Matiu 27:24 - Edo Bible (E Baibol Ẹdo) Version 1996

²⁴ Pailet ghi miẹn wẹẹ rẹn gha wẹ ne irẹn gha gui ẹzọ nii khian ẹ i mwẹ esa, kevbe wẹ otutu gha tu, ọ keghi sa amẹ ya kpe obọ sirra iran hia, ọ wẹẹ, “I i mwẹ obọ vbe ẹmwẹ uwu okpia na. A lẹ ọre ginna uwa obọ.”

Matiu 27:24 ပူးပေါင်းရင်းမြစ်များ

Psalm 26:6

Nọyaẹnmwa, mẹ kpe obọ mwẹ nẹ, ya rhie ma ighe I ma rukhọ. Mẹ ghi vbe gbe ukpukpẹ lẹga Ogiukpo ruẹ zẹ vbe emwi ugamwẹ.

Jerimaia 2:27

Erriọ ọ re a ra ya oya ne uwa ni kha wẹ erhan ọrọre erha uwa, okuta ọrọre iye uwa. Erriọ ọre ọna ra sunu rhunmwuda, wa fi iyeke gbe mwẹ vbe ọ te kei ne uwa bu mwẹ gha dee. Sokpan, wa gha rre uwu ibaro, wa ghi wẹ ne I do miẹn uwa fan.

Jerimaia 2:35

Te uwa ye kha wẹẹ, ‘I ma rẹn okpa I ma rẹn eva, e Nọyaẹnmwa i ghi mu ohu mwẹ ọvbehe.’ Sokpan, mẹ ne Nọyaẹnmwa gha rri uwa oya, rhunmwuda ne uwa na siẹn ne uwa na tae na ighe wa ma rukhọ.

Matiu 26:5

Iran wẹẹ, “Ọ ma kei ne a ruẹe vbe uwu emwiukpo na ne otutu ghẹ ya tu.”

Matiu 27:19

Pailet ghi tota ye ugha ne ọ na bu ohiẹn, amwẹ ọnrẹn gie uhunmwu giẹ wẹẹ, “Ghẹ mwẹ obọ vbe egbe ọmwa ne ọ ma rukhọ nii, rhunmwuda, I rrioya emwi ni bun vbe imina vbe ekpa ẹre ne asọn.”

Matiu 27:23

Sokpan Pailet nọ iran wẹẹ, “De emwi dan ne ọ ru?” Iran keghi wa suẹn gha go gboo tie, “Kan rẹn mu ugbugbe!”

Matiu 27:4

“I ru orukhọ ne I na rhie ọmwa ne ọ ma rukhọ maa ne a gbe ẹe rua.” Iran wanniẹn tama rẹn wẹẹ, “Ọ ni ma kan ima. Iwinna ne egbe uẹ nọ.”

Matiu 27:54

Ugbẹn vbe ọkaokuo kevbe ivbiyokuo ẹre ni mudia gha ghe Jesu ghi miẹn igbohiotọ kevbe emwi hia ni sunu, ohan keghi mu iran, iran wẹẹ, “Vbe ẹmwata, Ovbi Osanobua te gele nọ.”

Matiu 27:9

Ẹghẹ nii ọre ẹmwẹ ne akhasẹ Jerimaia tae na do sẹ wẹẹ, “Iran keghi viọ igho ẹrọnmwọ ọgban nii igho ne ivbi Izrẹl kue yi ne iran hae yọ.

Iyẹn ne ọ Maan Ọghe Jọn 13:9

Saimọn Pita wanniẹn wẹẹ, “Nọyaẹnmwa, a deghẹ erriọ nọ, ẹ i re owẹ mwẹ ọkpa u gha kpe, wa vbe kpe mwẹ obọ kevbe uhunmwu ba re.”

Iyẹn ne ọ Maan Ọghe Jọn 19:4

Pailet dọlegbe bu emwa ni gbe ẹbu ye ore, ọ tama iran wẹẹ, “Wa danmwehọ, I ra do rhie ẹre gie uwa, ne uwa miẹn ehe na rẹn wẹẹ, ‘I ma miẹn emwi ọkpa ne I gha ya bu abe gbe ẹe.’ ”

Iwinna 3:14

Ọmwa ne ọ huanrẹn kevbe ne ọ maa rẹn khin, wa keghi hẹẹ ye otọ, wa na rinmwian Pailet ne ọ fan izigan fua ne uwa ye ihe ẹre.

II Kọrinti 5:21

Kristi ma gha mwẹ orukhọ, sokpan Osanobua keghi ghae nẹ vbe orukhọ ima, ne a miẹn ehe na miẹn wẹ, ma gha ye egbe ba irẹn nẹ, ma ghi vbe ghae vbe ọmwa ẹmwata ne Osanobua khin.

I Pita 3:18

Rhunmwuda, Kristi tobọ ẹre wu ne uwa, ọ wu ye orukhọ, uhukpa ne emwa hia, ọmwa esi wu ne emwa dan, ne ọ miẹn ehe na viọ uwa gie Osanobua. A gbe ẹe ua vbe ekpa ọghe egbe, a keghi huẹn ọnrẹn kpaegbe vbe ekpa ọghe orhiọn.