Matiu 27:41 - Edo Bible (E Baibol Ẹdo) Version 1996

⁴¹ Erriọ zẹẹ iran ne avbe igie ohẹn, iran ni ma emwa Uhi kevbe avbe ediọn vbe ya ẹe gbe ogie wẹẹ,

Matiu 27:41 ပူးပေါင်းရင်းမြစ်များ

Job 13:9

Osanobua gha gbearokotọ ghe uwa, ọ gha miẹn emwi ne ọma ọkpa vbọ ra? Te uwa ro ighẹ wa gha sẹtin do Osanobua ọzuọ vbene uwa do emwa nagbọn ọzuọ na ra?

Psalm 35:26

Iran ni gbe igiogio ye usẹ ne ẹse mwẹ, te obọ gha vba iran, ne iro han iran. Iran ni wẹ iran maa sẹ mwẹ, emwiekhue kevbe efaa, ọ re ọ gha gba iran egbe.

Aizaia 28:22

Ghẹ giẹ ye obọ ne I ya sa ekhae ne uwa, wa gha danmwẹ ọẹn ru vberriọ, ọ gha baa gbe wa ke miẹn uhunmwu. I họn ẹn vbe Nọyaẹnmwa ne Oghodua tae wẹ te irẹn ra fuẹn otọe ẹvbo nii hia a.

Aizaia 49:7

Osanobua nọhuanrẹn kevbe ọmiọnmwafan Izrẹl khama rẹn ighe ọmwa nii ne a kakabọ zan an ne avbe uhunmwu ẹvbo hia khuiwu ẹre, ne ọ vbe re ọguọmwadia iran ni khaemwisẹ wẹẹ, “Avbe ọba gha miẹn vbe a gha fan an yotọ, iran ghi kpa uhe ya yọghọ ne uẹn, avbe ivbi ọba debare gha vbe miẹn ọẹn, iran ghi ghughẹrre ẹsẹse ya yọghọ ne uẹn.” Ọ na gha sunu rhunmwuda, e Nọyaẹnmwa zẹẹ ọguọmwadia ẹre nẹ Osanobua nọhuanrẹn ọghe Izrẹl vbe mu eyan rẹn sẹ.

Zẹkaraia 11:8

Egbe avbe ọsuohuan eha ọvbehe ni khuiwu mwẹ keghi wọ mwẹ rhunmwuda ọnii, I na ru iran eheha emwi vbe uki ọkpa kẹkan.

Matiu 27:40

“Ẹ i re uwẹ ọre ọ wẹ, u gha guọghọ Ọgua Osa sẹ otọ, ne u vbe dọlọ ẹe bọ vbe ikpẹdẹ eha! A deghẹ Ovbi Osanobua u gele khin, fan egbe ruẹ fua nian. Tuorre vbe ugbugbe.”

Matiu 27:42

“Ọ miẹn emwa ọvbehe fan, ọ ma sẹtin miẹn egbe ẹre fan. Ẹ i irẹn ọrọre Ọba Izrẹl ra? Ọ gha tuorre vbe ugbugbe banbanna, ma gha wa ya ẹe yi.

Iyẹn ne ọ Maan Ọghe Luk 18:32

A gha si ẹe gie avbe iran ne ẹ i re Ju, iran gha yae ghe ogiẹ, iran gha ya ukpẹ sakan ẹn, iran gha tu asẹn ku ọre.

Iyẹn ne ọ Maan Ọghe Luk 22:52

Jesu keghi tama avbe igie ohẹn kevbe avbe ni gbe aro ghe Ọgua Osa kevbe avbe ediọn ni rre do mu ẹn wẹẹ, “Vbọzẹ ne uwa na hẹ umozo kevbe orhokhua gha de yi vbe ne a miẹn wẹ izigan ọre I khin?

Iyẹn ne ọ Maan Ọghe Luk 23:35

Emwa mudia gha ghe ẹre vbe avbe eniwanrẹn e Ju yae gbe ogie wẹẹ, “Ọ sẹtin miẹn emwa ọvbehe fan, giee miẹn egbe ẹre fan nian deghẹ rẹn ọre ọ gele re Mẹzaia ne Osanobua zẹ!”