Matiu 26:72 - Edo Bible (E Baibol Ẹdo) Version 1996

⁷² Pita keghi vbe dọlegbe siẹn ọ wanniẹn wẹẹ, “I gha zẹdẹ rẹn ọnrẹn ne I vẹn ihẹn.”

Matiu 26:72 ပူးပေါင်းရင်းမြစ်များ

Ẹksọdọs 20:7

“Ohan i gie uwẹ lo eni imẹ ne Nọyaẹnmwa Osanobua ruẹ vbe odẹ ọkhọ rhunmwuda ọmwa ne ọ lo eni mwẹ ihan, I gha rria ẹre ikhi.

Aizaia 48:1

Ivbi Izrẹl wa danmwehọ ẹmwẹ na, wa ne ivbi uniẹn e Juda. Wa ọ re ọ ya eni Nọyaẹnmwa vẹn ihẹn wa na vbe gha kha ighẹ Osanobua Izrẹl ọ re uwa ga. Sokpan, ẹmwẹ ne uwa ta, te uwa ba tae kẹkan.

Zẹkaraia 8:17

Wa ghẹ si uma emwi ne uwa gha ru egbe re. Wa ghẹ vẹn ihen ya sẹ osẹ ohoghe. I i zẹdẹ ho ẹmwẹ ohoghe, ẹkẹ vbe ero kevbe uyinmwẹ ibalegbe.”

Malakai 3:5

E Nọyaẹnmwa ne Oghodua khare wẹẹ, “I gha ladian vbe uwu ẹbu uwa ne I do bu ohiẹn. I gha wa sẹ osẹe gbe iran ni ru e emaziki awan, iran ni ghẹ, iran ni sẹ osẹe ohoghe, iran ni gbe igho emwa ne iran ya winna rhu, iran ni mu avbe ẹgbẹe ru kevbe emọ ne ẹ i mwẹ erha, kevbe avbe erhunmwuyẹn, kevbe iran hia ne ẹ i da mẹ.”

Matiu 26:71

Ọ keghi ladian gha rrie onurho ne a la la ore ni, Ọmọ okhuo ọvbehe, vbe uwu avbe eguọmwadia ghi vbe miẹn ọẹn, ọ tama iran ni rre evba wẹẹ, “Rẹn na vbe gha rrọọ yaba Jesu ne ovbi e Nazarẹt.”

Matiu 26:73

Vbe iyeke ọnii, ikpia eso ni mudia vba keghi bu e Pita gha dee, iran tama rẹn wẹẹ, “Ne a ta ẹmwata, ọkpa vbe uwu iran ọre uwẹ wa khin, vbene u ya guan rhie ruẹ maa.”

Matiu 26:74

Ẹghẹ ni, Pita ghi na suẹn gha vẹn ihẹn, ọ wẹẹ, “I gha ta ohoghe, ne Osanobua mu mwẹ rhia, I ma zẹdẹ rẹn ọmwa nii!” Vbe ọwarọkpa nii, ọkpa keghi viẹ.

Iyẹn ne ọ Maan Ọghe Luk 22:34

Jesu wanniẹn wẹẹ, “Ne I tama ruẹn Pita, u gha siẹn mwẹ igba eha ẹrẹna vbe ọkpa te viẹ.”