Matiu 27:16 - Edo Bible (E Baibol Ẹdo) Version 1996

¹⁶ Vbe ẹghẹ nii oghunmwu ọkpa ne emwa hia rẹnrẹn keghi rrọọ, a kegha tie eni ẹnrẹn Jesu Barabbas.

Matiu 27:16 ပူးပေါင်းရင်းမြစ်များ

Matiu 27:15

Ẹghẹ Emwiukpo Alagberra hia fẹẹrẹ ọre Nọkhaemwisẹ ya fan oghunmwu ọkpa fua ne iran, ọmwa ne avbe emwa a rhirhi gha ho.

Matiu 27:17

Rhunmwuda ọnii, ugbẹn vbe emwa hia ghi si koko, Pailet nọ iran wẹẹ, “De ọmwa ne uwa ho ne imẹ fan fua ne uwa, Jesu Barabbas ra Jesu ne a tie ẹre Kristi?”

Iyẹn ne ọ Maan Ọghe Mak 15:7

Ẹghẹ na, okpia ọkpa ne a tie ẹre Barabbas kegha rre ẹwẹdọ deba avbe etẹ eso ni de izigha vbe ẹghẹ ne iran na si okhọn igbinna ẹvbo.

Iyẹn ne ọ Maan Ọghe Luk 23:25

Ọ keghi fan ọmwa ne iran ho fua ne iran, ọmwa ne a mu ye eghan rhunmwuda otighi kevbe izigha, ọ keghi rhie Jesu ye iran obọ ne iran ya ruẹe vbene iran ho.

Iyẹn ne ọ Maan Ọghe Jọn 18:40

Iran keghi van okan ya rhie ewanniẹn ne ẹn wẹẹ, “Hiehiere, ẹ i re irẹn, Barabbas ma họ.” (Izigan ọre Barabbas gha khin.)

Iwinna 3:14

Ọmwa ne ọ huanrẹn kevbe ne ọ maa rẹn khin, wa keghi hẹẹ ye otọ, wa na rinmwian Pailet ne ọ fan izigan fua ne uwa ye ihe ẹre.

Ebe ne Pọl gbẹẹn gie emwa Rom 1:32

Iran rẹnrẹn wẹ Uhi Osanobua kha re ighẹ uhunmwu ọre emwa ni ru emwi vberriọ ya khiọ ẹre. Sẹ evba, te iran ye ru avbe emwi na, ne ọ ghi wa rhia sẹ vbọ ọrọre wẹ, iran ghi vbe gha kpe ọbọbọ ye emwa ni ru vberriọ re.

Ebe ne Pọl gbẹẹn gie emwa Rom 16:7

Wa we Andronikọs kevbe Junias do, avbe Ju ne iho mwa ne ima gba gha rre eghan, avbe ukọ wa rẹn iran ẹsẹse, iran ọre ọ vbe ka gha yayi khẹ mwẹ.