Matiu 26:53 - Edo Bible (E Baibol Ẹdo) Version 1996

⁵³ Wẹ ma rẹn ighẹ mẹ gha sẹtin tu tie Erha mwẹ ne ọ yọ mwẹ obọ kevbe wẹẹ, rẹn gha sẹtin viọ gberra oka iweva ivbiyokuo odibosa gun mwẹ?

Matiu 26:53 ပူးပေါင်းရင်းမြစ်များ

II Ọba 6:17

Ẹre irẹn na na erhunmwu wẹẹ, “E Nọyaẹnmwa, rhan ẹre aro ne ọ miẹn ehe na bẹghe!” E Nọyaẹnmwa keghi họn erhunmwu ẹnrẹn, ọguọmwadia Elaisia ghi tọn aro mu, ọ keghi miẹn wẹ avbe ẹsin kevbe ikẹkẹ okuo ọghe erhẹn ọ re ọ wa gba oke nii hia lẹga Elaisia.

Daniẹl 7:10

Aranmwẹ erhẹn keghi ba kọe ladian. Arhunmwu arriaisẹn nibun kegha rre evba ne iran gha gae, arhunmwu arriaisẹn arriaisẹn nibun keghi mudia ye odaro ẹre. Iko ibuohiẹn nii keghi suẹn iwinna, a na we avbe ebe.

Matiu 25:31

“Ovbi Ọmwa ghẹ ghi rre zẹ vbe ọba ke irẹn kevbe avbe odibosa ẹre, rẹn ghi miẹn dia vbe uhunmwu ẹkete ọba ẹre.

Matiu 4:11

Rhunmwuda ọnii, Esu keghi sọrae, avbe odibosa keghi rre do ru ọguọmwadia nẹẹn.

Iyẹn ne ọ Maan Ọghe Mak 5:15

Iran keghi vẹ bu Jesu gha dee, iran miẹn okpia ne ọ te ka mwẹ avbe orhiọn esu nii, ọ tota vbe evba, ọ hẹ ukpọn yọ, ẹrherhe ẹre gbae, ohan keghi mu iran hia.

Iyẹn ne ọ Maan Ọghe Mak 5:9

Rhunmwuda ọnii, Jesu nọ rẹn wẹẹ, “Vbe a tie ruẹ?” Okpia ni wẹẹ, “Oghẹn, rhunmwuda ma wa bun ẹsẹse.”

Iyẹn ne ọ Maan Ọghe Luk 8:30

Jesu keghi nọ rẹn wẹ, “Vbe a tie ruẹ?” Ọ wanniẹn wẹẹ, “Oghẹn,” rhunmwuda orhiọn esu ni he la uwa ẹre bun ẹsẹse.

Iyẹn ne ọ Maan Ọghe Jọn 10:18

Ọmwa rhọkpa ma gbe mwẹ miẹn mwẹ orhiọn mwẹ, ekhọe obọ mwẹ ọre I ya rhie ẹre ye otọ. I mwẹ ẹtin ne I ya rhie ẹre ye otọ, I vbe mwẹ ẹtin ne I ya dọlegbe rhie ẹre werriegbe. Erha mwẹ ọre ọ ya wẹ mwẹ vberriọ.”

Iyẹn ne ọ Maan Ọghe Jọn 18:36

Jesu wanniẹn wẹẹ, “Arriọba mwẹ i re ọghe emwa na, akpawẹ ọghe emwa na ọre arriọba mwẹ khin, avbe irogho mwẹ gha gbinna ne a ghẹ miẹn ehe na mu mwẹ bu avbe Ju. Ẹn o, arriọba mwẹ i re ọghe emwa na.”

II Tẹsalonaika 1:7

Ọ ghi fannọ uwa ni sẹ usẹ ẹghẹ na kua, kevbe ima ba ẹre. Ẹghẹ ne ọ gha na ru emwi na, ọrọre ẹghẹ ne Nọyaẹnmwa Jesu gha na rhie egbe ma ke ẹrinmwi rre, irẹn kevbe avbe odibo Osa ẹre nekhua.

Ebe ne Jud gbẹẹn 1:14

Inọk ne ọ re, ọmwa ne ogiehan ke egbe Adam wa gha dee zẹẹ, ọre ọ guan ẹmwẹ iran na ye otọ ẹghẹ nii wẹ: “Ghe, Nọyaẹnmwa gha rre ke irẹn kevbe arriaigbe vbe uwu avbe odibo ẹre ni huanrẹn.