Matiu 26:74 - Edo Bible (E Baibol Ẹdo) Version 1996

⁷⁴ Ẹghẹ ni, Pita ghi na suẹn gha vẹn ihẹn, ọ wẹẹ, “I gha ta ohoghe, ne Osanobua mu mwẹ rhia, I ma zẹdẹ rẹn ọmwa nii!” Vbe ọwarọkpa nii, ọkpa keghi viẹ.

Matiu 26:74 ပူးပေါင်းရင်းမြစ်များ

Matiu 10:28

Wa ghẹ mu ohan iran ni gbe ikinnegbe ne ẹ i sẹtin gbe orhiọn, sokpan wa mu ohan Osanobua ne ọ sẹtin fuẹn egbe kevbe orhiọn uan vbe ẹrinmwi nehianmwivin.

Matiu 26:34

Jesu tama Pita wẹẹ, “Gunmwẹ tama ruẹn nian wẹẹ, vbene ọkpa te viẹ asọn na, u gha siẹn mwẹ igba eha.”

Matiu 26:73

Vbe iyeke ọnii, ikpia eso ni mudia vba keghi bu e Pita gha dee, iran tama rẹn wẹẹ, “Ne a ta ẹmwata, ọkpa vbe uwu iran ọre uwẹ wa khin, vbene u ya guan rhie ruẹ maa.”

Matiu 26:75

Pita keghi ye ẹmwẹ ne Jesu tama rẹn rre wẹẹ, “Vbene ọkpa te viẹ, u gha siẹn igba eha wẹ u ma rẹn mwẹ.” Rẹn keghi ladian, ọ na ya viẹ eve orriara.

Matiu 27:25

Emwa ni hia keghi wa wanniẹn wẹẹ, “Gie emwi dan ne ọ gha rhunmwuda uwu ẹre na sunu gha rre uhunmwu ima kevbe ọghe ivbi ima.”

Iyẹn ne ọ Maan Ọghe Mak 14:30

Jesu wanniẹn tama Pita wẹẹ, “Ne I tama ruẹn, vbene ọkpa te viẹ igba eva, u gha siẹn mwẹ igba eha.”

Iyẹn ne ọ Maan Ọghe Mak 14:68

Sokpan rẹn keghi wa siẹn, “Mẹ mwẹ, I ma zẹdẹ rẹn otọ ẹmwẹ ne u guan na hiehie.” Ọ keghi ladian vbe evba, ọ na gha rrie ọlẹla. Ọwarọkpa ni, ọkpa keghi viẹ.

Iyẹn ne ọ Maan Ọghe Luk 22:60

Pita wanniẹn wẹẹ, “Okpia na, I ma zẹdẹ rẹn ẹmwẹ ne uta na!”

Iyẹn ne ọ Maan Ọghe Jọn 18:27

Pita vbe dọlegbe kha wẹẹ, “Hiehiere,” ọwarọkpa nii, ọkpa keghi viẹ.

Ebe ne Pọl gbẹẹn gie emwa Rom 9:3

Vbe ọrrọ akpawẹ mẹ khian ne Osanobua fi ẹre unu kevbe ne a wannọ hin egbe Kristi rre rhunmwuda iran.

I Kọrinti 16:22

Ọmwaikọmwa ne ọ ma ho ẹmwẹ Nọyaẹnmwa, gha dee! Maranatha — Nọyaẹnmwa, rre!

Arhie Maan 3:19

Ọmwa ne I ho ẹmwẹ ọnrẹn ọre I gu gui, ọre I vbe gbe hin ọkhọ rre. Mu aro yọ khekherriọ, ne u fiwerriẹ hin orukhọ ruẹ rre.

Giọgis 17:2

Ọ keghi tama iye ẹe wẹẹ, “Ẹghẹ ne iran na do igho esiliva iyisẹn yan arriaisẹn (1,100) hẹ, u na ya mu ẹbọ gbe nene oyi. I họn ẹn ighẹ erriọ u ru ẹe. Ne I tama ruẹn nian, avbe igho nii gue mwẹ. Mẹ ọ re ọ viọ ẹre.” Iye ẹe keghi kha wẹẹ, “Te e Nọyaẹnmwa gha fiangbuẹ ovbi mwẹ!”

Giọgis 21:18

Sokpan ma i sẹtin gie iran viọ ivbi ima rọnmwẹ, rhunmwuda ma tie ihẹn yọ nẹ emwi gha rruan ọmwa ne ọ rhirhi rhie ovbi ẹre ne iran vbe uwu ima.”