Matiu 26:39 - Edo Bible (E Baibol Ẹdo) Version 1996

³⁹ Rẹn keghi khian sikẹ odaro, ọ keghi wa mu aro rhu otọ ọ keghi na erhunmwu wẹẹ, “Deghẹ ọ gia ru, Erha mwẹ, mu ukpu na hin mwẹ obọ rre, sokpan ẹ i re vbene I mẹ ho, sokpan vbene uwẹ ho.”

Matiu 26:39 ပူးပေါင်းရင်းမြစ်များ

Gẹnẹsis 17:3

Ebram keghi diguẹ mu aro rhu otọ, ẹre Osanobua na kha wẹẹ,

II Samuẹl 15:26

Sokpan, adeghẹ ẹmwẹ mwẹ ma ghi ye ọre, ọ maa, wẹ ne ọ ru mwẹ emwi ne ọ rre irẹn ekhọe.”

I Krọnikol 21:16

E Devid keghi bẹghe vbe odibo Osa na mudia ye ideghedeghe keẹe kevbe umozo vbe obọ, ọ mu egbe ne ọ dunmwu e Jerusalẹm sẹ otọ. Ẹre Devid kevbe avbe olotu emwa nii ne a miẹn wẹ ukpọn akhiẹ ọ re iran hia viọ rhuan, iran hia keghi vbokho uhunmwu rriotọ, vbene ugbaro iran na dekan otọ.

Aizaia 50:5

E Nọyaẹnmwa rhie irẹnmwi mẹ nẹ, mẹ ma vbe sọtẹ ọ re ra ne I fi iyeke gbẹe.

Aizaia 53:12

Rhunmwuda ọnii, mẹ gha rhie ẹre ye ukpo uyi ọ ghi gha mwẹ ihe vbe uwu ẹbu iran ni kọnkọn ni mwẹ ẹtin. Ekhọe obọ ẹre ọ re ọ ya rhie ẹdagbọn rẹn yotọ ọ keghi ya egbe miẹn vbe emwi ne ọ rruan emwa dan. Ọ rhie ihe emwa orukhọ nibun. Ọ na na erhunmwu wẹ ne a yabọ iran.”

Ezikiẹl 1:28

awanwan na kegha mwẹ ẹmu ughughan ne ọ rre ere nukhunmwu. Ọnọna ọrọre ne awanwan ne ọ gbe ebiebi ye ọmwa aro, ne ọ vbe rhie ma wẹ e Nọyaẹnmwa rre evba. Ugbẹn vbe I ghi miẹn ọna, I keghi de mu aro rhu otọ, I keghi họn urhu okpa ne ọ khare wẹẹ,

Nọmbas 14:5

Ẹre Mosis kevbe Errọn na vbokho egbe rriotọ vbe odaro emwa nii.

Nọmbas 16:22

Sokpan e Mosis kevbe Errọn keghi vbẹrre mu aro rhuotọ, iran keghi kha wẹẹ, “Osanobua, wẹ ọrọre ehe ne arrọ hia ke rre. ohu emwa hia gha wa gha mu uẹn ra rhunmwuda ighẹ orhunmwu ọkpa ru orukhọ?”

Matiu 20:22

Jesu wanniẹn tama iran wẹẹ, “Wa ma kue rẹn emwi ne uwa nọọn. Wa gha sẹtin wọn ukpu ne imẹ ra wọn na ra.” Iran wanniẹn tama rẹn wẹẹ, “Ma gha sẹtin.”

Matiu 24:24

Rhunmwuda, avbe akhasẹ kevbe Mẹzaia ohoghe gha rre. Iran gha winna iwinna ama kevbe iwinna ọyunnuan ni bun ne iran ya rẹrẹ emwa ne Osanobua hannọ zẹ re deghẹ ẹtin iran sọe.

Matiu 26:42

Jesu keghi dọlegbe gha khian ya na erhunmwu ukpogieva wẹẹ, “Evbavba, deghẹ ukpu na i gia miẹn mwẹ re vbe ẹ i re te I wọn ẹn, iho ọwuẹ ọre a gha ru.”

