te rre egbe emwa rẹn vbe otọ agbọn hia hin iran egbe rre. E Nọyaẹnmwa tobọ ẹre ọ re ọ tae.

Aizaia 26:19

Iran ni wulo nẹ vbe emwa ima, gha dọlegbe gha rre agbọn! Ikun iran gha dọlegbe rhiọrre. Iran hia ni vbiẹ vbe uwu idin iran, gha kpaegbe so ihuan oghọghọ. Zẹ vbene evbu ni fi wainwain ye otọ agbọn rọkhọ, erriọ Nọyaẹnmwa gha huẹn iran ni wulo arria nẹ usin kpaegbe.

Daniẹl 12:2

Nibun vbe uwu iran ni wulo nẹ, gha dọlegbe gha rre agbọn, eso gha wa gha rrọọ ẹdẹdẹmwẹdẹ, eso ghi gha re ne a faraa ẹdẹdẹmwẹdẹ.

Hozia 13:14

Mẹ i ra miẹn emwa na fan hin ẹvbo emwa ni wulo nẹ rre, ra ne I wọlọ iran ke urodẹ uwu ladian! Wa viọ egboghogbogho uwa rre, uwu, wa viọ ọfuan uwa rre, ẹvbo emwa ni wulo nẹ. I i ghi tohan emwa na ọvbehe.

Iyẹn ne ọ Maan Ọghe Jọn 11:11

Jesu ghi ta ẹmwẹ na nẹ, ọ keghi rrie te ẹe wẹẹ, “Lazarọs ne ọse ima vbiẹ, sokpan I gha yo ya huẹn ọnrẹn.”

Iwinna 7:60

Rẹn keghi de fie iguẹ, ọ na datu wẹ, “Nọyaẹnmwa ghẹ ka orukhọ na ye iran owẹ.” Ọ ghi tae nẹ, ọ keghi wu.

I Kọrinti 11:30

Ọnii ọ re ọ si ẹe ne ni bun vbe uwu uwa na khuọnmwi, ni bun huẹhuẹ, eso kevbe wulo.

I Kọrinti 15:20

Sokpan ẹmwata ne ọ rrọọ ọrọre wẹ, a huẹn Kristi kpao vbe idin nẹ, ne aro miẹn ehe na da ẹe wẹ, avbe emwa ni wulo, a gha huẹn iran kpaegbe.

I Kọrinti 15:51

Wa danmwehọ oro ọkpa: ma hia i ra wulo fo, sokpan, vbe udomwurri, a gha fi ima werriẹ.

I Tẹsalonaika 4:14

Ma yayi wẹ Jesu wu, ọ keghi vbe dọlegbe rhiọkpaegbe, rhunmwuda ọnii, ma yayi wẹ emwa ni ya Jesu yi vbe iran te wulo, Osanobua gha vbe dọlegbe viọ iran lele Jesu gha dee.

I Tẹsalonaika 5:10

Ọmwa ne ọ wu ne ima, ne ima sẹtin deba irẹn gha rrọọ vbe ẹghẹ ne ọ gha na rre, te ima rre agbọn ra te a wulo.