Matiu 27:26 - Edo Bible (E Baibol Ẹdo) Version 1996

²⁶ Pailet keghi fan Barabbas fua ne iran, ọ ghi gbe Jesu asan nẹ, ọ keghi rhie ẹre ne iran, ne iran ya kan rẹn mu ugbugbe.

Matiu 27:26 ပူးပေါင်းရင်းမြစ်များ

Aizaia 50:6

I bannọ iyeke mwẹ yotọ ne iran ni gbe mwẹ, iran rhovbiẹ mwẹ, I ma gbe eta ye iran unu ẹghẹ nii iran na gha vbọlọ mwẹ eto ne uhunmwu iran na tulo asẹn yọmwẹ aro.

Aizaia 53:5

Sokpan rhunmwuda orukhọ mwa ọ re a na fian ẹre ẹwẹn, a keghi gbe ẹe rhunmwuda emwi dan ne ima ru. Oya ne irẹn ree ọ re ọ mu ima egbe rran emwi ne a fi irẹn re ọ re ọ sinmwi mwa.

Matiu 20:19

Iran ghi vbe rhie ẹre ne iran ni i re Ju, iran ni gha ya ẹe gbe ogiẹ, iran ghi gbe ẹre asan, iran ghi kan rẹn mu ugbugbe, vbe ikpẹdẹ ne ogieha, a gha huẹn ọnrẹn kpaegbe.”

Iyẹn ne ọ Maan Ọghe Mak 10:34

Iran nii ghi vbe ya ẹe gbe ogiẹ, iran ghi tu asẹn yan rẹn, iran ghi gbe ẹre asan, iran ghi gbe ẹe rua. Vbe iyeke ikpẹdẹ eha, ọ gha rhiọrre vbe orinmwi.”

Iyẹn ne ọ Maan Ọghe Mak 15:15

Pailet keghi ho ne ọ ru emwi ne ogha yẹ iran, ọ na rhunmwuda ọnii fan Barabbas fua ne iran. Ọ ghi wẹ ne iran gbe Jesu asan nẹ, ọ keghi rhie ẹre ne iran ne iran ya kan rẹn mu ugbugbe.

Iyẹn ne ọ Maan Ọghe Luk 23:16

Rhunmwuda ọnii, I ra gbe ẹre asan ne I zẹ ọre obọ.” [

Iyẹn ne ọ Maan Ọghe Jọn 19:1

Ẹghẹ nii ọre Pailet ghi na wẹ ne iran ya gbe Jesu asan.

Iyẹn ne ọ Maan Ọghe Jọn 19:16

Pailet keghi rhie Jesu ne iran, ne iran ya kan rẹn mu ugbugbe. Iran keghi rhie Jesu kpao.

I Pita 2:24

Kristi tobọ ẹre, ọre ọ ye egbe miẹn orukhọ mwa, ọ keghi ye egbe ẹre muẹn gha rrie ugbugbe, ne ima miẹn ehe na wulo hin orukhọ rre, ne a miẹn ehe na gha yin uyinmwẹ ẹmwata. Ẹwẹn ọghọe, ọre a ya mu uwa egbe rran.