Matiu 27:51 - Edo Bible (E Baibol Ẹdo) Version 1996

⁵¹ Ẹghẹ nii, ọre ukpọn ne a tan ya fian Ọgua Osa na wa sọ ye iheva ke odukhunmwu do sẹ otọ. Otọe keghi mu rueghe, okuta kegha valọ.

Matiu 27:51 ပူးပေါင်းရင်းမြစ်များ

II Krọnikol 3:14

A keghi ya eto ovbiohuẹ deba emwi ọvbehe e eso do ukpọn onurho ọghe Ehe Ne ọ Huan Sẹe Ehia nii, a keghi ya ẹmu ne raghoragho, ododo, kevbe ne ọ baa muẹn, vbe ne a na vbe gbẹnnẹ ama ọghe avbe aranmwẹ ifuẹn nii lele.

Psalm 18:15

A keghi gie emwa miẹn ototọ okun nọkhua, a keghi vbe rhie ẹyotọ agbọn maa vbe ẹghẹ ne u na gu avbe eghian ruẹn gui Nọyaẹnmwa. U na van yan iran vbe izohu ruẹ.

Psalm 18:7

Ẹghẹ nii, agbọn keghi mu rueghe, ọ guọe zẹzẹzẹ. Ẹyotọ avbe oke hia kpẹngiẹn ọ kegha mian. Rhunmwuda ighe ohu mu Osanobua.

Ẹksọdọs 40:21

Ọ keghi filo avbe ọkpọ nii la uwu ẹgba ne ọ rre ẹkpẹti nii, ọ na dele avbe ukpọn onurho nii degue ẹre yọ. Erriọ ọre ọ ya gie ẹe degue ẹre ighẹ ẹkpẹti nii ne avbe uhanhan uhi igbe ye, zẹ vbene Nọyaẹnmwa tama rẹn.

Aizaia 25:7

Vbe emwamwa, ọ gha wa mu okuku amẹ ọghe akhiẹ ne ọ te degue agbọn ẹvbo hia hin rre vbe udomwurri.

Levitikọs 16:2

Ọ keghi kha wẹẹ, “Tama Errọn ne ọtuẹn wẹ ẹghẹ ne ọ khẹ ke ọ re ọ gha ya gha fian ukpọn onurho gberra la uwu Ehe Nọhuansẹ hia, rhunmwuda evba nii ọre I na la uwu okuku rhiegbe ma vbe odukhunmwu ugue Ẹkpẹti Ile. Deghẹ ọ ma họn, a gha gbe ẹe rua.

Levitikọs 21:23

Sokpan a ghẹ gie ẹe sikẹ ukpọn onurho nọhuanrẹn ni rre ne ọ sikẹ aka, rhunmwuda mẹ ọ re Nọyaẹnmwa, mẹ ọ re ọ vbe ya iran khian nihuanrẹn.”

Habakọk 3:10

Ugbẹn vbe avbe oke nekhua bẹghe ruẹ, iran kegha guọ zẹzẹzẹ, amẹ keghi ke iso hihiẹ rre. Amẹ ne ọ rre ototọ otọ vannọ ọẹn, ubi mwẹ amẹ ọnrẹn keghi hue ẹsẹse.

Habakọk 3:13

U ladian ya miẹn emwa ruẹn fan, u ya miẹn ọba ruẹ ne u hannọzẹ fan u kinmwiin ọkaolotu emwa dan fi otọ u keghi fuẹn irogho ẹre hia fẹẹrẹ.

Nọmbas 4:5

E Nọyaẹnmwa keghi ru igiodẹ na ma e Mosis wẹẹ, “Ọ gha sẹ ẹghẹ ne a ya si kpao vbe agọ rre, Errọn kevbe ivbi ẹre ghi la uwu Owa Ukpọn, iran ghi kie ukpọn onurho ne ọ rre odaro Ẹkpẹti Ile, iran ghi ya ẹe gue ẹkpẹti nii.

Matiu 27:54

Ugbẹn vbe ọkaokuo kevbe ivbiyokuo ẹre ni mudia gha ghe Jesu ghi miẹn igbohiotọ kevbe emwi hia ni sunu, ohan keghi mu iran, iran wẹẹ, “Vbe ẹmwata, Ovbi Osanobua te gele nọ.”

Matiu 28:2

Vbe udomwurri, otọ keghi wa mu rueghe, odibosa Nọyaẹnmwa keghi tuorre ke ẹrinmwi rre, ọ werriẹ okuta ni hin evba, ọ keghi tota yan rẹn.

Iyẹn ne ọ Maan Ọghe Mak 15:38

Ukpọn ne a tan ẹn ya fian ọgua Osa keghi va eva ke ukhunmwu do sẹ otọ.

Iyẹn ne ọ Maan Ọghe Luk 23:45

Ukpọn ne a ya fian Ọgua Osa ye ihe eva keghi wa va eva.

Iyẹn ne ọ Maan Ọghe Luk 23:47

Ọkaokuo ghi miẹn emwi ne ọ sunu, ọ rho Osanobua vbe uyi wẹẹ, “Vbe ẹmwata ọmwa esiesi te nọ.”

Hibru 6:19

Ma keghi mwẹ idaehọ na, zẹ vbe okpo ne ọ da owa yi ọghe ekhọe mwa, ẹbe i rrọọ, te ọ vbe deziẹn gbain, ọ kevbe la ukpọn ne a ya fian ọgua Osa gberra gha, rrie ehe ne Ogiukpo nọkhua ye.

Hibru 9:3

Vbe iyeke ukpọn ne a ya fian ẹn ne ogieva, ọre Ọgua nọkpa ye ne a tie ẹre Ehe Ne ọ Huan Sẹẹ Ehia.

Arhie Maan 11:13

Vbe ẹghẹ ọkpa nii zẹẹ, igbohiotọ ọhanabe ọkpa keghi sunu, obọ ọkpa vbe a wa ẹvbo nii ye ihe igbe keghi wa rẹnkhẹn uan, emwa ni wu ye nene igbohiotọ na, kegha re arriaisẹn ihinrọn (7,000.) Ohan keghi kakabọ mu emwa ni dekẹe, iran keghi tian ukpọlọmwẹ Osanobua ọghe ẹrinmwi.

Arhie Maan 11:19

A keghi kie Ọgua Osa ye otọ vbe ẹrinmwi. A keghi bẹghe ẹkpẹti osẹe ne a viọ uhanhan ọghe uhi nii yi. Ayan kegha yan rhai rhai deba owogho, ke uvannọmwẹ avan nukhunmwu, kevbe igbohiotọ, kevbe esia ne ọ kakabọ de.