Matiu 26:28 - Edo Bible (E Baibol Ẹdo) Version 1996

²⁸ Rhunmwuda, ọnọna ọrọre esagiẹn mwẹ ne a ya ya Ile Osanobua okhi, esagiẹn mwẹ ne a gbe ku otọ ne ayabọ orukhọ.

Matiu 26:28 ပူးပေါင်းရင်းမြစ်များ

Jerimaia 31:31

E Nọyaẹnmwa khare wẹẹ, “Ẹghẹ dee ne I gha na gu ivbi Izrẹl kevbe ivbi e Juda ta ile ọgbọn.

Levitikọs 17:11

Arrọ ọghe emwikemwi ne ọ ghi rre agbọn nẹ, esagiẹn ọre ọ ye, ọnii ọ zẹe ne Nọyaẹnmwa na ta ẹe wẹ ne a gha da esagiẹn hia ye uhunmwu aka ne ọ kpe orukhọ emwa nii kua. Te esagiẹn kpe orukhọ kua.

Zẹkaraia 9:11

E Nọyaẹnmwa khare wẹẹ, “Rhunmwuda ile ne I gu uwa ta, ne a ya esagiẹn izọese ye ẹre okhi, I gha fannọ emwa ruẹn kua. Lahin otọe uvun iwe ne amẹ i ye rre.

Matiu 20:28

Zẹẹ vbe ne Ovbi Ọmwa ye, ọ ma rre ne a do gha ga ẹe, sokpan ne irẹn do ga emwa kevbe ne ọ ya orhiọn rẹn dẹ emwa ni bun werriegbe.”

Matiu 26:27

Ọ keghi vbe mu ukpu, Ọ na kpọnmwẹ Osanobua, ọ keghi mu ne iran, ọ wẹẹ, “Wa hia fẹẹrẹ, dae.

Matiu 26:29

Ne I tama uwa, mẹ i ra dọlegbe da vbe ayọn na ọvbehe, ọ te sẹ ẹghẹ ne I gha ya guwa da ọghe ọgbọn ni vbe Arriọba Erha mwẹ.”

Matiu 6:12

Ya orukhọ mwa hia bọ mwa, vbe ne ima ya bọ enirumwakhọ.

Iyẹn ne ọ Maan Ọghe Mak 1:4

E Jọn keghi rhie egbe ma vbe uwu ato, ọ kegha samẹ ne emwa, ọ keghi vbe gha kpe orhu ma iran wẹẹ, “Wa zobọ vbe orukhọ ne a ru. ne a samẹ ne uwa, Osanobua gha ya orukhọ uwa bọ uwa.”

Iyẹn ne ọ Maan Ọghe Mak 14:24

Jesu keghi khama iran wẹẹ, “Ọnọna ọrọre esagiẹn mwẹ ne a gbe ye otọ ne emwa ni bun, esagiẹn mwẹ ne a ya yi ile Osanobua okhi.

Iyẹn ne ọ Maan Ọghe Luk 22:19

Iyeke ọnii, ọ keghi vbe mu ebrẹd, ọ kpọnmwẹ Osanobua, ọ giagia ẹe, ọ keghi viọ ne iran wẹẹ, “Ọnọna ọrọre egbe mwẹ ne a rhie ne uwa. [Wa gha ru ọna ya ye mwẹ rre.”

Iyẹn ne ọ Maan Ọghe Luk 22:20

Erriọ zẹẹ ọre ọ vbe mu ukpu ne iran, vbe iran rri evbare ota wẹ, “Ukpu na ọrọre ile ọgbọn ọghe Osanobua ne a ya esagiẹn mwẹ ne a gbe ye otọ ne uwa yi ẹre okhi!”]

Ebe ne Pọl gbẹẹn gie emwa Rom 5:15

Sokpan iran eva i re ọkpa, rhunmwuda ẹse ọhẹ Osanobua, ma khọ orukhọ Adam. Ẹmwata nọ wẹẹ emwa ni bun ọre ọ ya uhunmwu ye ẹmwẹ orukhọ ne orhiọnkpa kẹkan ru, sokpan ẹsọhẹ Osanobua kpọlọ sẹ ọre ẹsẹse, erriọ vbe nọ vbe ọghe emwi ọhẹ ne ọ viọ ne emwa ni bun vbekpa ẹsọhẹ ọmwa ọkpa kẹkan ni, Jesu Kristi.

