Matiu 26:31 - Edo Bible (E Baibol Ẹdo) Version 1996

³¹ Ẹkpo ni ọre Jesu na tama iran wẹẹ, “Vbe asọn na, wa hia gha lẹ kua, wa ghi sẹ mwẹ rae rhunmwuda ebe tae wẹẹ, ‘Osanobua gha gbe ne ọ su ohuan, ohuan hia ni rre oghẹn ni, ghi zagha kua.’

Matiu 26:31 ပူးပေါင်းရင်းမြစ်များ

Psalm 38:11

Avbe osẹ kevbe ẹdogbo mwẹ i ghi sikẹ mwẹ, rhunmwuda ẹtẹ mwẹ, avbe etẹn mwẹ ne a rẹn egbe te iran ghi lẹ mẹ.

Psalm 69:20

Ihẹn ne iran tie ya ekhọe mwẹ rhia, emwi hia wa khan mwẹ. Te I te rhie aro ye itohan, sokpan I ma miẹn, I te rhie aro ye egberọkhọmwẹ sokpan, ọ ma sẹ mwẹ obọ.

Psalm 88:18

U ru ẹe ne avbe osẹ ni sikẹ mwẹ sẹẹ he mwẹ yotọ ebiebi ọkpa ọrọre ogieva mwẹ.

Aizaia 53:10

E Nọyaẹnmwa khare wẹẹ, “Iho mwẹ nọ wẹ ne ọ rrioya. Uwu ne ọ wu, ese ne a zọ ya dẹ ayabọ ọ re nọ. Rhunmwuda ọnii, ọ gha miẹn ivbi uniẹn ọnrẹn ọ gha tọ ẹsẹsẹmwẹse obọ, ẹre ọ re emwamwa mwẹ ra na dunna.

Eve Orriara 1:19

“I kegha datie iran ni ima gba ru, sokpan, iran hee ne iran do yọmwẹ obọ Avbe ohẹn kevbe avbe ọkaolotu emwa keghi wulo lele adesẹ ore; Vbe iran te gualọ evbare ne iran gha ya do orhiọn yi.

Zẹkaraia 13:7

E Nọyaẹnmwa ne Oghodua khare wẹẹ, “Umozo, rhiọrre, ne u dekun ọsuohuan ne ọ winna mẹ. Gbe ẹe rua, ne u gie avbe ohuan zagha kua, mẹ gha dekun avbe emwa mwẹ,

Matiu 11:6

Afiangbe ọre ọghe ọmwa ne ọ ma gbe ọkhọnmwẹ ọkhọnmwẹ vbekpa mwẹ.”

Matiu 26:24

Ovbi Ọmwa gha gele wu zẹ vbene Ebe tae ye otọ nẹ, sokpan ọsọre ighe ọmwa ne ọ gha rhie Ovbi Ọmwa maa! Ọ gha te maa ne ẹn sẹ akpawẹ a ma biẹ ọe!”

Matiu 26:56

Sokpan ena hia sunu ne Ebemiẹn ehe na sẹ.” Ẹkpo ni ọre avbe erhuanegbe hia ghi na sẹ ọe rae, iran keghi lẹ kua.

Iyẹn ne ọ Maan Ọghe Jọn 16:32

Ẹghẹ dee, ọ wa vbe sẹ otọ nẹ ne a gha na zagha uwa hia kua, edọmwadẹ ọghọe ghi gha rrie owa ẹre, wa ghi sẹ mwẹ rae ọ ghi do kẹ mẹ ọkpa kẹkan. Sokpan ẹ i khian gha re imẹ ọkpa rhunmwuda, Evbavba gha mudia ke mwẹ.