Matiu 27:2 - Edo Bible (E Baibol Ẹdo) Version 1996

² Iran keghi ya ọgiọrọ de ẹre, iran keghi si ẹe gie Pailet.

Matiu 27:2 ပူးပေါင်းရင်းမြစ်များ

Gẹnẹsis 22:9

Ugbẹn vbe iran ghi sẹ ehe ne Osanobua tama rẹn, Ebraham keghi gba aka, ọ na mwamwa erhan yọ, ọ keghi gba ovbi ẹre, ọ na muẹn yan aka nii vbe uhunmwu avbe erhan nii.

Matiu 20:19

Iran ghi vbe rhie ẹre ne iran ni i re Ju, iran ni gha ya ẹe gbe ogiẹ, iran ghi gbe ẹre asan, iran ghi kan rẹn mu ugbugbe, vbe ikpẹdẹ ne ogieha, a gha huẹn ọnrẹn kpaegbe.”

Matiu 28:14

Nọkhaemwisẹ gha họn ẹmwẹ na, ma gha ya guee guan vbene ẹko gha na vuọn ne uwa ghẹ fian afianma emwikemwi.”

Iyẹn ne ọ Maan Ọghe Luk 13:1

Ẹghẹ nii, iran eso vbe evba kegha na iyẹn ma Jesu vbene Pailet gbele emwa Galili eso hẹ vbe iran wa zọ ese ghe Osanobua.

Iyẹn ne ọ Maan Ọghe Luk 20:20

Iran keghi rhunmwuda ọnii gha khẹ ẹghẹ ne ọ kere. Iran keghi rhie igho ne emwa eso ne iran mu akpa ọmwata yọ bu Jesu gha khian ya gualọ ẹre ẹmwẹ ne unu ne iran miẹn ehe na rhie ẹre yan asẹ kevbe ẹtin Ne ọ khaemwisẹ obọ.

Iyẹn ne ọ Maan Ọghe Luk 23:1

Vbene iran wa ya rre evba hia keghi kpaegbe, iran na mu Jesu bu Pailet gha khian.

Iyẹn ne ọ Maan Ọghe Luk 23:12

Ẹdẹ ne ẹdẹrriọ Pailet kevbe Hẹrọd keghi khian ọse vberriọ oghian egbe ọre iran te ka khin de yi.

Iyẹn ne ọ Maan Ọghe Luk 3:1

Ọ ghi rre ukpo ekesugie ne Ọgbaisi Taibirọs la ẹkete. Pọntiọs Pailet kegha re ne ọ khaemwisẹ vbe Judia Hẹrọd kegha re enogie vbe Galili, ọtiọnrẹn ighẹ Filip kegha gbe aro ghe isoko Ituria kevbe Trakonitis, Lisanias kegha gbe aro ghe otọ Abileni.

Iyẹn ne ọ Maan Ọghe Jọn 18:12

Avbe ivbiyokuo nii, deba olotu iran kevbe ọgbalegbe avbe Farisi keghi mu Jesu, iran keghi gba ẹe.

Iyẹn ne ọ Maan Ọghe Jọn 18:24

Rhunmwuda ọnii, Anas keghi wẹ ne a rhie ẹre bu Kaiafas ne ogie ohẹn gha khian, ke ẹe kevbe ugbamwẹ ne a gbae nii.

Iyẹn ne ọ Maan Ọghe Jọn 18:28

Iran keghi mu Jesu ke owa Kaiafas kpao gha rrie ẹguae Ne ọ khaemwisẹ. Owiẹ vbirrivbirri nọ. Avbe Ju ma ho ne iran la uwu ẹguae rhunmwuda ne iran ghẹ ru awua, ne iran miẹn ehe na rrie evbare Alagberra.

Iwinna 12:6

Asọn ne ọ lele ẹdẹ ne Hẹrọd te ra rhie Pita gie avbe emwa, Pita kegha vbiẹ vbe adesẹneva ivbiyokuo eva. A keghi ya eghan eva rro ẹre, emwa eso keghi vbe gha khẹ odẹ vbe onurho ẹwẹdọ nii.

