Matiu 27:22 - Edo Bible (E Baibol Ẹdo) Version 1996

²² Pailet nọ iran wẹẹ, “Vbe uwa ghi wẹ ne I ru Jesu ne a tie ẹre Kristi hẹẹ?” Iran hia keghi wanniẹn wẹẹ, “Kan rẹn mu ugbugbe.”

Matiu 27:22 ပူးပေါင်းရင်းမြစ်များ

Job 31:31

Emwa hia ni winna mẹ rẹnrẹn, wẹ te I wa rhan obọ miẹn erhunmwuyẹn.

Aizaia 49:7

Osanobua nọhuanrẹn kevbe ọmiọnmwafan Izrẹl khama rẹn ighe ọmwa nii ne a kakabọ zan an ne avbe uhunmwu ẹvbo hia khuiwu ẹre, ne ọ vbe re ọguọmwadia iran ni khaemwisẹ wẹẹ, “Avbe ọba gha miẹn vbe a gha fan an yotọ, iran ghi kpa uhe ya yọghọ ne uẹn, avbe ivbi ọba debare gha vbe miẹn ọẹn, iran ghi ghughẹrre ẹsẹse ya yọghọ ne uẹn.” Ọ na gha sunu rhunmwuda, e Nọyaẹnmwa zẹẹ ọguọmwadia ẹre nẹ Osanobua nọhuanrẹn ọghe Izrẹl vbe mu eyan rẹn sẹ.

Zẹkaraia 11:8

Egbe avbe ọsuohuan eha ọvbehe ni khuiwu mwẹ keghi wọ mwẹ rhunmwuda ọnii, I na ru iran eheha emwi vbe uki ọkpa kẹkan.

Matiu 1:16

Jekọb na ọre ọ biẹ Josẹf ne ọre ọdafẹn e Meri ne ọ biẹ Jesu ne Mẹzaia.

Matiu 27:17

Rhunmwuda ọnii, ugbẹn vbe emwa hia ghi si koko, Pailet nọ iran wẹẹ, “De ọmwa ne uwa ho ne imẹ fan fua ne uwa, Jesu Barabbas ra Jesu ne a tie ẹre Kristi?”

Matiu 27:21

Sokpan Nọkhaemwisẹ nọ iran wẹẹ, “De ne uwa ho ne I fan fua ne uwa vbe iran eva na?” Iran keghi wanniẹn wẹẹ, “Barabbas.”

Matiu 27:23

Sokpan Pailet nọ iran wẹẹ, “De emwi dan ne ọ ru?” Iran keghi wa suẹn gha go gboo tie, “Kan rẹn mu ugbugbe!”

Iyẹn ne ọ Maan Ọghe Mak 14:55

Avbe igie ohẹn kevbe ẹvbo nii, kegha gualọ osẹe ne iran gha sẹ gbe Jesu ne iran miẹn ehe na gbe ẹe rua, sokpan iran ma miẹn.

Iyẹn ne ọ Maan Ọghe Jọn 4:25

Okhuo ni tama rẹn wẹẹ, “Mẹ rẹnrẹn ighe Mẹzaia ne a tie ẹre Kristi dee. Ọ gha ghi rre, ọ gha rhan otọ emwi hia ma ima.”

Iwinna 13:28

A gha rhe miẹn wẹ iran ma miẹn emwi ne iran gha gu bu abe uwu gbe ẹe, iran keghi khama Pailet ne ọ gbe ẹe rua.

Iwinna 13:38

Wa hia fẹrẹ, wa ne etẹn mwẹ, Ọ kere ne uwa rẹn nian vbe ne aro na da ẹe wẹ, Jesu ọre a la obọ ẹre rhie iyẹn a ya orukhọ bọ, bu uwa gha dee. Wa ghi vbe rẹn wẹ ọmwaikọmwa ne ọ yae yi, a fan ẹn fua nẹ hin obọ orukhọ hia rre, ehe ne Uhi e Mosis ma na sẹtin fannọ uwa kua.