Matiu 27:31 - Edo Bible (E Baibol Ẹdo) Version 1996

³¹ Ugbẹn vbe iran ghi ya ẹe gbe ogie fo nẹ, iran bannọ ẹre ẹwu ododo nii, iran viọ ukpọn rẹn yo ẹe, iran keghi rhie ẹre ladian ne iran ya kan rẹn mu ugbugbe.

Matiu 27:31 ပူးပေါင်းရင်းမြစ်များ

I Ọba 21:10

Wa gualọ igbẹki eva ne iran do ba ẹre ifi ẹzọ wẹ iran họn vbe ọ kpa unu ghe Osa kevbe ọba. Iyeke ọnii, wa rhie ẹre ladian vbe ore ẹvbo ne u wa ya filo okuta gbe ẹe rua.”

I Ọba 21:13

Igbẹki eva nii keghi wa sirra emwa hia ba ẹre ifi ẹzọ wẹ iran họn vbe ọ kpa unu ghe Osanobua kevbe ọba. Rhunmwuda ọnii, iran keghi silo ẹe ladian hin ore ẹvbo rre, iran na filo okuta gbe ẹe rua.

Aizaia 53:7

“A ru ẹre emwi oya, ọ keghi mu egbe rriotọ ziin ẹnrẹn, ọ ma ta ukpẹmwẹ ọkpa, ọ yevbe ovbi ohuan ne a ra gbe ọ yevbe ohuan ne a ra gbẹn ọre eto, ọ ma vbe tu asẹn yotọ.

Nọmbas 15:35

Ẹre Nọyaẹnmwa na tama Mosis wẹẹ, “Te a ra gbe ọmwa ni uan; emwa nii hia ọre ọ ra filo okuta gbe ẹe rua vbe a lahin agọ rre nẹ.”

Matiu 20:19

Iran ghi vbe rhie ẹre ne iran ni i re Ju, iran ni gha ya ẹe gbe ogiẹ, iran ghi gbe ẹre asan, iran ghi kan rẹn mu ugbugbe, vbe ikpẹdẹ ne ogieha, a gha huẹn ọnrẹn kpaegbe.”

Matiu 21:39

Rhunmwuda ọnii, iran keghi mu uẹn, iran sanmwẹ ọẹn ladian vbe ugbo ni, iran keghi gbe ẹe rua.”

Matiu 26:2

“Wa rẹnrẹn ighe irakhuẹ ọrọre ẹdẹ Emwiukpo Alagberra, a gha rhie Ovbi Ọmwa ladian ne akan rẹn mu ugbugbe.”

Iyẹn ne ọ Maan Ọghe Mak 15:20

Iran ghi ya ẹe gbe ogie fo nẹ, iran keghi kie ẹre ẹwu ododo, iran na dọlegbe viọ ukpọn irẹn yọe. Iran keghi su ẹe ladian ne iran ya kan rẹn mu ugbugbe.

Iyẹn ne ọ Maan Ọghe Jọn 19:16

Pailet keghi rhie Jesu ne iran, ne iran ya kan rẹn mu ugbugbe. Iran keghi rhie Jesu kpao.

Iyẹn ne ọ Maan Ọghe Jọn 19:27

Ọ keghi vbe tama ọrhuanegbe nii wẹẹ, “Ghe iye uẹ” ke ẹghẹ ni kpao, ọrhuanegbe nii keghi rhie ẹre gha rrie owa ne ọ ya tota ke irẹn.

Iwinna 7:58

Iran keghi sanmwẹ ọẹn hin adesẹ ore ẹvbo rre, iran na filo okuta gbe ẹe rua. Iran ne osẹe keghi viọ agbada ẹwu iran ne igbama ọkpa viọ mwẹ, a keghi tie eni igbama nii Sọl.

Hibru 13:12

Ọna ọ si ẹẹ ne Jesu na vbe wu ye vbe a lahin onurho ẹvbo rre nẹ, ne ọ miẹn ehe na ye esagiẹn ọnrẹn, khuẹ orukhọ emwa kua.