Matiu 27:42 - Edo Bible (E Baibol Ẹdo) Version 1996

⁴² “Ọ miẹn emwa ọvbehe fan, ọ ma sẹtin miẹn egbe ẹre fan. Ẹ i irẹn ọrọre Ọba Izrẹl ra? Ọ gha tuorre vbe ugbugbe banbanna, ma gha wa ya ẹe yi.

Matiu 27:42 ပူးပေါင်းရင်းမြစ်များ

Matiu 2:2

Iran do nọọn wẹẹ, “Ọmọ ne a biẹ ẹe ne ọ do rriọba avbe Ju vbo? Ma miẹn orhọnmwẹ ọnrẹn vbe ọlarre owẹn, ọre ima na gha de do ye uhunmwu rhanmwẹ otọ nẹẹn.”

Matiu 27:37

Iran keghi gbẹnnẹ ẹzọ ne a guẹe gui mu ye odukhunmwu ẹnrẹn. “Ọna ọrọre Jesu, Ọba avbe Ju.”

Matiu 27:40

“Ẹ i re uwẹ ọre ọ wẹ, u gha guọghọ Ọgua Osa sẹ otọ, ne u vbe dọlọ ẹe bọ vbe ikpẹdẹ eha! A deghẹ Ovbi Osanobua u gele khin, fan egbe ruẹ fua nian. Tuorre vbe ugbugbe.”

Matiu 27:41

Erriọ zẹẹ iran ne avbe igie ohẹn, iran ni ma emwa Uhi kevbe avbe ediọn vbe ya ẹe gbe ogie wẹẹ,

Iyẹn ne ọ Maan Ọghe Mak 15:31

Erriọ zẹẹ ọre avbe igie ohẹn kevbe iran ni ma emwa Uhi vbe ya ẹe gbe ogie wẹẹ, “Ọ miẹn emwa ọvbehe fan, sokpan ọ ma sẹtin miẹn egbe ẹre fan.

Iyẹn ne ọ Maan Ọghe Mak 15:32

Deghẹ Mẹzaia ne ọba Izrẹl sẹtin tuorre vbe ugbugbe banbanna, ma gha ya ẹe yi.” Iran eva ne a vbe kan mu ugbugbe ba Jesu keghi vbe gha ya ukpẹ sakan ẹn.

Iyẹn ne ọ Maan Ọghe Luk 19:38

“Te Osanobua gha fiangbe ọba ne ọ dee vbe eni Nọyaẹnmwa! Ọfumwegbe vbe ẹrinmwi kevbe uyi ne Osanobua.”

Iyẹn ne ọ Maan Ọghe Luk 23:35

Emwa mudia gha ghe ẹre vbe avbe eniwanrẹn e Ju yae gbe ogie wẹẹ, “Ọ sẹtin miẹn emwa ọvbehe fan, giee miẹn egbe ẹre fan nian deghẹ rẹn ọre ọ gele re Mẹzaia ne Osanobua zẹ!”

Iyẹn ne ọ Maan Ọghe Luk 23:37

Iran keghi khama rẹn wẹẹ, “Deghẹ wẹ ọrọre ọba avbe Ju miẹn egbe ruẹ fan!”

Iyẹn ne ọ Maan Ọghe Jọn 1:49

Nataniẹl wanniẹn wẹẹ, “Ọmaemwaemwi, Ovbi Osanobua ọre u khin, wẹ ọrọre Ọba Izrẹl.”

Iyẹn ne ọ Maan Ọghe Jọn 12:13

Rhunmwuda ọnii, iran keghi viọ ewanmwẹ mwẹ obọ ya khian vba ẹre, iran kegha wee bọọ wẹẹ, “Wa rhie urhomwẹ ne Osanobua. Afiangbe Osanobua nọ ne ọmwa ne ọ dee vbe eni Nọyaẹnmwa. Afiangbe Osanobua nọ ne Ọba Izrẹl.”

Iyẹn ne ọ Maan Ọghe Jọn 12:47

Ọmwa ne ọ họn ẹmwẹ mwẹ ighẹ ọma vbe ya ẹe ru emwi, mẹ i ra bu ohiẹn ọnrẹn. Mẹ ma rre do bu ohiẹn agbọn, sokpan te I do miẹn rẹn fan.

Iyẹn ne ọ Maan Ọghe Jọn 9:24

Iran keghi dọlegbe tie ọmwa na biẹ ọre arhuaro ni ukpogieva, iran tama rẹn wẹẹ, “Yan vbe odaro Osanobua ighe ẹmwata ọre u khian ta. Ma rẹnrẹn ighe ọmwa orukhọ ọre oko na khin.”

Iwinna 4:14

Iran ma miẹn ẹmwẹ ọkpa ta, rhunmwuda ọmwa ne a mu ẹre egbe rran nii, mudia ke Pita kevbe Jọn vbe evba.