Iwinna 21:33

Ọkaokuo keghi bu e Pọl gha khian, ọ mu ẹn, ọ na wẹ ne a guọ eghan eva ye ọre obọ. Ọ keghi nọ iran wẹ, “Vbe okpia na ke rre yi? Vbe ọ ru?”

Iwinna 22:25

Sokpan ugbẹn vbe iran ghi gba ẹe nẹ ne iran gbe ẹre asan, Pọl keghi tama ọmwa ne ọ rre asẹ ne ọ mudia ke ẹe wẹẹ, “Wa sie mwẹ asẹ ne a ya gbe ovbi e Rom asan vbe a ma he gu ẹ gui ẹzọ a ba emwi ku ru rhọkpa ra?”

Iwinna 22:29

Vbe ọwarọkpa nii, iran ni te ra nọ Pọl ọta keghi si ro, afianma kegha fian ọkaokuo ni vbe ọ miẹn wẹ ovbi e Rom ọre Pọl khin kevbe wẹ rẹn guọ eghan ye ọre egbe.

Iwinna 24:27

Ukpo eva ghi gberra nẹ Pọsiọs ne ovbi e Fẹstọs keghi rhie ihe Fẹlis vbe ukpo e Ne ọ khaemwisẹ. Fẹlis keghi ho ne avbe Ju gha ta ẹmwẹ ọnrẹn ẹse, ọ na rhunmwuda ọnii sẹ Pọl rae ye ẹwẹdọ.

Iwinna 28:20

Ọnii ọ siẹe ne I na wẹ I ho ne I miẹn uwa ne I vbe gu uwa guan, rhunmwuda wẹ, rhunmwuda omwa ne Izrẹl la ekpa re mwẹ idaehọ, ọre a na guọ eghan na yọ mwẹ obọ.”

Iwinna 3:13

Osanobua Ebraham, Aizik kevbe Jekọb, Osanobua avbe erha mwa odede, ọre ọ rhie uyi ne ọ gbae ne Ọguọmwadia ẹre Jesu, ọmwa ne uwa rhie yan iran ni khaemwisẹ obọ, wa keghi hẹẹ ye otọ vbe odaro Pailet, vbe Pailet te gha ho ne irẹn fan ẹn fua.

Iwinna 4:27

Vbe ẹmwata, Hẹrọd kevbe Pọntiọs Pailet deba iran Ni ma yayi kevbe emwa Izrẹl, ore ẹvbo na iran na ko iko Jesu ne Ọguọmwadia ruẹ Ne ọ huanrẹn ne uwẹ ya ru Mẹzaia.

Iwinna 9:2

Ọ na ya miẹn ẹre ebe ọghe rẹn ọna khin, ne ọ rhie mwẹ gha rrie Ọgua ediọn avbe Ju ni rre Damaskọs wẹ, rẹn gha miẹn emwa ni lele odẹ ọghe Nọyaẹnmwa vbe odọ, ne ọ sẹtin munọ ehia, ikpia kevbe ikhuo nọ viọ iran gha di e Jerusalẹm.

I Timoti 6:13

Vbe odaro Osanobua ne ọ rhie arrọọ ne emwi hia, kevbe odaro Kristi Jesu, ọmwa ne ọ vbe miẹn iyayi ẹre kue gbangbaangban vbe odaro Pọntiọs Pailet, te I yi iyi nuẹn.

II Timoti 2:9

Rhunmwuda ighẹ I kpe orhu nene Iyẹn Ne ọ maa, oya i ghi re, u hin ighẹ te a ghi guọ eghan yọ mwẹ obọ, zẹ vbe izigan. Sokpan a ma ya eghan mu ẹmwẹ Nọyaẹnmwa gba.

Hibru 13:3

Wa gha ye iran ni rre uwu eghan rre vbene a miẹn wẹ, te uwa gu iran rre evba. Wa gha ye iran ni rri oya rre, vbene a miẹn wẹ wa vbe iran ọre ọ gba rrie nene oya.

Giọgis 15:12

Iran keghi tama rẹn wẹẹ, “Te ima rre na ne ima do gba a ne ima miẹn ehe na mu ẹẹn gie iran.” E Samsin keghi kha wẹẹ, “Wa yan ma mwẹ wẹ wa i ra tobọ uwa gbe mwẹ uan.”