Matiu 26:42 - Edo Bible (E Baibol Ẹdo) Version 1996

⁴² Jesu keghi dọlegbe gha khian ya na erhunmwu ukpogieva wẹẹ, “Evbavba, deghẹ ukpu na i gia miẹn mwẹ re vbe ẹ i re te I wọn ẹn, iho ọwuẹ ọre a gha ru.”

Matiu 26:42 ပူးပေါင်းရင်းမြစ်များ

Matiu 20:22

Jesu wanniẹn tama iran wẹẹ, “Wa ma kue rẹn emwi ne uwa nọọn. Wa gha sẹtin wọn ukpu ne imẹ ra wọn na ra.” Iran wanniẹn tama rẹn wẹẹ, “Ma gha sẹtin.”

Matiu 26:39

Rẹn keghi khian sikẹ odaro, ọ keghi wa mu aro rhu otọ ọ keghi na erhunmwu wẹẹ, “Deghẹ ọ gia ru, Erha mwẹ, mu ukpu na hin mwẹ obọ rre, sokpan ẹ i re vbene I mẹ ho, sokpan vbene uwẹ ho.”

Matiu 26:43

Ọ ghi vbe dọlegbe rre, ọ do vba ighẹ avbe erhuanegbe vbe vbiẹ, iran ma kue sẹtin rhan aro rua.

Matiu 6:10

gie Arriọba ruẹ rre, gia gha ru iho ruẹ vbe agbọn vbe ne iran ru vbe ẹrinmwi.

Iyẹn ne ọ Maan Ọghe Mak 14:36

Ọ wẹẹ, “Evbavba, Erha mwẹ, a i miẹn emwi ne ẹ i gie uwẹ ru, gie oya na la mwẹ baan sokpan, ẹ i re vbene Imẹ ho vbe ẹ i re vbene uwẹ ho.”

Iyẹn ne ọ Maan Ọghe Luk 22:42

Ọ wẹẹ, “Evbavba, a deghẹ ọ yẹ ruẹ, mu ukpu na hin mwẹ obọ rre, vbene ọ rhirhi gha ye hẹ, ẹ i re ne I mẹ ho sokpan ne uwẹ ho ọre a gha ru.” [

Iyẹn ne ọ Maan Ọghe Jọn 6:38

Rhunmwuda, te imẹ ke ẹrinmwi gha dee do ru zẹ vbene ọmwa ne ọ gie mwẹ ho, ighe ẹ i re vbene imẹ ho.

Hibru 4:15

Ogie Ohẹn ọghomwa, ẹ i re ne ẹnina ọmwa i sẹtin la ẹre ekhọe vbe ẹmwẹ evburriẹ mwa. Sokpan Ogie Ohẹn ọghomwa keghi re ne avbe la odẹ hia danmwẹ ghe zẹ vbene ima ye, sokpan ọ ma ru orukhọ.