Matiu 27:17 - Edo Bible (E Baibol Ẹdo) Version 1996

¹⁷ Rhunmwuda ọnii, ugbẹn vbe emwa hia ghi si koko, Pailet nọ iran wẹẹ, “De ọmwa ne uwa ho ne imẹ fan fua ne uwa, Jesu Barabbas ra Jesu ne a tie ẹre Kristi?”

Matiu 27:17 ပူးပေါင်းရင်းမြစ်များ

I Ọba 18:21

Elaija keghi hin bu iran gha khian ọ keghi kha wẹẹ, “Vbe ọ khian sikan mu uwa unu kpẹ sẹ hẹ yi ne uwa ya ta obọ ne u wa ye vbọ. A deghẹ e Nọyaẹnmwa ọrọre Osanobua, wa gae, a deghẹ e Bal ọrọre Osanobua, wa gae!” Sokpan, emwa nii ma wanniẹn ẹmwẹ rhọkpa.

Matiu 1:16

Jekọb na ọre ọ biẹ Josẹf ne ọre ọdafẹn e Meri ne ọ biẹ Jesu ne Mẹzaia.

Matiu 27:16

Vbe ẹghẹ nii oghunmwu ọkpa ne emwa hia rẹnrẹn keghi rrọọ, a kegha tie eni ẹnrẹn Jesu Barabbas.

Matiu 27:18

Rẹn wa rẹn ighe ikhuiwu ọre iran ya si Jesu gie irẹn.

Iyẹn ne ọ Maan Ọghe Jọn 19:15

Ehia keghi wa gha go, iran wẹ, “Gbe ẹe rua! Gbe ẹe rua! Kan rẹn mu ugbugbe!” Pailet nọ iran wẹẹ, “Te uwa wẹ ne I kan ọba uwa mu ugbugbe ra?” Avbe igie ohẹn wanniẹn wẹẹ, “Ọgbaisi ọkpa ma rẹn ye ọba mwa!”

Iyẹn ne ọ Maan Ọghe Jọn 4:25

Okhuo ni tama rẹn wẹẹ, “Mẹ rẹnrẹn ighe Mẹzaia ne a tie ẹre Kristi dee. Ọ gha ghi rre, ọ gha rhan otọ emwi hia ma ima.”

Jọsua 24:15

A deghẹ wa i ho ne uwa ga e Nọyaẹnmwa, wa tae ẹrẹna nian ọmwa ne uwa gha ga, adeghẹ avbe ẹbọ ne avbe erha uwa gha ghoo vbe Mẹsopotamia nọ ra avbe ẹbọ ivbi Amọri ne uwa rre otọ ẹre. Sokpan, zẹ vbe ọghomwẹ kevbe ẹgbẹe mwẹ, e Nọyaẹnmwa ma gha ga.”