Matiu 27:40 - Edo Bible (E Baibol Ẹdo) Version 1996

⁴⁰ “Ẹ i re uwẹ ọre ọ wẹ, u gha guọghọ Ọgua Osa sẹ otọ, ne u vbe dọlọ ẹe bọ vbe ikpẹdẹ eha! A deghẹ Ovbi Osanobua u gele khin, fan egbe ruẹ fua nian. Tuorre vbe ugbugbe.”

Matiu 27:40 ပူးပေါင်းရင်းမြစ်များ

Matiu 16:4

Jesu keghi kha wẹẹ, “Erriọ a vbe miẹn emwa dan kevbe ne ẹnina Osanobua izẹdẹ rre ọre ekhọe vbe ne orre na ye ra? Ẹ i re iwinna ọyunnuan wa gualọ vbe obọ mwẹ? Wa i ra miẹn ọvbehe nian gberra ọ ghe Jona ne akhasẹ.” Ọ keghi kpao sẹ iran rae, ọ na gha rrie.

Matiu 26:61

“Okpia na khare wẹẹ, ‘Mẹ gha sẹtin guọghọ Ọgua Osa Osanobua sẹ otọ, vbe iyeke ikpẹdẹ eha, I ghi vbe bọ ẹe.’ ”

Matiu 27:41

Erriọ zẹẹ iran ne avbe igie ohẹn, iran ni ma emwa Uhi kevbe avbe ediọn vbe ya ẹe gbe ogie wẹẹ,

Matiu 27:42

“Ọ miẹn emwa ọvbehe fan, ọ ma sẹtin miẹn egbe ẹre fan. Ẹ i irẹn ọrọre Ọba Izrẹl ra? Ọ gha tuorre vbe ugbugbe banbanna, ma gha wa ya ẹe yi.

Matiu 27:54

Ugbẹn vbe ọkaokuo kevbe ivbiyokuo ẹre ni mudia gha ghe Jesu ghi miẹn igbohiotọ kevbe emwi hia ni sunu, ohan keghi mu iran, iran wẹẹ, “Vbe ẹmwata, Ovbi Osanobua te gele nọ.”

Matiu 4:3

Esu keghi bu ẹre rre, ọ wẹẹ, “Deghẹ Ovbi Osanobua wẹ gele khin tama avbe okuta na ne iran khian eka.”

Matiu 4:6

Ọ tama rẹn wẹẹ, “Deghẹ Ovbi Osanobua wẹ gele khin, ke odọ ni san fi otọ rhunmwuda a gbẹn ọẹn nẹ wẹẹ, ‘Osanobua gha yi iyi ne avbe odibo ẹre rhunmwuda ruẹ iran gha da obọ rra ruẹ, ne okuta ghẹ ya fian an owẹ.’ ”

Iyẹn ne ọ Maan Ọghe Luk 16:31

Sokpan Ebraham wanniẹn wẹẹ, ‘Deghẹ iran ma rhie ẹmwẹ ne Mosis kevbe avbe akhasẹ ta, ọmwa gha rhe rhiọrre vbe orinmwi ya gu iran guan, iran i vbe rhie.’ ”

Arhie Maan 11:10

Ẹko gha rhiẹnrhiẹn emwa ne agbọn ye uwu ne iran eva na wulo. Iran ghi do ugie ẹre, iran ghi gha ya emwi ha oko gie egbe, rhunmwuda, akhasẹ eva na, oya ne iran si ye emwa ne agbọn egbe keghi bu ẹsẹse.