Ebe ne Pọl gbẹẹn gie emwa Rom 5:19

Zẹ vbene iyin ehọ orhiọnkpa ya emwa hia khian emwa orukhọ, erriọ zẹẹ ọre ahọn ẹmwẹ ọghe ọrhiọnkpa gha vbe ya emwa hia khian emwata vbe odaro Osanobua.

I Kọrinti 11:25

Erriọ vbe nọ zẹẹ, vbe iyeke evbare ota, ọ rhie ukpu, ọ keghi wẹẹ, “Ukpu na ọrọre ile ọgbọn ọghe Osanobua ne a ya esagiẹn mwẹ yi ẹre okhi. Ẹghẹikẹghẹ ne uwa a rhirhi ya wọn ẹn, wa gha ru ẹe ya ye mwẹ rre.”

Ẹfisọs 1:7

Rhunmwuda, vbe ekpa uwu Jesu Kristi, a keghi fannọ ima ye otọ, ọnii nọ wẹ a keghi vbe ya avbe orukhọ mwa bọ mwa. U miẹn vbe ẹsọhẹ, Osanobua kpọlọ hẹ,

Kọlose 1:14

Ọmwa ne ọ miẹn ima fan, ọ na vbe ya avbe orukhọ mwa bọ mwa.

Kọlose 1:20

Rhunmwuda ọnii, Osanobua keghi mwamwa ẹn wẹ, obọ Ọmọ ọre irẹn gha la viọ agbọn vbe ẹrinmwi dọlegbe rrie egbe. Uwu ne Ovbi ẹre wu vbe uhunmwu ugbugbe ọre Osanobua ya ru adọlọ ọ keghi dọlegbe viọ emwi hia rrie egbe, ni rre ẹrinmwi, kevbe ni rre agbọn.

Hibru 10:29

Inuinu ghi nọ khekherriọ, ne ọmwa ne ọ zan Ovbi Osanobua? Ne ọ ye aro tila ẹe ua, ighẹ esagiẹn ile Osanobua ne ọ yae khian ne ẹ i mwẹ iruẹn, ne ọ ye ukpẹ sakan Orhiọn ẹsọhẹ. Wa tobọ uwa roro ẹe vbene oya ne a gha rri ọre re gha kpọlọ sẹẹ ọnii hẹẹ.

Hibru 13:20

Osanobua huẹn Nọyaẹnmwa Jesu Kristi kpao vbe idin nẹ, ọmwa ne ọ re Ọsuohuan Nọkhua ọghe avbe ohuan, rhunmwuda uwu ẹre ne a ya yi ile etẹbitẹ nii okhi.

Hibru 9:28

Erriọ vbe nọ zẹẹ, a keghi ya Kristi zọ ese uhukpa, ne ọ viọ orukhọ emwa ni bun gha rrie. Ọ gha ye vbe ya egbe ladian uhukpa, ẹ i ghi re ne ọ do guan ye ẹmwẹ orukhọ, sokpan ne Ọ do miẹn iran fan ighẹ avbe emwa ni mudia khẹ ọre.

I Jọn 2:2

Rhunmwuda Kristi tobọ ẹre ọrọre ne a rhunmwuda ẹre ya orukhọ mwa bọ mwa, ẹ i vbe re orukhọ ọghomwa ọkpa, sokpan orukhọ emwa hia.

Arhie Maan 7:14

Mẹ keghi wanniẹn wẹ, “Dọ mọ o, mẹ ma rẹn, sokpan wẹ rẹnrẹn.” Ọ keghi tama mwẹ wẹ, “Ena ọrọre emwa ni sẹtin la ukpokpo nọkhua ni fo, vbe hẹnnẹdẹn. Iran họ ukpọn iran, iran keghi ye esagiẹn Oteghe Ohuan nii ya iran khian ni fua.

Arhie Maan 7:9

Vbe iyeke ọna, I ghi tọn aro mu, I keghi ya bẹghe agbọn ẹvbo ne ọmwa rhọkpa i sẹtin ka. Iran keghi ke agbọn ẹvbo ẹwae, uniẹn emwa kevbe ẹvbo ne a zẹ rre, iran mudia ye odaro ẹkete, iran keghi ya ogbọnmwọkpa haan, iran keghi viọ ewanmwẹ mwẹ obọ.