Matiu 26:73 - Edo Bible (E Baibol Ẹdo) Version 1996

⁷³ Vbe iyeke ọnii, ikpia eso ni mudia vba keghi bu e Pita gha dee, iran tama rẹn wẹẹ, “Ne a ta ẹmwata, ọkpa vbe uwu iran ọre uwẹ wa khin, vbene u ya guan rhie ruẹ maa.”

Matiu 26:73 ပူးပေါင်းရင်းမြစ်များ

Nehimaia 13:24

Obọkpa vbe a gha wa ivbi iran ye ihẹ eva kegha zẹ ẹvbo Asdọd ra ẹvbo ọvbehe eso, iran i guara zẹ ẹvbo ima.

Matiu 26:72

Pita keghi vbe dọlegbe siẹn ọ wanniẹn wẹẹ, “I gha zẹdẹ rẹn ọnrẹn ne I vẹn ihẹn.”

Matiu 26:74

Ẹghẹ ni, Pita ghi na suẹn gha vẹn ihẹn, ọ wẹẹ, “I gha ta ohoghe, ne Osanobua mu mwẹ rhia, I ma zẹdẹ rẹn ọmwa nii!” Vbe ọwarọkpa nii, ọkpa keghi viẹ.

Iyẹn ne ọ Maan Ọghe Mak 14:70

Sokpan Pita keghi vbe dọlegbe siẹn. Ọ ma ghi re vbe kpẹe, iran ni mudia vbe evba keghi ya yan Pita, “Ẹ i guẹ siẹn ighẹ ẹ i re ọkpa vbe uwu iran u khin, ugbẹn vbe a miẹn wẹ Ovbi e Galili wẹ vbe khin.”

Iwinna 2:7

Vbe uwu ne ọna yan iran unu uan yan iran aro ua nii, iran wẹẹ, “Ivbi e Galili iran ni guan na hia khin.

Giọgis 12:6

iran ghi wẹ ne ọ kha wẹẹ “Sihibolẹt” Sokpan rẹn ghi kha wẹẹ “Sibolẹt” rhunmwuda, ẹ i guara ta ẹe ẹse. Iran ghi mu ẹẹn piẹnkhẹnrhẹn, iran ghi gbe ẹe rua ye evba vbe ehe ne a na fian Ẹzẹ Jọdan rra. Ivbi Ifreim ne a gbele vbe ẹghẹ nii kegha re arriaisẹn eva yan iyeva (42,000).