Matiu 26:9 - Edo Bible (E Baibol Ẹdo) Version 1996

⁹ A gha te khiẹn ori na ighobioye ghae ne avbe ivbiogue.”

Matiu 26:9 ပူးပေါင်းရင်းမြစ်များ

II Ọba 5:20

vbe Gehazi ne ọguọmwadia Elaisia zẹ iro ekhọe ẹre wẹẹ, “Arowa mwẹ wa gie Naaman gha rrie vbene ọ ma na ha emwirhọkpa! Ọ te kei ne ọ viọ emwi ne ovbi e Siria nii hẹ ne ẹẹn. Vbe eni e Nọyaẹnmwa ne ọ rrọọ, I gha rhulẹ lele ẹe ne I ya miẹn ẹre emwi eso.”

Matiu 26:10

Jesu rẹn emwi ne iran ta, ọ keghi khama iran wẹẹ, “Vbọzẹ ne uwa na kpokpo okhuo na yi. Emwi uyi nọkhua ọre ọ ru mẹ na.

Matiu 26:8

Ohu keghi mu avbe erhuanegbe vbe iran miẹn emwi na, iran wẹẹ, “Vbe a gu gheghe mu emwi na rhia vberriọ yi?

Iyẹn ne ọ Maan Ọghe Mak 14:5

Emwi ne a gha khiẹn ọre igho ne ọ yan naira ọgban ne a gha ẹre ne avbe ivbiogue.” Iran keghi ye ẹzọ yan okhuo ni.

II Pita 2:15

Iran kpao hin odẹ ne ọ diae rre nẹ, iran keghi bibi odẹ. Iran la odẹ ne Balam ne ovbi Bọsọ lae, ọmwa ne igho ne ọ gha sẹ ọre obọ vbe ọ gha ruemwi dan nẹ, viẹn ye ọre aro.

I Samuẹl 15:21

Sokpan avbe emwa mwẹ ma gbele avbe ẹmila kevbe ohuan ni maa sẹ ne iran munọ ẹn, sokpan iran keghi viọ iran gha die Gilgal vbe emwana, ne iran ya zọ ese ghe Nọyaẹnmwa Osanobua ruẹ.”

I Samuẹl 15:9

E Sọl kevbe emwa rẹn sẹ Agag rae ye agbọn, iran ma vbe gbele avbe ohuan ni maa sẹẹ, avbe ẹmila, avbe ivbi ẹkhuia ẹmila ni maa sẹẹ kevbe ivbi ohuan ra avbe emwi ọvbehe hia ni rhirhi gha maa. Sokpan, iran keghi fuẹn emwi hia ni kulo kevbe ne ẹ i mwẹ vbe ọ gia ya ru hia a.