Matiu 26:52 - Edo Bible (E Baibol Ẹdo) Version 1996

⁵² Jesu tama rẹn wẹẹ, “Rhie umozo ruẹ ye ako ẹre, rhunmwuda iran ni viọ umozo hia gha la obọ umozo yo owa.

Matiu 26:52 ပူးပေါင်းရင်းမြစ်များ

Gẹnẹsis 9:6

Ọmwa ne ọ rhirhi gbe ọmwa ran, ọmwa ne ihuaẹre ọ gha vbe gbẹe rua. Rhunmwuda te a yi ọmwa zẹ vbe Osanobua.

Psalm 55:23

Sokpan, Osanobua, wẹ ọ ra silo avbe izigha kevbe avbe ọhọn ohoghe la idin iran ọ te sẹ ukhiọnmwẹ ẹdẹ agbọn iran. Sokpan, zẹ vbe ọghomwẹ mẹ gha mu ẹtin yan ruẹn.

Ẹksọdọs 21:12

“Omwa ne ọ fi ọmwa emwi, ọ na gbe ẹe rua, a ghi vbe gbe ẹe rua.

Matiu 5:39

Sokpan, mẹ tama uwa nian, ghẹ rria ọmwaikọmwa ne ọ ruẹ khọ ikhi. Ọmwa gha gbe ubi ye uwẹ irho obọ erha ọmwa, giee wa vbe gbe ye ọghe obọ iye ọmwa.

Ebe ne Pọl gbẹẹn gie emwa Rom 12:19

Ọse mwẹ, ghẹ rria ikhi, sokpan, gie izohu Osanobua ruẹe, rhunmwuda ebe tae wẹẹ, “I gha rria ikhi, I gha ruẹe werriegbe, erriọ Nọyaẹnmwa khare.”

I Tẹsalonaika 5:15

Wa ghẹ ye ọkhọ ha osa ọkhọ, sokpan wa gha ru egbe emwi esi, wa ghi vbe gha ru emwa hia ẹse vbe ẹghẹ hia.

I Pita 3:9

Wa ghẹ ya ọkhọ ha osa ọkhọ, ra ne a ya ihẹn ha osa ihẹn, sokpan wa gha ya erhunmwu afiangbe ha osa, rhunmwuda, ẹghẹ ne Osanobua na tie uwa, afiangbe ọre ọ wẹ rẹn ra rhie ne uwa.

Arhie Maan 13:10

Ọmwa ne a kha nẹ ighẹ te a ra mu ẹre izẹghede, te a ra gele mu ẹre izẹghede, ne a wẹ a gha ya umozo gbe ua, te a ra gele ya umozo gbe ẹe ua. I ziengbe kevbe iyayi ọre ọ na nọ rẹn vbe obọ emwa Osanobua.”

Arhie Maan 16:6

Iran ọ gbe esagiẹn emwa Osanobua ye otọ, ke ẹe kevbe ọghe avbe akhasẹ, rhunmwuda ọnii nian, wẹ keghi mu esagiẹn ne iran gha wọn. Emwi ne ọ kei ne iran, ọre iran miẹn!”