Iyẹn ne ọ Maan Ọghe Mak 13:22

Rhunmwuda Mẹzaia ohoghe kevbe akhasẹ ohoghe ni bun gha rre. Iran gha winna iwinna ọyunnuan, a deghẹ ọ gie iran ru ne iran ya hiẹ emwa ne Osanobua hannọ zẹ mu ru.

Iyẹn ne ọ Maan Ọghe Luk 17:16

Ọ keghi de gbe otọ vbe akharha Jesu, ọ na kpọnmwẹ ọẹn. Ovbi Sameria ọre nọ.

Iyẹn ne ọ Maan Ọghe Jọn 11:41

Iran keghi mu okuta nii hin rre. Jesu keghi tọn aro mu ghe odukhunmwu, ọ wẹẹ, “Evbavba, I kpọnmwẹ ọn ye ne u na danmwehọ mwẹ.

Iyẹn ne ọ Maan Ọghe Jọn 14:31

Ẹmwẹ asẹ ọkpa vbe egbe mwẹ, sokpan, ọ kere ne agbọn rẹn ghẹ I ho ẹmwẹ Evbavba, ọ ni ọ si ẹe ne I na vbe ru emwi ne ọ rhirhi khama mwẹ ne I ru. “Wa kpaegbe, wa gia kpao hin emwa na rre.”

Iyẹn ne ọ Maan Ọghe Jọn 18:11

Jesu tama Pita wẹ, “Rhie umozo ruẹ ye ako. U ma rẹn ighẹ ẹ i mwẹ I ma wọn ukpu orriara ne Erha mwẹ mu mẹ?”

Iyẹn ne ọ Maan Ọghe Jọn 5:19

Rhunmwuda ọnii, Jesu wanniẹn tama iran wẹẹ, “Ẹmwata ọre I tama uwa, Ọmọ izẹ enegbe ẹre ru vbe emwikemwi, emwi ne ọ miẹn ighe Erha ru ọre irẹn vbe ru. Emwi ne Erha ru ọre Ọmọ vbe ru.

Iyẹn ne ọ Maan Ọghe Jọn 5:30

“Mẹ i sẹtin zẹ enegbe mwẹ ru, vbe ne Osanobua tama mwẹ ọre I ya bu ohiẹn, rhunmwuda ọnii, ẹmwata ọre ibuohiẹn mwẹ khin rhunmwuda mẹ i zẹ ọghe egbe mwẹ ru, sokpan vbene ọmwa ne ọ gie mwẹ ho, ọre I ru.

Iyẹn ne ọ Maan Ọghe Jọn 6:38

Rhunmwuda, te imẹ ke ẹrinmwi gha dee do ru zẹ vbene ọmwa ne ọ gie mwẹ ho, ighe ẹ i re vbene imẹ ho.

Iwinna 10:25

Ugbẹn vbe Pita ghi ra la owa, Kọniliọs keghi bu ẹre rre, ọ de fi ọre akharha, ọ keghi mu ẹko rhu otọ vbe odaro ẹre.

Filipai 2:8

Ọ na mu egbe rriotọ, odẹ ahọn ẹmwẹ ọre ọ rhie egbe yi ya sẹ uwu, uwu ne ọ wu vbe uhunmwu ugbugbe.

Hibru 5:7

Vbe ẹghẹ ne Jesu na gha rre agbọn na, utumwẹ nọkhua kevbe ameve ọre ọ ya gha nọ emwi vbe obọ Osanobua ne ọ gha sẹtin fan irẹn ye otọ vbe obọ uwu. Rhunmwuda ighẹ ọ mu egbe rri otọ ọ keghi vbe mu aro yọ. Osanobua keghi họn erhunmwu ẹnrẹn.

Arhie Maan 19:10

I keghi de fi iguẹ vbe akharha ẹre ne I ya uhunmwu rhanmwẹ otọ nẹẹn, sokpan rẹn keghi tama mwẹ wẹẹ, “Ghẹ danmwẹ ọẹn ghe, ọguọmwadia ne ihua ọre imẹ vbe khin, kevbe zẹ vbe etuẹn, iran ni ya obọ da ẹmwata ne Jesu rhie maa yi mwẹ. Ya uhunmwu rhanmwẹ otọ ne Osanobua.” Rhunmwuda, ẹmwata ne Jesu rhie maa, ọre ọ rhie ẹtin ne avbe akhasẹ.